यॊहनस 11:45 - पुना गच्छरना NT (BSI)

⁴⁵ मरियम गने भेंट मना गे बरचका बग्‍गे यहूदीर येसुसी ई नलख नंजकन ईरियर ती आसी मइय्याँ पत्ताचर।

यॊहनस 11:45 ပူးပေါင်းရင်းမြစ်များ

यॊहनस 10:41

अरा बग्‍गे आलर आसी गुसन बरचर अरा ताम तम्है नू ब'आलियर, “यॊहनस इन्द्रिइम हूँ अजगुत नलख मल नंजस, अन्नु हूँ यॊहनस ईसी पत्त नू एन्‍देर बाचस अबड़ा उर्मी मानिम हवे।”

यॊहनस 11:19

भईसी खे'अना ही जिया सालत'आ गे बग्‍गे यहूदीर मारथा अरा मरियम गुसन बरचका रहचर।

यॊहनस 11:31

जिया सालत'आ गे बरचका यहूदीर मरियम गने एड़पा नू रहचर। आर अदिन लॆम चॊचा ती बहरी काना ईरियर ख़ने, मसड़ा नू चींख़ा काला लगी बाचर ती अदही ख़ॊख़ा ख़ॊख़ा केरर।

यॊहनस 12:42

अन्नु हूँ यहूदी मुद्धर ती ढ़ॆर आलर येसुस मइय्याँ पत्ताचर। लिकिन फरिसीर चड्डे आर आसी म‍इय्याँ ता तंग्‍है पत्त'अनन मल तेंगरर। आर इदगे इल्‍चियर का आर आरिन गोड़हा एड़पा ती ओथ्र'ओर चि'ओर दने।

यॊहनस 2:23

येसुस कट्टना परब बारी येरुसलॆम नू रहचस ख़ने, ढ़ॆर आलर आसी ती मंजका अजगुत नलख ही चिन्‍हा गुट्ठिन ईरियर ती आसी नू पत्ताचर।

यॊहनस 7:31

लिकिन ख़ॊंड़रका आलर ती बग्‍गेर आसिन पत्ताचर। अरा अबड़र बाचर, “मसीस बरदस ख़ने, आस ई आलस नंजका ती कोड़हे अजगुत नलख ननोस का?”