यॊहनस 11:55 - पुना गच्छरना NT (BSI)

⁵⁵ अक्‍कु यहूदीर ही कट्टना परब हेद्दे अंड़सकी रहचा। ख़ने पद्दा तरती ढ़ॆर आलर तमन चाल ही सुध मना गे कट्टना परब ही मुन्‍द तिम येरुसलॆम केरर।

यॊहनस 11:55 ပူးပေါင်းရင်းမြစ်များ

मत्तायोस 26:1

येसुस इबड़ा उर्मी कत्‍थन बाच ख़च्‍चियस ती तंग्‍है चेलारिन ब'आ हेलरस,

मत्तायोस 26:2

“नीम अख़दर ऎंड़ उल्‍ला ख़ॊख़ा कट्टना ही परब र'ई। आ उल्‍ला नू मनवा ख़द्दन ऎन क्रुस नू अरग'आ गे धरतार'ओन।”

मरकुस 14:1

ऎंड़ उल्‍ला ख़ॊख़ा कट्टना अरा बिगर बिदगी असमा ही परब मन्ना रहचा। मुध नैगर अरा नॆग सिखाब'उर एकासे येसुसिन ठग'अरकी धर'ओत ती पिटत'ओत एन्ने मोका बेद्दते र'आलियर।

लू‍कस 22:1

अक्‍कु बिगर बिदगी असमा ही परब एकदा कट्टना परब बातार'ई अड़सकीचा।

यॊहनस 12:1

कट्टना परब ही छै उल्‍ला मुन्‍द येसुस बेतानिया बरचस। असन दिम येसुस केचका ती उज्‍जताचका लाजरस रहचस।

यॊहनस 13:1

कट्टना परब ही मुन्‍द येसुस अक्‍खस का ई ख़ॆख़लन अम्‍बना ती तम्‍बस गुसन तंग्‍है काना बेड़ा अंड़सिया। आस तंग्‍है आलर नॆ ई ख़ॆख़ेल नू रहचर, आरिन सगरो चोन्‍हा नंजका रहचस, अरा आरिन मुंजा गूटी चोन्‍हा नंजस।

यॊहनस 18:28

फिन आर कैफस गुस्‍ते येसुसिन रोमी राजी ख़ापुसी गढ़िया नू होच्‍चर। आ बारी बिज्‍जना बेड़ा रहचा। आर गढ़िया भितरी इदगे मल केरर का आर सोतरा मल मनोर अरा कट्टना परब ही ओन्ना-मॊख़नन मॊख़ा ओंगोर।

यॊहनस 2:13

यहूदीर ही कट्टना ही परब हेद्दे अंड़सिया ख़ने, येसुस येरुसलॆम केरस।

यॊहनस 2:6

असन यहूदीर ही चाल लेक्‍खा सुध मना गे पखना ही छै गोटंग अम्मु उइय्ना कुंड़ा गुट्ठी उइय्का रहचा। उर्मी कुंड़ा नू पछत्तर ती ओन सौ पन्‍द्रा लिटर अम्मु सम'आ लगिया।

यॊहनस 5:1

इबड़ा ही ख़ॊख़ा येसुस यहूदीर ही ओन्‍टा परब नू येरुसलॆम केरस।

यॊहनस 6:4

यहूदीर ही कट्टना परब हेद्दे अंड़सकी रहचा।

त‍इरकर 21:24

आरिन हो'आ ती आर ही गने निंगन नॆत ही लेक्‍खा सुध नना अरा आर कुक्‍कू मुंडर'आ गे नीन ढिबा चि'आ लघ'आ। होले ओर्मर अख़'ओर का एका कत्‍था निंग्‍है पत्त नू बारकी र'ई, आद मानिम मल्‍ली, अरा नीन हूँ गा मूसासी नॆगन मनदय ती अदही लेक्‍खा ऎकदय।

त‍इरकर 21:26

तहाँ पौलुस अबड़ा आलारिन होच्‍चस ती दोसर उल्‍ला आर ही गने चाल ही लेक्‍खा सुध मंजस। अरा सुध मन्ना ही उल्‍ला इकला पूर'ओ अरा अबड़ा ओर्मर गे दान अरगना इकला पूर'ओ एन्ने तेंगा गे आस धर्मेसी मन्दिर नू केरस।

त‍इरकर 24:18

ऎन धर्मेसी मन्दिर नू चाल ही लेक्‍खा एंगा सुध मन्नन पूरा मंजकन, आ बारी एंग्‍है म‍इय्याँ गुन्‍हा ठेकाब'उर एंगन ख़क्‍खियर। असन एंग्‍है गने आलर ही गोंहड़ा मल रहचा, अरा इन्द्रिइम नग्‍गानख्रना मल मंजा।

1 कोरिन्‍थ 11:28

औंगे ओर्तस तंग्‍है जिया ही अन्‍थन बिढ़चका ही ख़ॊख़ा ई असमन मॊख़दस अरा ई डुभा ती ओन्‍दस नेक'आ।

याकॊब 4:8

नीम धर्मेस हेद्दे बरा, होले आस हूँ निम्है हेद्दे बर'ओस। अना पपहा आलारो, नीम निम्‍है उज्जना नू मलदौ नलख गुट्ठिन अम्बा चि'आ। दुइभिदया आलारो, निम्है जियन निमन नना।