यॊहनस 13:10 - पुना गच्छरना NT (BSI)

¹⁰ येसुस बाचस, “ओर्तोस एमच्‍का ख़ॊख़ा, आसी गोट्टा मॆद सफा र'ई, आस ख़ेड्डेन लेका नॊड़ा गे चाड़ र'ई। नीम सफा र'अदर, लिकिन निम्‍है ती ओर्मर मला।”

यॊहनस 13:10 ပူးပေါင်းရင်းမြစ်များ

मत्तायोस 6:12

अरा एकासे ऎम एम्‍है उर्मी अक्‍का-बलकारिन अम्‍बदम चि'अदम अन्नेम एम्‍है अक्‍का-बलकन हूँ अम्‍बा चि'आ।

यॊहनस 13:18

ऎन नीम ओर्मर ही पत्त नू मल ब'अदन। ऎन अख़दन का ऎन नॆकन नॆकन चज्जिकादन। लिकिन ईद इदगे मनी का नेम्‍हा पुथी नू लिख्रका कत्‍था मन्ना र'ई, ‘एकास एंग्हा गने मोक्‍खस आस दिम एंग्‍है बिड़दो मंजकादस।’

यॊहनस 13:9

ख़ने सिमॊन पतरस आसिन बाचस, “अना उर्बायो, होले एंग्‍है ख़ेड्डे लेका मला ख़ेक्खा अरा कुक्‍कन हूँ नॊड़ा।”

यॊहनस 15:3

नीम गा ऎन निमन बाचका कत्‍था गुट्ठी ती मुन्‍द दिम छटका अरा सफा मंजकादर।

2 कोरिन्‍थ 5:17

औंगे नीकईम मसी नू र'अदस होले, आस पुना गढ़्रना हिकदस। पच्चा कत्‍था गुट्ठी किर्रिम बिच्चिया, पुना उज्जना ऒर मंजकी र'ई।

2 कोरिन्‍थ 5:21

धर्मेस नमा गे इकला हूँ पाप मल नंजका येसुसिन पाप ही दाँड़े कमचस। नाम मसीस नू धर्मेसी उजगो मना गे दिम आस एन्ने नंजस।

2 कोरिन्‍थ 7:1

अना एंगा चोन्हा भईरो! नमा एन्ने गच्छरना गुट्ठी ख़क्ख्रकी र'ई, औंगे नाम नम्है कया अरा जियन सोतबोड़'आ ननू उर्मी जिनिस ती नमन सुध मंज ख़च्चदत नेकअन। अरा धर्मेसी इल्चक'आ गने नमा नेम्हन पूरा मन्ना ही तरा नलख नन्दत नेकअन।

1 थेस्‍सलोनिकॆयर 5:23

अक्‍कु कोड़े चि'ऊ धर्मेस दिम निमन उर्मी तरा नेम्‍हा नन्‍दस नेक‍अन। अरा नम्‍है उर्बस येसु मसीसी किर्रना बेड़ा गूटी नम्‍है बॊलता अरा जिया अरा मॆद दौ गने अरा बिगर बदी ही र'अन नेक‍अन।

इब्रानी 9:10

अबड़ा गा ओन्ना-मॊख़ना ही आलॊ गुट्ठी अरा रकम रकम ही नॊड़ना मंजना ही मॆद ही चाल गुट्ठी हवे, एकदा पुना नॆत बरना गूटी गा नलख मनी।

याकॊब 3:2

नाम ओर्मर बग्गे रकम नू झुकुरदत। नॆ तंग्है ब'अना नू इकला हूँ मल झुकुरदस, आसिम पखड़ मंजका आलस हिकदस। ई लेक्खा आलस दिम तंग्है गोट्टा मॆदन सम्ड़'आ उंगू आलस हिकदस।