यॊहनस 12:42 - पुना गच्छरना NT (BSI)

⁴² अन्नु हूँ यहूदी मुद्धर ती ढ़ॆर आलर येसुस मइय्याँ पत्ताचर। लिकिन फरिसीर चड्डे आर आसी म‍इय्याँ ता तंग्‍है पत्त'अनन मल तेंगरर। आर इदगे इल्‍चियर का आर आरिन गोड़हा एड़पा ती ओथ्र'ओर चि'ओर दने।

यॊहनस 12:42 ပူးပေါင်းရင်းမြစ်များ

मत्तायोस 10:32

औंगे नॆ एंगन आलर ही मुन्‍दहारे अख़दन ब'अदस, आसिन ऎन हूँ मेर्ख़ा नू र'ऊ एंग्‍है बंगासी मुन्‍दहारे आस एंग्‍है आलस ब'ओन।

लू‍कस 12:8

ऎन निमन ब'अदन का, नॆ एंगन आलर ही मुन्‍दहारे अख़दन ब'अदस, आसिन मनवा ख़द्दन ऎन हूँ धर्मेसी पैकर ही मुन्‍दहारे आस एंग्‍है आलस ब'ओन।

लू‍कस 23:13

तहाँ पिलातुस मुध नैगर दरा नन्ना यहूदी मुद्धर अरा आलारिन मीख़ियस ती ख़ॊंड़चस।

लू‍कस 6:22

मनवा ख़द्दस चड्डे आलर निमन छिंडोर अरा निमन अम्‍बोर चि'ओर अरा निमन हींड़'ओर अरा निम्‍है नामेन मलदौ ब'ओर ती खंडोर चि'ओर होले धर्मेस निम्हा ती खुसमार'ओस।

यॊहनस 11:45

मरियम गने भेंट मना गे बरचका बग्‍गे यहूदीर येसुसी ई नलख नंजकन ईरियर ती आसी मइय्याँ पत्ताचर।

यॊहनस 12:11

एन्‍देरगेका आसी चड्डे नगदे यहूदी आलर आरिन अम्‍बा लगियर ती येसुसिन पत्त'आ लगियर।

यॊहनस 16:2

आलर निमन आर ही गोड़हा एड़पा गुट्ठी ती ओथ्र'ओर चि'ओर। मानिम नू ओन्‍टा बेड़ा बर'आ लगी, नॆ निमन पिटोर आर सोच'ओर का आर इदन नन्ना ती धर्मेसी सुसर नन्‍नर।

यॊहनस 19:38

इबड़ा ही ख़ॊख़ा अरिमतिया पद्दा ता यॊसॆफस येसुसी मॆदन हो'आ गे पिलातुस गुसन नॆचस। आस येसुसी चेला रहचस। यहूदीर ही इल्चका ती आस तंगन आसी चेलस एन्ने दहदर मल नंजकाचस। पिलातुस मॆदन हो'आ चिच्‍चस ख़ने, आस बरचस ती येसुसी मॆदन होच्‍चस केरस।

यॊहनस 3:2

आस उन्‍दुल माख़ा येसुस गुसन बरचस ती बाचस, “अना गुरु, ऎम अख़दम का नीन धर्मेस तरती बरचका ओन्‍टा गुरु हिकदय। एन्‍देरगेका नीन नन्‍दय आ अजगुत नलख ही चिन्‍हा गुट्ठिन नॆ हूँ नना पोल्‍लोस, एका गूटी धर्मेस आस गने मल र'अदस।”

यॊहनस 7:13

अन्नु हूँ यहूदी मुद्धर ही इलिच्‍क'आ ती नॆ हूँ आसी पत्त नू हरकट मल ब'आ लगियर।

यॊहनस 7:31

लिकिन ख़ॊंड़रका आलर ती बग्‍गेर आसिन पत्ताचर। अरा अबड़र बाचर, “मसीस बरदस ख़ने, आस ई आलस नंजका ती कोड़हे अजगुत नलख ननोस का?”

यॊहनस 9:22

आसी तंग्‍यो तम्‍बा यहूदी मुद्धारिन इल्‍चका ती एन्ने बाचर, ईगेका यहूदी मुद्धर ताम मुन्‍द तिम सलहा नंजका रहचर का नीकईम येसुसिन मसी ब'ओर होले, आरिन गोड़हा एड़पा ती ओथ्र'ओम चि'ओम।

यॊहनस 9:34

अरा आर आसिन बाचर, “नीन गा कुन्‍द्रका तिम पपहा र'अदय। नीन एमन सिखाब'आ गे चिहुट नन्‍दय का?” अरा आर आसिन गोड़हा एड़पा ती ओथ्रर चिच्‍चर।

त‍इरकर 5:41

त‍इरकर रिझ मंजर ती कोहाँ सभा एड़पा ती उरखर। एन्‍देरगेका आर येसुसी नामे चड्डे मार मॊख़ा गे अरा लज्‍जे मॊख़र'आ गे जॊगे गन्‍तारर।

रोमी 10:10

एन्‍देरगेका जिया ती पत्त'अना चड्डे आलस उजगो मन्‍दस अरा ब‍ई ती तंग्‍है पत्त'अनन तेंगरना चड्डे नाड़रदस।

1 यॊहन 4:15

एका ओर्तस येसुस धर्मेसी ख़द्दस एन्ने तेंग्रदस, आस नू धर्मेस बन्चकादस, अरा आस हूँ धर्मेस नू बन्चकादस।

1 यॊहन 4:2

धर्मेसी बॊलतन ख़क्खका धर्मेसी कत्था तिंगुरिन नीम एकासे अख़'आ ओंग्दर का: ओर्त धर्मेसी कत्था तिंगुस येसु मसीस मानिम आल मंजस ती बरचस एन्ने तेंग्रदस होले, आस नू धर्मेसी बॊलतस र'अदस।