यॊहनस 13:8 - पुना गच्छरना NT (BSI)

⁸ पतरस बाचस, “मला, नीन एंग्‍है ख़ेड्डेन इकला हूँ मल नॊड़ना र'ई।” ख़ने येसुस बाचस, “ऎन निंग्‍है ख़ेड्डेन मल नॊड़ोन होले, नीन एंग्‍है आलर ती ओर्त मलदय।”

यॊहनस 13:8 ပူးပေါင်းရင်းမြစ်များ

मत्तायोस 16:22

ख़ने पतरस आसिन तरकूटी हो'अरकी कड़का हेलरस अरा बाचस, “उर्बायो, अम्‍बो मना का इकल'अम निंग्‍हा गने एन्ने मनो।”

मत्तायोस 21:29

आस आनाकिर्ताचस, ‘ऎन मल क'ओन।’ लिकिन ख़ॊख़ा पस्‍तारस ती केरस।

मत्तायोस 26:33

लिकिन पतरस आसिन बाचस, “ओर्मर निंगन अम्‍बोर होले अम्‍बोर नेकअन, ऎन मल अम्‍बोन।”

मत्तायोस 26:35

पतरस आसिन बाचस, “एंगा निंग्‍है गने खे'अना मनो दिम होले हूँ, ऎन इकला हूँ निंगन बलदन मल ब'ओन।” एन्नेम नन्ना ओर्मा चेलर हूँ बाचर।

यॊहनस 13:6

फिन आस सिमॊन पतरस गुसन बरचस ख़ने, पतरस आसिन बाचस, “उर्बायो! नीन एंग्‍है ख़ेड्डेन नॊड़ा कालदय का?”

यॊहनस 13:9

ख़ने सिमॊन पतरस आसिन बाचस, “अना उर्बायो, होले एंग्‍है ख़ेड्डे लेका मला ख़ेक्खा अरा कुक्‍कन हूँ नॊड़ा।”

यॊहनस 3:5

येसुस आनाकिर्ताचस, “ऎन निंगन मानिमन ब'अदन, नीक‍ईम अम्मु अरा बॊलतस ती मल कुन्‍द्रदस, आस धर्मेस तंग्‍है उज्‍जना नू राजी नन्नन अनुभव मल ननोस।

त‍इरकर 22:16

अक्‍कु एन्‍देरगे दिरी नन्‍दय? चो'आ नॊड़र'आ, अरा आसी नामे ती गोहरारना ती निंग्‍है पाप गुट्ठिन नॊड़ा चि'आ।’

1 कोरिन्‍थ 6:11

निम्‍है नू जोक्‍कोर एन्नेम रहचर, लिकिन नीम उर्बस येसु मसीसी नामे ती अरा नम्‍है धर्मेसी बॊलतस ती नॊड़रकर अरा नेम्‍हा मंजकर अरा उजगो मंजकर।

इफेसुस 5:26

मसीस इदन कलीसिया गे इदगे नंजस का आस कलीसियन धर्मेसी कत्था ती अरा अम्मु ती नॊड़रकी अदन सुध ननरकी नेम्हा कम'ओस,

कोलोस्से 2:18

नॆ हूँ निमन ठकना लुदऊ नू अरा मेर्ख़ा पैकारिन ओहमा मन्ना नू मन्दस ती नीम निम्है इनाम आबोन मल ख़क्खना ही जॊगे मना गे अड्डा अमा चि'आ। ई लेक्खा आलस तंग्है ईरका देखार ही पत्त नू बग्गे बुझुरत'अदस। बॊलता ही सुबहा मलका आसी जिया अनभनियाँ सोच ती फुलई मनी।

कोलोस्से 2:23

इबड़ा नॆग गुट्ठी महबा नन्ना ही चाल, अरा लुदऊ मन्ना, अरा मॆदन सिझा ब'अना लूर लेक्‍खा गा ईथ्र'ई, लिकिन मॆद ही चिबाख़ारना गुट्ठिन छेंक'आ गे इबड़ा ती एन्‍देर हूँ संगरा मल मनी।

तीतुस 3:5

ख़ने आस नमन नाड़ियस। ईद नम्‍है नंजका बॆस नलख चड्डे मल्‍ली, लिकिन आसी सोग्‍गे चड्डे मंजा। अरा आस नम्‍है पाप गुट्ठिन नूड़ियस ती ओथ्रस चिच्‍चस। अरा नमन नेम्‍हा बॊलतस ती दौ उज्‍जा गे पुना कमचस।

इब्रानी 10:22

औंगे बरा! नाम बड़ियर पत्त'अना गने मानिम जिया गने धर्मेसी हेद्दे बर'ओत, एन्‍देरगेका नम्‍है लखना ही बदी आबोन तरकूटी नना गे नम्‍है जिया मसीसी ख़ॆंस ती सुध मंजकी र'ई अरा नम्‍है कया निमन अम्मु ती नूड़की र'ई।

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।

दहदर मंजका कत्‍था 7:14

ख़ने ऎन बाचकन, “एंग्है उर्बायो नीनिम अख़दय।” ख़ने आस एंगन बाचस, “ईर कोहाँ खिलपत ती उरखर ती बरचका र'अनर, अरा इबड़र तम्‍है किचरी गुट्ठिन भेंडो ख़द्द मसीसी ख़ॆंस ती नूड़ियर ती पंडरु नंजका र'अनर।