यॊहनस 12:37 - पुना गच्छरना NT (BSI)

³⁷ येसुस आलर ही मुन्‍दहारे कोड़हे बग्‍गे अजगुत नलख ही चिन्‍हा नंजका ती हूँ आर आसिन मल पत्ताचर।

यॊहनस 12:37 ပူးပေါင်းရင်းမြစ်များ

मत्तायोस 11:20

अन्‍ति येसुस आ नगरे गुट्ठिन केबा हेलरस, एकइय्‍या आस उर्मिन्‍ती कोड़हे सवंग ही नलख नंजका रहचस, अन्‍नु हूँ आर जियन मल किर्ताचका रहचर।

लू‍कस 16:31

लिकिन अब्राहमस आसिन बाचस, ‘मूसासी पॆसका अरा धर्मेसी कत्‍था तिंगुर ही पुथी गुट्ठिन मल मेनोर होले, नीक‍इम केचका ती उज्‍जा चो'ओस ती आरिन तेंगोस होले हूँ आसिन मल मेनोर।’”

यॊहनस 1:11

आस तंग्‍है आलर गुसन बरचस, अन्नु हूँ तंग्‍है आलर आसिन मल इंझ्रर।

यॊहनस 11:42

अरा ऎन अख़'आ लिक्‍कन, नीन सदौ एंग्‍हैन मेन्‍दय। लिकिन इसन ओनबेंड़र'आ इज्‍जका आलर ही चड्डे ऎन एन्ने बाचकन का आर पत्त'आ ओंगोर का नीन एंगन तइय्कादय।”

यॊहनस 12:36

बिल्‍ली निम्‍है गने र'अना बारिम, नीम आ बिल्‍लिन पत्त'आ, होले नीम बिल्‍ली ही ख़द्दर मना ओंगोर।” येसुस इबड़न बाचस ती किर्रिम बिच्‍चियस, अरा आस मल ऎथ्रस।

यॊहनस 12:38

धर्मेसी कत्‍था तिंगू यसायास ती बाचका कत्‍था पूरा नना गे दिम ईद मंजा। “अना उर्बायो, एम्‍है कत्‍थन नॆ पत्ताचका र'अनर। अरा नॆख'आ गे उर्बासी कोड़हे सवंग दहदर मंजा?”

यॊहनस 15:24

एका अजगुत नलख गुट्ठिन नॆ हूँ मल नंजका रहचर आ अजगुत नलख गुट्ठिन आर ही मझी नू ऎन मल नंजका रहचकन होले, आर ही म‍इय्याँ पाप ही बदी मल लग्‍गो दने। लिकिन अक्‍कु गा आर ऎन एन्‍देर नंजकन अबड़ा ओर्मन ईरियर, अन्नु हूँ आर एंग्‍है गने अरा एम्‍बस गने हींड़का र'अनर।

यॊहनस 2:11

ईद दिम येसुस नंजका पहिल अजगुत नलख ही चिन्‍हा हवे। इदन आस गलिलेया जिला ही काना पद्दा नू नंजस। ई लेक्‍खा आस तंग्‍है महबन ऎदस। अरा आसी चेलर आसी नू पत्ताचर।

यॊहनस 6:2

ओन्‍टा कोहाँ गोंहड़ा आसी ख़ॊख़ा कालिया, एन्‍देरगेका आस रोगियारिन कोड़े नंजस ती अजगुत नलख ही चिन्‍हा ऎदकाचस, अदिन आर ईरका रहचर।