यॊहनस 13:17 - पुना गच्छरना NT (BSI)

¹⁷ अक्‍कुन नीम इबड़ा कत्‍थन अख़दर, अरा इबड़न नीम नन्‍दर होले, धर्मेस निमन बरकत ननोस।

यॊहनस 13:17 ပူးပေါင်းရင်းမြစ်များ

मत्तायोस 12:50

एन्‍देरगेका एका ओर्तर एंग्‍है मेर्ख़ा बंगासी मने लेक्‍खा ऎकनर, आरिम एंग्‍है भ‍ई अरा एंग्‍है बहिन अरा एंग्‍है अयंग हिकनर।”

लू‍कस 11:28

लिकिन येसुस बाचस, “अदिन ती कोड़हे आसीस ख़क्‍खू र'अनर आर नॆ धर्मेसी कत्थन मेन्नर ती पॆस्रनर।”

यॊहनस 15:14

ऎन एन्‍देर एन्‍देर पॆसकन अदिन नीम नन्‍दर होले, नीम एंग्‍है संगेर र'अदर।

रोमी 2:13

एन्‍देरगेका धर्मेसी पॆसकन मिनू आलर उजगो मल मनोर, लिकिन धर्मेसी पॆसकन पॆस्र'ऊ आलर उजगो मनोर।

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

याकॊब 1:25

लिकिन नॆ नमा गे छछिन्‍द चि'ऊ ई निंद्रका नॆग नू चिहुंक ती जिया लगा ब'अते र'अदस, आस तान एन्द्रन मेंजकादस अदिन मल मॊध्रदस ती अदही लेक्खा नलख नन्तेम र'अना र'ई। अन्नेम आस नन्दस होले, आस एन्द्रन नन्दस अइय्या आसीस ख़क्‍खोस।

याकॊब 4:17

औंगे ओर्तस तंगा नन्ना र'ई आ दौ आबोन अख़दस ती हूँ अदन मल नन्‍दस होले, आस पाप नन्दस।

दहदर मंजका कत्‍था 22:14

एकार तम्‍है किचरी गुट्ठिन नॊड़नर ती सुध उइय्नर, आर आसीस ख़क्ख'ऊ र'अनर। आर लेका नगरे ही बली ती कोर'आ गे अरा उज्‍जना ही मन्न ही ख़ंजपन मोख़ा गे अदिया ख़क्खोर।