यॊहनस 12:36 - पुना गच्छरना NT (BSI)

³⁶ बिल्‍ली निम्‍है गने र'अना बारिम, नीम आ बिल्‍लिन पत्त'आ, होले नीम बिल्‍ली ही ख़द्दर मना ओंगोर।” येसुस इबड़न बाचस ती किर्रिम बिच्‍चियस, अरा आस मल ऎथ्रस।

यॊहनस 12:36 ပူးပေါင်းရင်းမြစ်များ

मत्तायोस 21:17

अरा आस आरिन अम्‍बियस ती बेतानिया पद्दा केरस अरा माख़ा असन रहचस।

मत्तायोस 5:14

नीम ख़ॆख़ेल नू आलर गे बिल्‍ली लेक्‍खा र'अदर। परता मइय्याँ नू ओक्रका नगरे नूख़्र'आ पुल्‍ली।

लू‍कस 16:8

ख़ने उर्बस मलदौ ईरु-ख़ूजुसी लूर आबोन ईरियस ती आसिन सहरारस। एन्ने ई परिया ता मल पत्त'ऊ आलर गा तम्‍‍है आलर मदहे नू धर्मेसी राजी गे जॊगे आलर ती लूरगर र'अनर।

यॊहनस 1:7

आस आ बिल्‍ली ही पत्त नू गोवाह चि'आ गे ओन्‍टा गोवाह लेक्‍खा बरचस, औंगे ओर्मर आस ती पत्त'आ ओंगोर नेकअन।

यॊहनस 11:54

औंगे येसुस आ बेड़ा ती हरकट ती यहूदीर मझी नू मल कुद्दियस। लिकिन आस असते उरखस ती टोडंग ही हेद्दे ता चकभार नू एफ्राईम नामे ओन्‍टा पद्दा नू केरस, अरा तंग्‍है चेलर गने अइय्यम रहचस।

यॊहनस 12:37

येसुस आलर ही मुन्‍दहारे कोड़हे बग्‍गे अजगुत नलख ही चिन्‍हा नंजका ती हूँ आर आसिन मल पत्ताचर।

यॊहनस 12:46

ऎन ख़ॆख़ेल नू बिल्‍ली लेक्‍खा बरचका र'अदन। औंगे नॆ एंगन पत्त'ओस आस ऊख़ा नू मल र'ओस।

यॊहनस 3:21

लिकिन नॆ मानी गने उज्‍जनर, आर बिल्‍ली हेद्दे बरनर, अत्रु ईद दहदर मनी का आर ही नलख धर्मेस ती मंजकी र'ई।”

यॊहनस 8:12

तहाँ येसुस अउरिम आलर गने कछनख्र'आ हेलरस, अरा बाचस, “ऎन ख़ॆख़ेल ही बिल्‍ली हिकदन। एकास एंग्‍है गने चॊंख़्रदस आस इकला हूँ ऊख़ा नू मल र'ओर, लिकिन आस उज्‍जना चि'ऊ बिल्‍लिन ख़क्‍खोस।”

यॊहनस 8:59

इदन मेंजर ती आर आसिन लोड़ग'आ गे पखना गुट्ठी पेत्तर। लिकिन येसुस नूख़्रस ती धर्मेसी मन्दिर ती गुच्‍छरस केरस।

इफेसुस 5:8

एन्देरगेका मुन्द नीम ऊख़ा रहचकर, लिकिन अक्‍कु नीम उर्बासी र'अना ती बिल्‍ली र'अदर। औंगे बिल्‍लिन ता ख़द्दर लेक्‍खा ऎका।

1 थेस्‍सलोनिकॆयर 5:8

लिकिन नाम गा उल्‍ला ही मंजकत ती जगचका र'अरकी पत्त'अना अरा चोन्‍हा ही कवच अत्तोत, अरा नाड़रना ही असरा आबोन पन्ना ही टोपी बेसे अत्तोत।