यॊहनस 13:34 - पुना गच्छरना NT (BSI)

³⁴ ऎन निमा गे ओन्‍टा पुना पॆसका चि'अदन, नीम ओर्त ओर्त गने चोन्‍हा नना। एकासे ऎन निमन चोन्‍हा नंजकन, अन्नेम नीम हूँ ओर्त ओर्त गने चोन्‍हा नन्‍ना र'ई।

यॊहनस 13:34 ပူးပေါင်းရင်းမြစ်များ

मत्तायोस 5:44

लिकिन ऎन निमन ब'अदन, ‘निम्‍है बैरीरिन चोन्‍हा नना, अरा निम्‍है भख'उर गे बिन्‍ती नना।

यॊहनस 15:17

नीम ओर्त ओर्त गने चोन्‍हा नना, ईदिम एंग्‍है पॆसका हवे।

यॊहनस 17:21

अना बंगायो, एकन्ने नीन एंग्‍है नू र'अदय, अरा ऎन निंग्‍है नू र'अदन, अन्नेम आर हूँ नम्‍है नू ओंटम मना गे गोहरारदन। होले नीन एंगन त‍इय्‍कय, एन्ने ख़ॆख़ेल पत्त'आ ओंगो।

रोमी 12:10

अपन ती नन्नर गने भ‍ई बहिन बेसे चोन्‍हा नना। निम्‍है ती बग्‍गे नन्नारिन म‍ईन ननके।

रोमी 13:10

चोन्‍हा अरबर-परबर ही एन्‍देर हूँ मलदौ मल ननी, औंगे नॆ चोन्‍हा नन्दस आस उर्मी नॆगन पॆस्रदस।

रोमी 13:8

अपन ती नन्नर नू चोन्‍हा नन्नन अम्‍बरकी एकअम हूँ कत्‍था नू नॆखा हूँ नहड़ा अमा मना। एन्‍देरगेका नॆ तंग्‍है अरबर-परबर गने चोन्‍हा नन्दस आसिम नॆगन पूरा नंजका र'अदस।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

गलातिया 6:10

औंगे एका गूटी नमा मोका ख़क्‍ख्र'आ लगी, नाम ओर्मर ही दौ ननत र'ओत, कोड़हे गा पत्त'अना नू र'अनर नम्‍है भइय्योर गे दौ नना।

गलातिया 6:2

एन्ने ओत्‍था चिरखीन चेड़'आ गे ओर्त ओर्त ही सहाड़ा नना। अरा एन्ने नन्‍दर होले, मसीसी पॆसका आबोन नन्‍दर।

इफेसुस 5:2

एकासे मसीस तंगन धर्मेस गे पत्तारना महकारना दान अरा दाँड़े बेसे नम्है चड्डे चिच्चस ती नम्‍है गने चोन्‍हा नंजस, अन्नेम नीम हूँ चोन्हा ही उज्जना उज्जा।

कोलोस्से 1:4

एन्‍देरगेका मसी येसुस नू निम्है पत्त'अना ही पत्त नू अरा ओर्मा धर्मेसी आलर ही मइय्याँ ता निम्है चोन्हा आबोन ऎम मेंजकादम।

1 थेस्‍सलोनिकॆयर 3:12

एम्‍है चोन्‍हा एकासे निम्है नू परदिया निन्‍दिया अन्नेम निम्‍है चोन्‍हा ओर्त ओर्त नू नन्‍नर नू परदा ती नीदा गे उर्बस निमन सहाड़ा नन्‍दस नेक‍अन।

2 थेस्‍सलोनिकॆयर 1:3

अना भईरो, एमा निमा गे सगरो धर्मेसिन धन्‍यवाद चि'अना र'ई। आदिम दौ र'ई। एन्‍देरगेका निम्‍है पत्त'अना अउरिम परदा लगी, अदही गने निम्‍है चोन्‍हा ओर्त ओर्त नू र'ई आद परदा लगी।

इब्रानी 13:1

तंग्‍है ती नन्नारिन भ‍ई बहिन बेसे चोन्‍हा नन्ना नू बन्चका र'आ।

याकॊब 2:8

“नीन निंगन एकासे चोन्‍हा नन्‍दय, अन्ने निंग्‍है अरबा-परबारिन चोन्‍हा नना।” एन्ने नेम्‍हा पुथी नू लिख्रका ई कोड़हे मुध पॆसकन नीम मानिम गने नन्दर होले, नीम बॆस आबोन नन्दर।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

2 पतरस 1:7

अरा भगती गने भई बहिन चोन्हा, अरा भई बहिन चोन्हा गने चोन्हन जोड़'आ।

1 यॊहन 3:11

नाम ओर्त ओर्त गने चोन्हा नन्ना र'ई, ईदिम नीम ऒड़ तिम मेंजका रहचका कत्था हवे।

1 यॊहन 3:23

अरा नाम आसी ख़द्दस येसु मसीसी नामे नू पत्त'अना र'ई, अरा आस नमन पॆसका रहचका लेक्खा ओर्त ओर्त गने चोन्हा नन्ना र'ई। ईदिम आसी पॆसका हवे।

1 यॊहन 4:21

एका ओर्तस धर्मेस गने चोन्हा नन्दस, आस गे तंग्है संगे मसी भईस गने हूँ चोन्हा नन्ना र'ई। ई पॆसकन दिम नाम धर्मेस ती ख़क्खकादत।

2 यॊहन 1:5

अनय आली, ऎन अक्कु निंगा गे पुना पॆसकन मल लिखदन। नाम ऒड़ तिम ख़क्ख्रका पॆसकन दिम लिखदन ती निंगन गोहरारदन का नाम ओर्त ओर्त गने चोन्हा नन्ना र'ई।