यॊहनस 12:2 - पुना गच्छरना NT (BSI)

² अइय्या येसुसिन मईन नना गे आर आस गे मदी चिच्‍चर। मारथा ओन्ना-मॊख़ना ख़ट्टा लगिया। अरा येसुस गने ओन्ना आलर नू लाजरस हूँ ओर्तोस रहचस।

यॊहनस 12:2 ပူးပေါင်းရင်းမြစ်များ

मत्तायोस 26:6

एकाबारी येसुस बेतानिया पद्दा नू सिमॊन नामे आलासी एड़पा नू रहचस, एकास मुन्‍द खसरा रोगियस रहचस,

मरकुस 14:3

येसुस बेतानिया पद्दा नू सिमॊन नामे आलासी एड़पा नू रहचस। एकास मुन्‍द खसरा रोगी रहचस। येसुस सिमॊनसी एड़पा नू मंडी ओनालियस। ख़ने ओन्‍टा आली पंडरू पखना ही सं‍जगी नू नगदे दाम ही जटामासी ही अर्रगा गमगमरना इसुंग ओन्‍द्रा बरचा। आद सं‍जगिन चलख़ा ती इसुंगन येसुसी कुक्‍कु नू तुन्‍दिया।

लू‍कस 12:37

इनाम ख़क्‍खू हिकनर अबड़ा जॊंख़र, नॆकन उर्बस बर'ओ बारी एजरका ख़क्‍खोस। ऎन मानिम ब'अदन का उर्बस कड़मन भिड़'ओस ती आरिन मंडी ओना गे ओकत'ओस, अरा हेद्दे बर‍'अरकी आरिन सुसर'ओस।

लू‍कस 14:12

तहाँ येसुस तंगन एड्डका आलासिन बाचस, “इकल‍अम नीन उल्‍ला महले माख़ा ता मंडी चि'ओय होले, निंग्‍है संगियर महले भईर महले पाहियर महले उरुब अरबर-परबारिन अमके एड़'आ। एन्‍देरगेका इदही बदली नू आर हूँ निंगन एड़'ओर, अरा बदली किर्रत'ओर।

लू‍कस 22:27

कोहाँ मुखिया नॆ? एकास मंडी ओना उक्‍कादस का आस गे सुसर'अदस आस? मंडी ओना गे उक्‍कादस आस दिम मुखियस। ऎन गा निम्‍है मझी नू जॊंख़र लेक्‍खा र'अदन।

लू‍कस 5:29

तहाँ लेवीस तंग्‍है एड़पा नू येसुस गे ओन्‍टा कोहाँ मदी चिच्‍चस। अरा असन बग्‍गे मालगुजारी ऊज'उर अरा नन्ना आलर हूँ आर गने मंडी ओना उक्‍का रहचर।

दहदर मंजका कत्‍था 3:20

ऎरा, ऎन बली मुन्दहारे इज्‍जकन ती ठोकठोका ब'अदन। नीकईम एंग्है सड़न मेन्दस ती बलिन तिसगदस होले, ऎन आसी गुसन बर'ओन ती आसी गने ओनोन मॊख़'ओन अरा आस एंग्‍है गने ओनोस मॊख़'ओस।