यॊहनस 13:5 - पुना गच्छरना NT (BSI)

⁵ फिन थरा नू अम्मु एल्‍खस ती तंग्‍है चेलर ही ख़ेड्डेन नॊड़ा हेलरस, अरा कड़मा नू हॆंरका संफी ती चींचा हेलरस।

यॊहनस 13:5 ပူးပေါင်းရင်းမြစ်များ

लू‍कस 7:38

अरा येसुसी ख़ेड्डे गुसन ख़ॊख़ा इज्‍जा ती चींख़नुम, आसी ख़ेड्डेन ख़ंजलख़ो ती नूड़िया। अरा तंग्‍है कुक्‍कु ता चुट्टी ती चींचा हेलरा, अरा आसी ख़ेड्डेन घड़ी घड़ी चुंखिया ती अइय्या महमहरना इसुंगन नलबिया।

लू‍कस 7:44

तहाँ येसुस आ मुक्‍का तरा ईरयस ती सिमॊनसिन बाचस, “ई मुक्‍कन नीन ऎरदय का? ऎन निंग्‍है एड़पा नू बरचकन, लिकिन नीन नम्‍है चाल लेक्‍खा एंगा एंग्‍है ख़ेड्डेन नॊंढ्र'आ गे अम्मु मल चिच्‍कय। लिकिन ईद एंग्‍है ख़ेड्डेन ख़ंजलख़ो ती नूड़िया अरा तंग्‍है चुट्टी ती चींचिया।

यॊहनस 13:10

येसुस बाचस, “ओर्तोस एमच्‍का ख़ॊख़ा, आसी गोट्टा मॆद सफा र'ई, आस ख़ेड्डेन लेका नॊड़ा गे चाड़ र'ई। नीम सफा र'अदर, लिकिन निम्‍है ती ओर्मर मला।”

यॊहनस 13:6

फिन आस सिमॊन पतरस गुसन बरचस ख़ने, पतरस आसिन बाचस, “उर्बायो! नीन एंग्‍है ख़ेड्डेन नॊड़ा कालदय का?”

यॊहनस 13:8

पतरस बाचस, “मला, नीन एंग्‍है ख़ेड्डेन इकला हूँ मल नॊड़ना र'ई।” ख़ने येसुस बाचस, “ऎन निंग्‍है ख़ेड्डेन मल नॊड़ोन होले, नीन एंग्‍है आलर ती ओर्त मलदय।”

यॊहनस 19:34

लिकिन सैनर ती ओर्तोस आसी पंजरन बरछी ती जोबचस, ख़ने लॆम ख़ॆंस अरा अम्मु उरखा।

त‍इरकर 22:16

अक्‍कु एन्‍देरगे दिरी नन्‍दय? चो'आ नॊड़र'आ, अरा आसी नामे ती गोहरारना ती निंग्‍है पाप गुट्ठिन नॊड़ा चि'आ।’

1 कोरिन्‍थ 6:11

निम्‍है नू जोक्‍कोर एन्नेम रहचर, लिकिन नीम उर्बस येसु मसीसी नामे ती अरा नम्‍है धर्मेसी बॊलतस ती नॊड़रकर अरा नेम्‍हा मंजकर अरा उजगो मंजकर।

इफेसुस 5:26

मसीस इदन कलीसिया गे इदगे नंजस का आस कलीसियन धर्मेसी कत्था ती अरा अम्मु ती नॊड़रकी अदन सुध ननरकी नेम्हा कम'ओस,

1 तीमोथियुस 5:10

अरा आद दौ नलख गुट्ठी ती बॆस नामे ख़क्‍खकी र'ऊ आली मन्ना र'ई। एकाद ख़द्द-ख़र्रन पूसकी र'ओ, अरा पाहियर ही तेतर-सुसर नंजकी र'ओ, अरा नेम्‍हा आलर ही ख़ेड्डेन नूड़‍की र'ओ, अरा दुक्खे सार‍'ऊ आलर ही सहाड़ा नंजकी र'ओ, अरा उर्मी दौ नलख नू मने नंजकी र'ओ अन्ने आली मन्ना र'ई।

इब्रानी 10:22

औंगे बरा! नाम बड़ियर पत्त'अना गने मानिम जिया गने धर्मेसी हेद्दे बर'ओत, एन्‍देरगेका नम्‍है लखना ही बदी आबोन तरकूटी नना गे नम्‍है जिया मसीसी ख़ॆंस ती सुध मंजकी र'ई अरा नम्‍है कया निमन अम्मु ती नूड़की र'ई।

1 यॊहन 1:7

लिकिन धर्मेस बिल्ली नू र'अना लेक्खा नाम हूँ बिल्ली नू उज्जोत होले, मेस्रना नाम ओर्त ओर्त गने र'ओ, अरा आसी ख़द्दस येसुसी ख़ॆंस नमन नम्है उर्मी पाप ती नॊड़ो।

1 यॊहन 5:6

येसु मसीस अम्मु नू नॊड़रस ती अरा क्रुस नू तंग्है ख़ॆंसन बहाबाचका ती धर्मेसी ख़द्दस एन्ने दहदर मन्तारस। अम्मु ती लेका मला लिकिन अम्मु अरा ख़ॆंस ती आस दहदर मन्तारस। ईद मानिम एन्ने नेम्हा बॊलतस हूँ गोवाह चि'अदस, एन्देरगेका बॊलतस सगरो मानिमन ब'अदस।

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।

दहदर मंजका कत्‍था 7:14

ख़ने ऎन बाचकन, “एंग्है उर्बायो नीनिम अख़दय।” ख़ने आस एंगन बाचस, “ईर कोहाँ खिलपत ती उरखर ती बरचका र'अनर, अरा इबड़र तम्‍है किचरी गुट्ठिन भेंडो ख़द्द मसीसी ख़ॆंस ती नूड़ियर ती पंडरु नंजका र'अनर।