यॊहनस 13:4 - पुना गच्छरना NT (BSI)

⁴ येसुस ओन्ना पाँती ती चॊचस, अरा तंग्‍है थालर आबोन इच्‍चियस ती संफी ती तंग्‍है कड़मन हॆंचस।

यॊहनस 13:4 ပူးပေါင်းရင်းမြစ်များ

लू‍कस 12:37

इनाम ख़क्‍खू हिकनर अबड़ा जॊंख़र, नॆकन उर्बस बर'ओ बारी एजरका ख़क्‍खोस। ऎन मानिम ब'अदन का उर्बस कड़मन भिड़'ओस ती आरिन मंडी ओना गे ओकत'ओस, अरा हेद्दे बर‍'अरकी आरिन सुसर'ओस।

लू‍कस 17:7

उर्बस अउरिम बाचस, “निम्‍है ती नॆखय जॊंख़स र'अदस। आ जॊंख़स गोहला उइय्ना महले भेंडो ख़ापना ती ख़ल्ल ती एड़पा किर्रदस होले, आसिन नीम ब'ओर का ‘नीन लॆम कला मंडी ओना गे ओक्‍का?’

लू‍कस 17:8

आस आसिन एन्ने ब'ओस, ‘एंगा मंडी सराजमा नना, एंग्है ओन्ना-मॊख़ना गूटी कड़मन भिड़'अरकी सुसर'अत र'आ, अरा अदही ख़ॊख़ा नीन हूँ ओनके मॊख़के।’

लू‍कस 22:27

कोहाँ मुखिया नॆ? एकास मंडी ओना उक्‍कादस का आस गे सुसर'अदस आस? मंडी ओना गे उक्‍कादस आस दिम मुखियस। ऎन गा निम्‍है मझी नू जॊंख़र लेक्‍खा र'अदन।

यॊहनस 13:12

आस आर ही ख़ेड्डेन नूड़ियस मुंजियस ती तंग्‍है थालर आबोन अत्तियस। फेन तंग्‍है अड्डा नू उक्‍कियस अरा आरिन मेंजस, “नीम बुझुरदर का ऎन निम्‍है गने एन्‍देर नंजकादन?

2 कोरिन्‍थ 8:9

नीम गा नम्है उर्बस येसु मसीसी मया आबोन अख़दर का, आस उरुब रहचका ती हूँ निम्‍है चड्डे कीड़ा मंजस, ईगेका नीम आसी कीड़ा मन्ना ती उरुब मना ओंगोर।

1 यॊहन 3:11

नाम ओर्त ओर्त गने चोन्हा नन्ना र'ई, ईदिम नीम ऒड़ तिम मेंजका रहचका कत्था हवे।