यॊहनस 12:27 - पुना गच्छरना NT (BSI)

²⁷ अक्‍कुन एंग्‍है जिया उकुल बुकुल मंजकी र'ई। ऎन एन्‍देर ब'ओन? बंगायो, ई सस्‍ती ही बेड़ा ती एंगन बछाब'आ ब'ओन का? मला, ऎन इदगेम ई बेड़ा गूटी बरचकादन।

यॊहनस 12:27 ပူးပေါင်းရင်းမြစ်များ

मत्तायोस 11:25

आ बारी येसुस बाचस, “अना बबा होय! मेर्ख़ा दरा ख़ॆख़ेल ही उर्बायो! ऎन निंगन महबा नन्‍दन का नीन इबड़ा कत्‍था गुट्ठिन तमन अख़'उर अरा लूरगर आलर लेक्‍खा सोचनर आर ती नुड्डकादय, अरा तमन लुदऊ लेक्‍खा सन्नी ख़द्दर गे ऎदकय।

मत्तायोस 11:26

हाँ, अना बंग, निंगा ईदिम बॆस लग्‍गिया।

मत्तायोस 26:42

आस फिन दुसर खेप किर्रिम बिच्चियस अरा बिन्‍ती नंजस, “अना एग्‍है बंगायो, ई खिलपत एंग्‍है बिगर ओं‍डका मल टाड़र'ओ होले, निंग्‍है मने दिम मना नेक‍अन।”

मत्तायोस 26:45

ख़ने आस बरचस ती चेलारिन बाचस। “अक्‍कु ख़न्‍द्रते र'अरकी ख़न्न ऎख़ोय का? ऎरा, एंग्‍है दुक्‍खे सारना ही बेड़ा अंड़सिया केरा। मनवा ख़द्दन एंगन धर'आ गे ओर्तोस पपहा आलारिन संगे चि'आ कालदस।

लू‍कस 22:44

अरा आस अउरिम कोड़हे सस्‍ती ती उकुलबुकुल मंजस गोहरार'आलियस अरा आसी एरचरना ख़ॆंस ही कोहाँ टिप्‍पा लेक्‍खा ख़ॆख़ेल नू खत्तरा।]

लू‍कस 22:53

ऎन गा उर्मी उल्‍ला धर्मेसी मन्दिर नू निम्‍है गने रहचकन। आ बारी नीम एंगन मल धरचकर। लिकिन अक्‍कुन गा निमा गे धर्मेस एन्ने नना गे चिच्‍चस, अरा ऊख़ा ही आकुस राजी ननी।”

यॊहनस 11:41

ख़ने आर पखनन टाँड़चर। फिन येसुस म‍इय्‍याँ मॆन ईरियस ती बाचस, “अना बंगायो, ऎन निंगन धन्‍यवाद नन्‍दन का एंग्‍हैन नीन मेंजका र'अदय।

यॊहनस 12:23

येसुस बाचस, “मनवा ख़द्दासी महबा मन्‍ना ही बेड़ा अंड़सकी र'ई।

यॊहनस 13:21

इबड़न बाचस ती येसुस जिया नू उकुल बुकुल मंजस ती हरकट ती बाचस, ऎन निमन मानिम ब'अदन, “निम्‍है ती ओर्तोस एंगन धरत'आ गे संगे चि'ओस।”

यॊहनस 18:37

ख़ने पिलातुस बाचस, “होले नीन बॆलय का?” येसुस आनाकिर्ताचस, “नीन ब'अदय का ऎन बॆलन। मानिमन आलर गे तेंगा गे ऎन कुन्‍द्रकन अरा ख़ॆख़ेल नू बरचकन, एका ओर्तस मानिम गे र'अदस, आस एंग्‍है मेन्‍दस।”

1 तीमोथियुस 1:15

ऎन एन्‍देर ब'अदन आद मानी दिम, निमा अदिन मनना र'ई, का मसी येसुस पपहारिन नाड़ा गे ख़ॆख़ेल नू बरचस, अबड़ा उर्मीर ती कोहाँ पपहा आलन ऎन हिकदन।

इब्रानी 2:14

एन्‍देरगेका धर्मेसी ख़द्दर अहड़ा अरा ख़ॆंस ती कम्रका मनवा आलॊ हिकनर, औंगे येसुस हूँ आर लेक्‍खा अहड़ा अरा ख़ॆंस नू मंजस। तंग्‍है खे'अना ती खे'अना ही अदिया उइय्यू सैतान आबोन नास नना गे आस एन्ने मंजस।

इब्रानी 5:7

येसुस ख़ॆख़ेल नू उज्‍जना बेड़ा, नॆ आसिन खे'अना ती बछाब'आ ओंग्दस आ धर्मेसिन चिच्चि‍यारनुम अरा चींख़नुम गोहरारस ती बिन्‍ती नंजस। आस धर्मेसिन कोहाँ म‍ईन नन्ना ती आसी गोहरारनन धर्मेस मेंजस।