यॊहनस 12:26 - पुना गच्छरना NT (BSI)

²⁶ नॆ एंगन सुस्र'आ बेद्ददस आस एंग्‍है गने चॊंख़्रदस नेकअन, अरा एसन ऎन र'ओन असन एंग्‍है जॊंख़स हूँ र'ओस। नॆ एंगन सुस्र'अदस, आसिन एम्‍बस मईन ननोस।

यॊहनस 12:26 ပူးပေါင်းရင်းမြစ်များ

मत्तायोस 16:24

फिन येसुस तंग्‍है चेलारिन बाचस, “नीक‍ईम एंग्‍है चेला मना बेद्ददर होले, आर गे ताम तम्‍है नना बेद्दना लेका अम्‍बोर नना, ऊजी नू तम्‍है क्रुस आबोन चेड़'अरकी एंग्‍है गने चॊंख़्रना र'ई।

मत्तायोस 25:21

उर्बस बाचस, ‘नीन दौ नंजकय, बॆस अरा पत्त'अना जॊगे जॊंख़य, नीन जुक्‍की नू पत्त'अना जॊगे रहचकय, निंगन बग्‍गे जिनिस मइय्याँ अदिया कम'ओन। बरा, निंग्‍है उर्बासी रिझ नू मेस्र'आ।’

मरकुस 8:34

फिन आस गोंहड़ा गने चेलारिन हेद्दे मीख़ियस अरा बाचस, “नीक‍ईम एंग्‍है चेला मना बेद्दोस होले, आस गे तान तंग्‍है नना बेद्दना लेका अम्‍बोर नना अरा तंग्‍है क्रुस आबोन चेड़'अरकी एंग्‍है गने चॊंख़्रना र'ई।

लू‍कस 12:37

इनाम ख़क्‍खू हिकनर अबड़ा जॊंख़र, नॆकन उर्बस बर'ओ बारी एजरका ख़क्‍खोस। ऎन मानिम ब'अदन का उर्बस कड़मन भिड़'ओस ती आरिन मंडी ओना गे ओकत'ओस, अरा हेद्दे बर‍'अरकी आरिन सुसर'ओस।

लू‍कस 6:46

नीम एंग्‍है ब'अनन मल पॆस्रदर, होले हूँ एंगन अना उर्बायो, अना उर्बायो, एन्‍देरगे ब'अदर?

लू‍कस 9:23

फिन आस ओर्मारिन बाचस, “नीकईम एंग्‍है ख़ॊख़ा चॊंख़्र'आ बेद्दोस होले, आस गे तान तंग्‍‍है नना बेद्दना लेका अम्‍बोर नना अरा उर्मी उल्‍ला तंग्‍है मने ती खिलपत सहना अरा क्रुस नू खे'अना ती एंग्‍है गने चॊंख़्रना र'ई।

यॊहनस 10:27

एंग्‍है भेंडो एंग्‍है सड़न मिनी। ऎन अबड़न अख़दन, अरा अबड़ा एंग्‍है गने गुड़ियार'ई।

यॊहनस 13:16

ऎन निमन मानिम ब'अदन, जॊंख़स तंग्‍है उर्बस ती कोहँस मलदस, अरा तइरकस आसिन तइय्युस ती कोहाँ मलदस।

यॊहनस 14:15

नीम एंगन चोन्‍हा नन्‍दर होले, नीम एंग्‍है पॆसका गुट्ठिन मन'ओर।

यॊहनस 14:3

ऎन असन कालरकी निमा गे ओन्‍टा अड्डा सपड़ारका ख़ॊख़ा, अउरिम बर'ओम ती नीम एंग्‍है गने र'आ गे निमन हो'ओन क'ओन। ख़ने ऎन एसन र'ओन असन नीम हूँ र'ओर।

यॊहनस 15:20

एका कत्‍थन ऎन निमन तिंकन अदिन सुरता नना। जॊंख़स तंग्‍है उर्बस ती कोहँस मलदस। आर एंगन सताबाचर होले, निमन हूँ सताब'ओर। अरा आर एंग्‍है कत्‍थन पॆस्रर होले, निम्‍है कत्‍थन हूँ पॆस्र'ओर।

यॊहनस 17:24

अना बंगायो, ख़ॆख़ेल ही कम्रना ती मुन्‍द नीन एंगन चोन्‍हा नंजका ती नीन एंगा चिच्का एंग्‍है महबन ईर ऎरा बेद्दनर। औंगे नीन एंगा चिच्का आलर ऎन एक्‍सन र'अदन असन आर हूँ र'आ गे बेद्ददन।

यॊहनस 21:22

ख़ने येसुस आसिन बाचस, “ऎन आसिन एंग्‍है किर्रना गूटी आस उज्‍जा गे ऎन बेद्ददन होले, इत्रु निंगा एन्‍देर? नीन एंग्‍है ख़ॊख़ा गुड़ियार'आ।”

रोमी 1:1

ऎन म‍सी येसुसी जॊंख़न पौलुस धर्मेसी त‍इरका मना गे मॆख़रका र'अदन। अरा आसी दौ कत्‍थन तेंगा कुद्दा गे चजरका र'अदन।

रोमी 14:18

एका ओर्तस ई लेक्‍खा मसीसी तेतर-सुसर नन्‍दस, आस धर्मेसिन रिझाब'अदस अरा आलर आसिन सहरारनर।

2 कोरिन्‍थ 4:5

एन्‍देरगेका ऎम एमानिम तेंगा मल कुद्दम, लिकिन येसु मसीसिन उर्बस अरा एमन गा येसुस चड्डे निम्‍है जॊंख़ एन्ने तेंगा कुद्दम।

2 कोरिन्‍थ 5:8

नाम गा डिढ गने र'अदत, अरा ई ख़ॆख़ेल ता मॆदन अम्‍बोत ती उर्बस गने उज्जा गे दिम कोड़हे पत्तारदत।

गलातिया 1:10

अक्‍कु ऎन नॆख'आ सोग्‍गे ख़क्‍खा बेद्ददन आलर ही मलता धर्मेसी? महले ऎन आलारिन रिझाब'आ बेद्ददन का? ऎन आलारिन रिझाब'आ बेद्दना होले, मसीसी जॊंख़ मल र'ओन दने।

फिलिप्‍पी 1:23

अक्कु गा ऎन इबड़ा दुयो पत्तारना ही मझी नू छेक्रकादन। ऎन ई उज्जनन अम्बरकी मसीस गने मेर्ख़ा नू र'आ गे बेद्ददन, एकदा एंगा कोड़हे बॆस र'ओ दने।

कोलोस्से 3:24

एन्‍देरगेका नीम उर्बा मसीस गे सुसर नन्दर, नीम अख़दर का इदही इनाम बेसे नीम उर्बस ती आसीस आबोन ख़क्खोर।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

2 पतरस 1:1

ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।

1 यॊहन 5:3

धर्मेसी पॆसका गुट्ठिन पॆस्रना दिम धर्मेसिन चोन्हा नन्ना हवे। अरा आसी पॆसका गुट्ठी ओत्था मलकी।

यहूदा 1:1

येसु मसीसी जॊंख़ अरा याकॊबसी भईस ऎन यहूदा, धर्मे बंगासी दुलार अरा येसु मसीसी ख़ापना नू र'ऊ धर्मेस ती मॆख़्रका आलर गे ई चिठिन लिखदन।

दहदर मंजका कत्‍था 14:4

ईर मुक्कर ती तमन सोतरा मल मंजकर हिकनर, अरा डिंडर हिकनर। ईर भेंडो ख़द्द मसीस एसन एसन कालदस असन असन आसी गने गुड़ियार'ऊ हिकनर। ईर धर्मेस गे अरा भेंडो ख़द्द मसीस गे आलर ती नाड़रका पहिल ख़ंजपा लेक्खा र'अनर।