यॊहनस 12:16 - पुना गच्छरना NT (BSI)

¹⁶ येसुसी चेलर मुन्‍द इबड़न मल बुझ्र'आ लगियर। लिकिन येसुस महबा नू होतारना ही ख़ॊख़ा, आर सुरता नंजर का इबड़ा आसी पत्त नू धर्मेसी कत्‍था तिंगुर ती लिख्रकी रहचा, अरा इबड़न आलर आसी गने एन्नेम नंजका रहचर।

यॊहनस 12:16 ပူးပေါင်းရင်းမြစ်များ

मरकुस 16:19

ख़ने उर्बा येसुस आर ही गने कत्‍था कछनख्रका ही ख़ॊख़ा धर्मेस येसुसिन मेर्ख़ा होच्‍चस, अरा आस धर्मेसी तीना चोक्‍ख उक्‍कियस।

मरकुस 9:32

लिकिन चेलर इबड़ा कत्‍थन मल बुझ्रर, ती आर ई पत्त नू आसिन मेना गे हूँ इल्चियर।

लू‍कस 18:34

लिकिन आर इबड़ा कत्‍था गुट्ठिन ओन्‍टा हूँ मल बुझ्रर, अरा इबड़ा कत्‍था आर ती नुख़्रकी रहचा। अरा एन्‍देर बातारकी रहचा अबड़ा ही मनेन आर अख़‍अम बल्‍लर।

लू‍कस 24:25

ख़ने येसुस आरिन बाचस, “अना लूर मलका आलारो, अरा धर्मेसी कत्‍था तिंगुर ही उर्मी बाचकन पत्त'अना नू भकुवा आलारो!

लू‍कस 24:45

ख़ने आस धर्मेसी पुथिन बुझ्र'आ गे आर ही जियन कुल्‍लियस।

लू‍कस 9:45

लिकिन आर ई कत्‍थन मल बुझ्रर‍ अरा ईद ही माने आर गे नूख़्रकी रहचा का आर अदिन अम्‍बोर अख़'आ, अरा आर ई कत्‍था ही पत्त नू आसी ती मेना गे एल्‍चा लगियर।

यॊहनस 12:23

येसुस बाचस, “मनवा ख़द्दासी महबा मन्‍ना ही बेड़ा अंड़सकी र'ई।

यॊहनस 14:26

लिकिन सालत'उस, नेम्‍हा बॊलतस नॆकन बंगस एंग्‍है नामे ती तइय्योस, आस निमन उर्मी कत्‍थन सिखाब'ओस अरा एंग्‍है आनका उर्मी कत्‍थन निमन सुरता नन्‍त'ओस।

यॊहनस 16:4

ऎन अक्‍कु इबड़ा कत्‍थन निमन तिंकादन, औंगे बेड़ा अंड़सो ख़ने, नीम सुरता ननोर का ऎन इबड़ा कत्‍थन तिंकन। ऎन इबड़ा कत्‍थन निमन मुन्‍द मल बाचकन, एन्‍देरगेका ऎन निम्‍है संगे रहचकन।

यॊहनस 17:5

अरा अना एंग्‍है बंगायो, ख़ॆख़ेल ही मन्‍ना ती मुन्‍द निंग्‍है गने एंगा गे रहचका महबा ती अक्‍कु निंग्‍है मुन्दहारे एंगन महबा नना।

यॊहनस 2:22

येसुसी ई बाचका कत्‍था येसुस केचका ती उज्‍जा चॊचका ख़ॊख़ा आसी चेलर गे सुरता बरचा। अरा आर नेम्‍हा पुथिन अरा येसुसी बाचका कत्‍थन पत्ताचर।

यॊहनस 7:39

तंग्‍है म‍इय्याँ पत्त'ऊ आलर ख़ॊख़ा ख़क्‍खना नेम्‍हा बॊलतासी पत्त नू गा येसुस एन्ने बाचस। अक्‍कु गूटी नेम्‍हा बॊलतस मल चीरकी रहचस, ईगेका येसुस अक्‍कु गूटी तंग्‍है महबा नू मल चॊदकाचस।

त‍इरकर 2:33

तहाँ धर्मेस आसिन होच्चस ती तंग्‍है गने ओक्‍तारकी राजी नन्ना ही म‍ईन आबोन चिच्‍चस। अरा आस बबस गच्‍छरका नेम्‍हा बॊलतासिन ख़क्‍खियस ती अदिन नमा चिच्‍चस, एकासे अक्‍कुन नीम ऎरदर अरा मेन्‍दर।

त‍इरकर 2:36

औंगे इस्राऎल ही ओर्मा आलर इदन मानिम गने अख़'आ हो'आ का नीम क्रुस नू ठोकचका ई येसुसिन धर्मेस उर्बस हूँ अरा मसीस हूँ कमचस।”

त‍इरकर 3:13

अब्राहम अरा इसाक अरा याकॊबसी धर्मेस, नम्‍है पूरखर ही धर्मेस तंग्‍है जॊंख़स येसुसिन महबा नंजस। नीम आसिन पिलातुस गे सोंपचकर, अरा पिलातुस आसिन अम्‍बा बिद्दियस ख़ने, नीम आसिन ताड़चकर।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।

इब्रानी 8:1

अक्‍कु एका कत्‍थन ऎम ब'आ लगदम, अबड़ा कत्‍था ही मने ईद र'ई का नम्‍है एन्ने कोहाँ नैगस र'अस, आस महबा ती निन्‍द्रका धर्मेसी बॆल-गदिया ही तीना चोक्‍ख उक्‍कादस।