यॊहनस 12:28 - पुना गच्छरना NT (BSI)

²⁸ अना बंगायो, निंग्‍है नामे गे महबन ओन्‍द्र'आ।” ख़ने मेर्ख़ा ती ओन्‍टा सड़ा मेन्‍दरा, “ऎन गा एंग्‍है नामे गे महबन ओन्‍द्रका र'अदन अरा फेनिम अदगे महबन ओन्‍द्र'ओन।”

यॊहनस 12:28 ပူးပေါင်းရင်းမြစ်များ

मत्तायोस 11:25

आ बारी येसुस बाचस, “अना बबा होय! मेर्ख़ा दरा ख़ॆख़ेल ही उर्बायो! ऎन निंगन महबा नन्‍दन का नीन इबड़ा कत्‍था गुट्ठिन तमन अख़'उर अरा लूरगर आलर लेक्‍खा सोचनर आर ती नुड्डकादय, अरा तमन लुदऊ लेक्‍खा सन्नी ख़द्दर गे ऎदकय।

मत्तायोस 11:26

हाँ, अना बंग, निंगा ईदिम बॆस लग्‍गिया।

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

मत्तायोस 26:42

आस फिन दुसर खेप किर्रिम बिच्चियस अरा बिन्‍ती नंजस, “अना एग्‍है बंगायो, ई खिलपत एंग्‍है बिगर ओं‍डका मल टाड़र'ओ होले, निंग्‍है मने दिम मना नेक‍अन।”

मत्तायोस 3:17

अरा मेर्ख़ा ती धर्मे बबस बाचस, “ईस एंग्‍है चोन्‍हा ख़द्दस हिकदस, ऎन ईस ती बग्‍गे खुसमारदन।”

मरकुस 1:11

अरा मेर्ख़ा ती धर्मे बबस बाचस, “नीन एंग्‍है ओन्‍टे लेका चोन्‍हा ख़द्दय हिकदय, ऎन निंग्‍है ती बग्‍गे खुसमारदन।”

मरकुस 14:36

अरा आस बाचस, “अना एंग्‍है बंगायो, निंग्‍है ती उर्मी दिम मना उंगी। औंगे एंग्‍है ई दसा ती बछाब'आ, होले ऎन अक्‍कुन खिलपत अम्‍बोन मना। लिकिन एंग्‍है मने लेक्‍खा मला, निंग्‍है मने लेक्‍खा नना।”

मरकुस 9:7

ख़ने ओन्‍टा बदाली आरिन कुल्‍लिया चिच्‍चा, अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ख़ने ईसहीन मेना।”

लू‍कस 3:22

अरा नेम्‍हा बॊलतस मॆद ही रूपे नू पेरवाँ लेक्‍खा येसुस म‍इय्याँ इत्तियस। अरा मेर्ख़ा ती एन्ने ब'अना मेन्‍द्रा, “नीन एंग्‍है चोन्‍हा ख़द्दय हिकदय, ऎन निंग्‍है ती बग्‍गे खुसमारदन।”

लू‍कस 9:35

धर्मेस बदाली ती बाचस, “ईस एंग्‍है ख़द्दस, अरा एंग्‍है चज्जिका हिकदस, औंगे ईसहीन मेना।”

यॊहनस 11:4

येसुस इदन मेंजस ख़ने बाचस, “ई बेमार पिटा गे मला, लिकिन धर्मेसी महबा गे बरचकी र'ई। इत्रु ती धर्मेसी ख़द्दासी महबा मनो।”

यॊहनस 18:11

ख़ने येसुस पतरसिन बाचस, “निंग्‍है तलवारन खाप नू उइय्या। एम्‍बस एंगा चिच्का सस्‍ती ही डुबहा ती एंगा ओन्ना दिम र'ई।”

यॊहनस 9:3

येसुस आरिन बाचस, “ईद ईसी पाप महले ईसी अयंग-बंग ही पाप ही चड्डे मला, लिकिन धर्मेसी नलख गुट्ठी ईस नू दहदर मना गे ईद मंजा।

इफेसुस 2:7

आस मसी येसुस नू नम्है मइय्याँ ऎदका सोग्गे ती तंग्‍है मया ही कोहाँ खुर्जिन बरना परिया गुट्ठी नू ऎद'आ गेम इदन नंजस।

इफेसुस 3:10

धर्मेसी उर्मी रकम ही लूर मेर्ख़ा अड्डा गुट्ठी नू राजी ननू बॊलता गुट्ठी गे अरा अदिया ननू आलॊ गुट्ठी गे अक्‍कु कलीसिया ती दहदर नन्तारना र'ई। ईद दिम धर्मेसी चिताबुता हवे।

इफेसुस 3:21

कलीसिया नू अरा मसी येसुस नू पिड़ही ती पिड़ही अरा हुल्‍लो ती हुल्‍लो गूटी महबा मनन नेकअन। आमेन।

2 पतरस 1:17

“ईद एंग्है चोन्हा ख़द्दस, ईस ती ऎन खुसमारदन” एन्ने मसीस गे धर्मेसी कोहाँ बिल्चना महबा ती ओन्टा ब'अना मेन्द्रा ख़ने, आस धर्मे बंगस ती मईन अरा महबन ख़क्खियस।