यॊहनस 12:1 - पुना गच्छरना NT (BSI)

¹ कट्टना परब ही छै उल्‍ला मुन्‍द येसुस बेतानिया बरचस। असन दिम येसुस केचका ती उज्‍जताचका लाजरस रहचस।

यॊहनस 12:1 ပူးပေါင်းရင်းမြစ်များ

मत्तायोस 21:17

अरा आस आरिन अम्‍बियस ती बेतानिया पद्दा केरस अरा माख़ा असन रहचस।

मरकुस 11:11

एन्नेम येसुस येरुसलॆम नगरे अंड़सियस अरा धर्मेसी मन्दिर चाली नू कोरचस, अरा चरियो तरा उर्मी आलॊन ईरियस। बीड़ी पुत्तालिया ख़ने आस तंग्‍है बारा चेलर गने बेतानिया किरिम बिचियस।

लू‍कस 24:50

तहाँ आस आरिन बेतानिया नगरे गूटी होच्‍चस दरा तंग्‍है ख़ेक्खन चॊदस ती आर गे बरकत चिच्‍चस।

लू‍कस 7:37

आ नगरे नू ओन्‍टा मलदौ मुक्का अक्‍खा का येसुस फरिसीसी एड़पा नू मंडी ओनालदस। होले आद नॆता पखना ही ओन्‍टा कुड़वा नू महमहरना इसुंगन ओन्‍द्रा बरचा।

यॊहनस 11:1

लाजरस नामे ओन्‍टा आलस बेमार रहचस। आस तंग्है बहिनर मरियम अरा मारथा गने बेतानिया पद्दा नू रहचस। ई मरियम दिम रहचा नॆ ख़ॊख़ा उर्बासी म‍इय्याँ महमहरना इसुंगन नलबिया अरा आसी ख़ेड्डेन तंग्‍है चुट्टी ती चींचया।

यॊहनस 11:43

येसुस एन्ने बाचस ती जॊरसरिया चिच्चियारस, “अना लाजरस, उरखा बरा।”

यॊहनस 11:44

आ केचका आलस कफन किचरी ती ख़ेक्खा ख़ेड्डे पोजरका रांगे बहरी उरखस, अरा आसी मुंही नन्ना किचरी ती मुढ़चका रहचा। अरा येसुस आरिन बाचस, “ईसी हॆंरका गुट्ठिन कोल्‍ला अरा ईसिन काला चि'आ।”

यॊहनस 11:55

अक्‍कु यहूदीर ही कट्टना परब हेद्दे अंड़सकी रहचा। ख़ने पद्दा तरती ढ़ॆर आलर तमन चाल ही सुध मना गे कट्टना परब ही मुन्‍द तिम येरुसलॆम केरर।

यॊहनस 12:12

नन्ना उल्‍ला कट्टना परब गे बरचका कोहाँ आल गोंहड़ा मेंजा का येसुस येरुसलॆम बर'आ लगदस।

यॊहनस 12:20

परब गे येरुसलॆम नू महबा नना बरचका आलर ती जोक्‍क आलर युनानी आलर हूँ रहचर।

यॊहनस 12:9

ढ़ॆर बग्‍गे यहूदी आलर मेंजर का येसुस बेतानिया नू र'अस। आर असन येसुसिन लेका ऎरा मल बरचर, लिकिन येसुस केचका ती उज्‍जताचका लाजरसिन हूँ ऎरा बरचर।