यॊहनस 12:41 - पुना गच्छरना NT (BSI)

⁴¹ यसायास येसुसी महबन ईरका चड्डे आसी पत्त नू तिंगियस ख़ने, इबड़ा कत्‍थन बाचस।

यॊहनस 12:41 ပူးပေါင်းရင်းမြစ်များ

लू‍कस 24:27

ख़ने आस मूसस अरा ओर्मा धर्मेसी कत्‍था तिंगुर तंग्‍है पत्त नू लिखचका ओर्मा कत्‍थन आर गे बुझाबाचस।

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

यॊहनस 14:9

येसुस आसिन बाचस, “फिलिप्‍पोस, ऎन एन्ने उल्‍ला गूटी निम्‍‍है गने रहचकन, अन्नु हूँ अक्‍कु गूटी नीन एंगन बलकय का? नॆ एंगन ईरकादस, आस बंगासिन हूँ ईरकादस। होले नीन एन्‍देरगे ब'अदय, ‘बंगासिन एमन ऎद'आ’?

यॊहनस 5:39

नीम नेम्‍हा पुथी ही कत्‍था गुट्ठिन चिहुंक ती पढ़'आ, एन्‍देरगेका अबड़ा नू ती जनमजुग उज्‍जनन ख़क्‍खोर एन्ने सोचदर। अबड़ा दिम एंग्है पत्त नू गोवाह चि'ई।

त‍इरकर 10:43

आसी पत्त नू उर्मी धर्मेसी कत्‍था तिंगुर गोवाह चि'अनर का नॆ आसिन पत्त'ओर आर गे आसी नामे ती पाप छमा ख़क्‍खोर।”

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

इब्रानी 1:3

आस धर्मेसी महबा ही त्रास ऎथ्रदस अरा आसी सुबहा आबोन अन्नेम ऎद्ददस। आस तंग्‍है सवंगिय कत्‍था ती ओर्मा जिनिसन समड़'अदस। आस नम्‍है पाप गुट्ठिन सुध नंजस ती उर्मी सवंग ती निन्‍द्रका धर्मेसी तीना पक्‍खे उक्‍का र'अदस।

1 पतरस 1:11

मसीसी बॊलता आर ही नू रहचा, अरा आरिन तिंगिया का एकासे मसीस दुक्‍खे चॊद'ओस अरा अदही ख़ॊख़ा कोड़हे मईन आबोन ख़क्खोस। औंगे आर इदही बेद्दना ख़ॊजना ही चिहुट नंजर का इदही बेड़ा एकाबारी बर'ओ, अरा आद एकासे बर'ओ।

दहदर मंजका कत्‍था 19:10

इदन मेंजकन ख़ने, ऎन आसिन ऒड़ लग्गा गे आसी ख़ेडमूली खत्रकन। ख़ने आस एंगन बाचस, “ऎरा, एन्ने अमा नना, ऎन हूँ निंग्‍है गने अरा येसुसी पत्त नू गोवाह चि'ऊ निंग्‍है भईर गने संगे जॊंख़न हिकदन। औंगे धर्मेसिन दिम ऒड़ लग्गा। एन्‍देरगेका नॆ येसुसी पत्त नू नन्नर गे तेंगनर, आर मानिम नू धर्मेसी बॊलतस आर गे चिच्का कत्था गुट्ठिन दिम तेंगनर।”