यॊहनस 12:20 - पुना गच्छरना NT (BSI)

²⁰ परब गे येरुसलॆम नू महबा नना बरचका आलर ती जोक्‍क आलर युनानी आलर हूँ रहचर।

यॊहनस 12:20 ပူးပေါင်းရင်းမြစ်များ

मरकुस 7:26

आद सीरिया जिला ही फिनिकिया नगरे ता युनानी आली रहचा। आद येसुस गुसन तंग्‍दा ती नाद आबोन ओथ्र'आ गे गोहरार'आ।

यॊहनस 12:1

कट्टना परब ही छै उल्‍ला मुन्‍द येसुस बेतानिया बरचस। असन दिम येसुस केचका ती उज्‍जताचका लाजरस रहचस।

यॊहनस 12:19

ख़ने फरिसीर ताम तामिम कछनक्‍खरर, “नीम ऎरा, नम्‍है ती एन्‍देर हूँ मना पुल्‍ली, ऎरा! गोट्टा ख़ॆख़ेल आसी ख़ॊख़ा कालाली।”

यॊहनस 7:35

ख़ने यहूदी मुद्धर ताम तामिम बाचर, “ईस एक्‍सन क'ओस, ख़ने नाम ईसिन बेद्दा पोल्‍लोत? ईस नन्ना राजी गुट्ठी नू युनानीर मझी नू उज्जू नम्‍है आलर गुसन क'ओस ती युनानीरिन सिखाब'ओस का?

त‍इरकर 14:1

अक्‍कु इकोनियोन नगरे नू हूँ पौलुस दरा बरनबास यहूदी गोड़हा एड़पा नू कोरचर अरा एन्ने कत्‍था बाचर का यहूदीर अरा युनानी आलर इरिब जातियर बग्‍गे आलर पत्त'ऊ आल मंजर केरर।

त‍इरकर 16:1

इदही ख़ॊख़ा पौलुस अरा सीलास देरबॆ नगरे केरर, अरा असन ती लुस‍त्रा नगरे अंड़सियर। असन तीमोथियुस नामे ओन्‍टा पत्त'ऊ आलस रहचस। आसी अयंग यहूदी पत्त'ऊ आली रहचा अरा बंगस युनानी आलस रहचस।

त‍इरकर 17:4

अबड़र ती जोक्‍क आलर पत्ताचर ती पौलुस अरा सीलास गने मेसरर। अरा बग्‍गे धर्मेसी इल्‍चू युनानी आलर अरा बग्‍गे मुध मुक्‍कर हूँ पत्ताचर ती मेसरर।

त‍इरकर 20:21

अरा यहूदी अरा नन-यहूदी आलारिन चेताबचकन का आर जियन किर्त'अना र'ई अरा नम्‍है उर्बस येसु मसीसिन पत्त'अना चांड़ र'ई।

त‍इरकर 21:28

अरा चिच्चियारर, “अना इस्राऎल आलारो, एमा सहाड़ा नना! ईस आ आलस दिम, एकास नम्‍है आलारिन अरा मूसासी नॆग ही अरा ई अड्डा ही बिड़दो नू उर्मी आलारिन अरा उर्मी अड्डा नू सिखाब'अदस, अरा नन-यहूदी आलारिन हूँ आस धर्मेसी मन्दिर नू ओन्‍द्रस ती ई नेम्‍हा अड्डन सोतबोड़'आ नंजका र'अदस।”

त‍इरकर 8:27

ख़ने आस चॊचस ती केरस। डहरे नू आस ओन्‍टा एथियोपिया ता करबेलवसिन ईरियस। आस एथियोपिया रानी कनदाकॆ ही मं‍त्री अरा खजानजी रहचस। आस येरुसलॆम महबा नना गे केरका रहचस।

रोमी 1:16

ऎन गा दौ कत्‍थन मेन्‍त'आ गे मल लज्‍जरदन। ईदिम पत्त'ऊ आलर ओर्मर गे मुन्‍द यहूदीर गे अरा ख़ॊख़ा नन-यहूदी आलर गे नाड़रना ही धर्मेसी सवंग ही डहरे हिके।

रोमी 10:12

यहूदीर अरा नन-यहूदीर नू एन्‍देर हूँ भोड़ मलकी, ओर्मर ही ओन्‍टे लेका उर्बस र'अदस। आसिम सहाड़ा गे आसिन गोहरारनर अबड़ा ओर्मारिन बरकत नन्‍दस।

गलातिया 2:3

तीतुस एंग्‍है गने येरुसलॆम केरकाचस, आस नन-यहूदी आलस रहचस। अन्नु हूँ आर आसिन खतना नना गे बड़पेलहा मल नंजर।

गलातिया 3:28

अक्‍कु नॆ हूँ यहूदी मला महले नन-यहूदी मला, बिट्ठी ननू जॊंख़ मला महले छछेम मला, नॆ हूँ मॆत मला महले मुक्‍का मला। अक्‍कु नीम ओर्मर मसी येसुस नू ओन्‍टा मंजकर केरकर।

कोलोस्से 3:11

ई पुना उज्जना नू नन-यहूदी अरा यहूदी एन्ने, खतना मंजका अरा खतना मल मंजका एन्ने, नन-राजियर अरा जंगलीर एन्ने, बिट्ठी ननू जॊंख़ अरा छछिन्द एन्ने इन्द्रिइम फरक मल्ला। लिकिन मसीस दिम उर्मी र'अदस, अरा आस इबड़ा ओर्मर नू र'अदस।