यॊहनस 12:35 - पुना गच्छरना NT (BSI)

³⁵ ख़ने येसुस आरिन बाचस, “बिल्‍ली अक्‍कुन निम्‍है गने जुक्‍किम बेड़ा गे र'ओ। ऊख़ा निमन कुलना ती मुन्‍द, बिल्‍ली निम्‍है गने र'अना बारिम नीम अइय्या नू ऎका। ऊख़ा नू ईकू आलस तान एसन कादस अदिन बलदस।

यॊहनस 12:35 ပူးပေါင်းရင်းမြစ်များ

लू‍कस 18:37

अबड़र आसिन तिंगियर, “नासरेत ता येसुस कट्टालदस।”

यॊहनस 11:10

लिकिन आस माख़ा नू ऎकदस होले, मूड़दस, एन्‍देरगेका अइय्या उल्‍ला बारी बेसे बिल्‍ली मल र'ई।”

यॊहनस 11:9

येसुस बाचस, “उल्‍ला ही बारा घंटा मनी। एकअम ओर्तस उल्‍ला बारी ऎकोस होले, मल मूड़दस, एन्‍देरगेका ई ख़ॆख़ेल ता बिल्‍लिन ऎरदस।

यॊहनस 12:36

बिल्‍ली निम्‍है गने र'अना बारिम, नीम आ बिल्‍लिन पत्त'आ, होले नीम बिल्‍ली ही ख़द्दर मना ओंगोर।” येसुस इबड़न बाचस ती किर्रिम बिच्‍चियस, अरा आस मल ऎथ्रस।

यॊहनस 12:46

ऎन ख़ॆख़ेल नू बिल्‍ली लेक्‍खा बरचका र'अदन। औंगे नॆ एंगन पत्त'ओस आस ऊख़ा नू मल र'ओस।

यॊहनस 16:16

एगघड़ी ख़ॊख़ा नीम एंगन मल ऎरोर, अरा एगघड़ी ख़ॊख़ा नीम एंगन अउर ऎरोर।”

यॊहनस 7:33

येसुस बाचस, “ऎन जोक्‍क उल्‍ला लेका निम्‍है गने र'ओन, फेन एंग्‍है तइय्युस गुसन किर्रिम बि'ओन।

यॊहनस 8:12

तहाँ येसुस अउरिम आलर गने कछनख्र'आ हेलरस, अरा बाचस, “ऎन ख़ॆख़ेल ही बिल्‍ली हिकदन। एकास एंग्‍है गने चॊंख़्रदस आस इकला हूँ ऊख़ा नू मल र'ओर, लिकिन आस उज्‍जना चि'ऊ बिल्‍लिन ख़क्‍खोस।”

2 कोरिन्‍थ 3:14

लिकिन आर ही जिया गुट्ठी बेड़हा मंजकी किरकी रहचा। इन्ना गूटी हूँ गा पच्चा गच्छरनन पढ़ना बारी आ कुलकुटरना मल ओथ्रना बारिम र'ई। एन्देरगेका मसीस दिम अदिन चलख़'आ ओंग्दस।

गलातिया 6:10

औंगे एका गूटी नमा मोका ख़क्‍ख्र'आ लगी, नाम ओर्मर ही दौ ननत र'ओत, कोड़हे गा पत्त'अना नू र'अनर नम्‍है भइय्योर गे दौ नना।

इफेसुस 5:8

एन्देरगेका मुन्द नीम ऊख़ा रहचकर, लिकिन अक्‍कु नीम उर्बासी र'अना ती बिल्‍ली र'अदर। औंगे बिल्‍लिन ता ख़द्दर लेक्‍खा ऎका।