यॊहनस 11:5 - पुना गच्छरना NT (BSI)

⁵ येसुस मारथा अरा अदही बहिन अरा लाजरसिन चोन्‍हा नंजस।

यॊहनस 11:5 ပူးပေါင်းရင်းမြစ်များ

लू‍कस 10:38

तहाँ आर कानुम कानुम येसुस ओन्‍टा पद्दा नू कोरचस। अरा मारथा नामे ओर्त आली येसुसिन तंग्‍है एड़पा नू परघाचा।

लू‍कस 10:40

लिकिन मारथा नगदे तेतर-सुसर नन्ना नू हिलरिकीचा। अरा आद आसी गुसन बरचा ती बाचा, “अना उर्बायो, एन्‍देर नीन मल ऎरदय का इंग्ड़ी एंगन ओर्ते लेका सुसर'आ गे अम्‍बिया चिच्‍चा? अदिन एंगन संगरा गे आना।”

लू‍कस 10:41

लिकिन उर्बस अदिन आनाकिर्ताचस, “अनय मारथा, मारथा, नीन बग्‍गे कत्‍था ही तिहा ती कैरारकी र'अदी।

यॊहनस 11:1

लाजरस नामे ओन्‍टा आलस बेमार रहचस। आस तंग्है बहिनर मरियम अरा मारथा गने बेतानिया पद्दा नू रहचस। ई मरियम दिम रहचा नॆ ख़ॊख़ा उर्बासी म‍इय्याँ महमहरना इसुंगन नलबिया अरा आसी ख़ेड्डेन तंग्‍है चुट्टी ती चींचया।

यॊहनस 11:3

औंगे अबड़ा दुयो बहिनर येसुसिन कत्था तइय्यर, “उर्बायो, नीन नॆकन चोन्‍हा नन्‍दय आस बेमार र'अस।”

यॊहनस 11:36

ख़ने यहूदीर बाचर, “ऎरा, आस आसिन ऎ कोड़हे चोन्‍हा नंजस।”

यॊहनस 11:6

अन्नु हूँ आस लाजरस बेमार र'अस एन्ने मेंजस ख़ने, आस एसन रहचस असन दुई उल्‍ला अउर रहचस।

यॊहनस 11:8

लिकिन चेलर बाचर, “अना गुरु, अक्‍कु जोक्‍क उल्‍ला ही मुन्‍द दिम यूदेया ता यहूदीर निंगन लोड़ग'आ पिटा बेद्दा लगियर, अन्नु हूँ नीन अइय्यम अउरिम कादय का?”

यॊहनस 16:27

एन्‍देरगेका बंगस तानिम निमन चोन्‍हा नन्‍दस। आस निमन चोन्‍हा नन्‍दस, एन्‍देरगेका नीम एंगन चोन्‍हा नंजकर, अरा पत्ताचकर का ऎन धर्मेस गुस्‍ते बरचका र'अदन।

यॊहनस 17:26

अरा ऎन निंगन आर गे दहदर नंजकन, अरा अउर हूँ निंगन दहदर ननोन। नीन एंग्‍है म‍इय्याँ रहचका चोन्‍हा ईर ही म‍इय्याँ हूँ र'आ गे, अरा ऎन आर नू र'आ गे हूँ ऎन इदन ननोन।”