यॊहनस 11:52 - पुना गच्छरना NT (BSI)

⁵² अरा आ राजी गे लेका मला, छितिर बितिर मंजका धर्मेसी आलारिन हूँ ख़ॊंड़'अरकी ओन्‍टम मना गे हूँ खे'आ कादस।

यॊहनस 11:52 ပူးပေါင်းရင်းမြစ်များ

लू‍कस 15:8

ओन्‍टा मुक्‍का गुसन दस गोटंग चान्‍दी ही ढिबा र'ई। अरा आद ओन्‍टन एबस'ई चि'ई होले, आद बिल्‍ली दग'ई ती एड़पन इर्री उथरी अरा अदन अरगी ख़क्खना गूटी चिहुंक ती बिद्दी।

लू‍कस 2:32

ईस नन-यहूदीर गे धर्मेसिन दहदर नन्ना ही बिल्‍ली अरा निंग्‍है निज आलर इस्राऎल गे महबा आबोन ओन्‍द्र'ओस।”

यॊहनस 1:12

लिकिन जेतेक आलर आसिन इंझ्रर अरा आसी नू पत्ताचर, अबड़ा ओर्मर गे आस धर्मेसी ख़द्द मना गे अदिया चिच्‍चस।

यॊहनस 1:29

दोसर उल्‍ला यॊहनस येसुसिन तंग्‍है तरा बरना ईरयस ती बाचस, “ऎरा, ईस धर्मेसी भें‍डो ख़द्दो, ईस दिम सौंसार ही पापन ओथ्र'ओस।

यॊहनस 10:16

एंग्‍है अउर हूँ भेंडो र'ई, अबड़ा ई गुहड़ी ता मल्‍ली। अबड़न हूँ एंगा ओन्‍द्रना चाड़ र'ई। अबड़ा एंग्‍है सड़न मेनो। ख़ने ओन्‍टे गुहड़ी मनो अरा ओन्‍टे महरस मनोस।

यॊहनस 12:32

अरा ऎन ख़ॆख़ेल ती मइय्याँ चॊदतार'ओन ख़ने, ओर्मा आलारिन एंग्‍है गुसन नतगोन।”

त‍इरकर 18:10

ऎन निंग्‍है गने र'अदन। नॆ हूँ निंगन ल'ओर ती निंगन नठाब'आ पोल्‍लोर, एन्‍देरगेका ई नगरे नू नगदे आलर एंग्‍है र'अनर।”

रोमी 3:29

ईद मानिम का धर्मेस यहूदीर ही लेका धर्मेस हिकदस का? आस नन-यहूदीर ही धर्मेस मल्‍दस का? आस मानिम नन-यहूदीर ही हूँ धर्मेस हिकदस।

रोमी 4:17

एकासे नेम्‍हा पुथी नू लिख्रकी र'ई, “ऎन निंगन अजम बग्‍गे जातियर ही बंग कमचकादन।” ई गच्‍छरका अब्राहमस गे आस धर्मेसी म‍इय्याँ नंजका पत्त'अना ती ख़क्‍खरा। धर्मेस दिम केचकारिन उज्‍जत'अदस अरा एन्‍द्रा हूँ मलकी अइय्या तिम पुना जिनिसन गढ़दस।

इफेसुस 1:5

नमन येसु मसीस ती आसी गोद उइय्का ख़द्द मना गे मुन्द दिम ओकताचस। आस इदन तंग्‍है चिताबुता ती अरा तंग्है मने ती नंजस।

इफेसुस 3:11

ई लेक्खम धर्मेस तंग्है जनमजुग चिताबुतन नम्है उर्बस मसी येसुस ती पूरा नंजस।

याकॊब 1:1

धर्मेस अरा उर्बस येसु मसीसी जॊंख़न ऎन याकॊब, तम्है राजी ती बहरी बींड़रका इस्राऎल आलर ही बारा गोतोर ता पत्त'ऊ आलर निमा गे मोंजरा नन्दन ती ई चिठिन लिखदन।

1 पतरस 1:1

ऎन पतरस येसु मसीसी तइरकन रॊम चक पोन्‍तोस अरा गलातिया अरा कप्‍पदोकिया अरा आसिया अरा बितुनिया नू छितयारर ती जोक्क उल्ला गे र'उर लेक्खा उज्जू धर्मेस ती चजरका आलर गे ई चिठिन लिखदन।

1 यॊहन 2:2

अरा आसिम नम्है पाप गुट्ठिन ओथ्रना ही दाँड़े हिकदस, नम्है पाप गुट्ठिन लेका मला सौंसे ख़ॆख़ेल ता आलर ही पाप गुट्ठिन ओथ्रना दाँड़े हिकदस।

1 यॊहन 3:1

ऎरा, नाम धर्मेसी ख़द्दर एन्ने बारना ती, धर्मे बंगस नम्है मइय्याँ नंजका चोन्हा एका कोहाँ र'ई एन्ने सोच'आ। मानिम नू नाम आसी ख़द्दत हिकदत। सौंसार धर्मेसिन बलना ती नमन हूँ धर्मेसी ख़द्दर एन्ने आद बल्ली।

1 यॊहन 3:10

इत्रु ती नाम ब'आ ओंग्दत का नॆ धर्मेसी ख़द्दर अरा नॆ नाद ही ख़द्दर। एका ओर्तस उजगो नलख गुट्ठिन मल नन्दस, अरा तंग्है संगे मसी भईस गने चोन्हा मल नन्दस, आस धर्मेसी ख़द्द मलदस।

1 यॊहन 3:2

अना दुलारो, अक्कु नाम धर्मेसी ख़द्दत र'अदत। लिकिन अक्कु गूटी दहदर मल्ला मंजका का बरना बेड़ा नू नाम एका लेक्खा र'ओत। इवंदम अख़दम का इकला मसीस किर्रोस नाम हूँ आसी लेक्खा र'ओत, एन्देरगेका आस एकासे र'अस अन्नेम नाम आसिन ऎरोत।

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।