यॊहनस 12:47 - पुना गच्छरना NT (BSI)

⁴⁷ नेक‍ईम एंग्‍है कत्‍था गुट्ठिन मेन्‍दस ती अबड़न मल मनदस होले, आसिन ऎन नेंव‍ई मल नन्‍दन, एन्‍देरगेका ऎन ख़ॆख़ेलन नेंव‍ई नना गे मला, लिकिन अदिन नाड़ा गे बरचका र'अदन।

यॊहनस 12:47 ပူးပေါင်းရင်းမြစ်များ

मत्तायोस 18:10

चिहुंक र'आ का नीम इबड़ा सन्नी मधेर ती नॆकन हूँ अमके ख़ाँड़'आ। एन्‍देरगेका ऎन निमन मानिम ब'अदन का मेर्ख़ा नू आर ही पैकर एंग्‍है मेर्ख़ा ता बंगस गने सगरो र'‍अनर। [

मत्तायोस 18:11

एन्‍देरगेका मनवा ख़द्दन ऎन एबस्रका आलारिन नाड़ा बरचकादन।]

मत्तायोस 20:28

एन्‍देरगेका मनवा ख़द्दन ऎन आलारिन तेतर-सुसर नन्त'आ गे मला आलर गे तेतर-सुसर नना गे, अरा आलारिन तम्‍है पाप ही दंडे ती नाड़ा गे दाँड़े लेक्‍खा एंग्‍है मने ती खे'आ गे ख़ॆख़ेल नू बरचकन।”

लू‍कस 19:10

मनवा ख़द्दन ऎन एबस्रकारिन बेद्दा अरा नाड़ा बरचकादन।”

लू‍कस 9:56

मनवा ख़द्दन ऎन गा आलर ही जियन नटाब'आ गे मला लिकिन बछाब'आ गे बरचकादन।”] अरा आर नन्‍ना पद्दा नू किर्रिम बिच्‍चियर।

यॊहनस 12:48

नॆ एंगन ख़ाँड़ना ती एंग्‍है कत्‍था गुट्ठिन मल इंझ्रदस, आस गे ओन्टा नेंव‍ई ननुस र'अस। ऎन बाचका ई कत्‍था दिम छेद्दे उल्‍ला नू आसिन नेंव‍ई ननो।

यॊहनस 3:17

धर्मेस तंग्‍दासिन ख़ॆख़ेल नू ख़ॆख़लन नेंव‍ई नना गे मल तइय्यस, लिकिन आस ती ख़ॆख़लन नाड़ा गे त‍इय्यस।

यॊहनस 5:45

धर्मे बंगस गुसन ऎन निमन बदी ननोन एन्ने अमके सोच'आ। नीम असरा ननू मूसस दिम निमन बदी ननोस।

यॊहनस 8:26

ऎन निम्‍है पत्त नू तेंगा गे अरा नेंव‍ई नना गे ढ़ॆर कत्‍था र'ई। एंगन तइय्युस मानिम र'अदस, आस गुसते ऎन एन्‍द्रन मेंजकन अबड़ा कत्‍थन लेका ख़ॆख़ेल नू तेंगदन।”

2 पतरस 3:15

अरा सुरता नना का, नम्है उर्बासी कयास आलर गे नाड़र'आ गे बेड़न चि'ई। अन्ने दिम नम्है चोन्हा भई पौलुस हूँ धर्मेस तंगा गे चिच्का लूर ती निमा गे लिखचस।

1 यॊहन 4:14

अरा ऎम इदन ईरका रहचकम अरा इदही पत्त नू गोवाह चि'अदम का धर्मे बंगस तंग्दासिन ख़ॆख़ेल ही नाड़ुस बेसे तइय्कादस।