यॊहनस 11:42 - पुना गच्छरना NT (BSI)

⁴² अरा ऎन अख़'आ लिक्‍कन, नीन सदौ एंग्‍हैन मेन्‍दय। लिकिन इसन ओनबेंड़र'आ इज्‍जका आलर ही चड्डे ऎन एन्ने बाचकन का आर पत्त'आ ओंगोर का नीन एंगन तइय्कादय।”

यॊहनस 11:42 ပူးပေါင်းရင်းမြစ်များ

मत्तायोस 26:53

नीन एन्‍देर बलदय का ऎन एंग्‍है बंगासिन गोहरार'आ ओंग्‍दन, अरा आस मेर्ख़ा पैकर ही बारा फउदन ती बग्‍गे तइय्योस चि'ओस दने?

यॊहनस 11:22

लिकिन अक्‍कुन हूँ ऎन अख़दन का नीन धर्मेस ती इन्द्रिइम हूँ ने'ओय अदिन धर्मेस निंगा चि'ओस।”

यॊहनस 11:31

जिया सालत'आ गे बरचका यहूदीर मरियम गने एड़पा नू रहचर। आर अदिन लॆम चॊचा ती बहरी काना ईरियर ख़ने, मसड़ा नू चींख़ा काला लगी बाचर ती अदही ख़ॊख़ा ख़ॊख़ा केरर।

यॊहनस 11:43

येसुस एन्ने बाचस ती जॊरसरिया चिच्चियारस, “अना लाजरस, उरखा बरा।”

यॊहनस 12:11

एन्‍देरगेका आसी चड्डे नगदे यहूदी आलर आरिन अम्‍बा लगियर ती येसुसिन पत्त'आ लगियर।

यॊहनस 12:17

येसुस लाजरसिन मसड़ा ती मीख़ियस ती केचका ती उज्‍जताचका बारी, आसी गने एका आल गोंहड़ा रहचा, आर इदही गोवाह नन्नर गे चि'आ लगियर।

यॊहनस 17:21

अना बंगायो, एकन्ने नीन एंग्‍है नू र'अदय, अरा ऎन निंग्‍है नू र'अदन, अन्नेम आर हूँ नम्‍है नू ओंटम मना गे गोहरारदन। होले नीन एंगन त‍इय्‍कय, एन्ने ख़ॆख़ेल पत्त'आ ओंगो।

यॊहनस 17:25

अना उजगो बंगायो, ख़ॆख़ेल निंगन बल्‍ली, लिकिन ऎन निंगन अक्‍कन। अरा नीन एंगन तइय्कय एन्ने ईर हूँ अक्‍खर केरर।

यॊहनस 17:8

एन्‍देरगेका नीन एंगा चिच्का कत्‍था गुट्ठिन ऎन आर गे चिच्‍कन, अरा आर अबड़न इंझ्रर। अरा ऎन निंग्‍है गुस्‍ते बरचकादन, एन्ने मानिम ती अक्‍खर ती नीनिम एंगन तइय्‍कय, एन्ने पत्त'अनर।

यॊहनस 20:31

लिकिन येसुस दिम मसीस, अरा धर्मेसी ख़द्दस एन्ने नीम पत्त'आ गे अरा पत्ताचका ती आसी नामे ती नीम उज्‍जनन ख़क्‍खा गे दिम इबड़ा लिख्रकी र'ई।

यॊहनस 3:17

धर्मेस तंग्‍दासिन ख़ॆख़ेल नू ख़ॆख़लन नेंव‍ई नना गे मल तइय्यस, लिकिन आस ती ख़ॆख़लन नाड़ा गे त‍इय्यस।

यॊहनस 8:16

लिकिन ऎन नेंवई ननोन होले, एंग्‍है नेंवई ठ‍उकम र'ई, एन्‍देरगेका ऎन ओर्तेलेका ती नेंव‍ई मल नन्‍दन, एंगन त‍इय्‍का एम्‍बस हूँ एंग्‍है गने र'अस।

यॊहनस 8:29

नॆ एंगन तइय्यस आस एंग्‍है गने र'अस। आस एंगन ओर्तेलेका मल्‍ला अम्‍बिका, एन्‍देरगेका एकदा आसिन खुसमारत'ई अदिनिम ऎन उर्मी उल्‍ला नन्‍दन।”

यॊहनस 8:42

ख़ने येसुस आरिन बाचस, “मानिम नू धर्मेस निम्‍है बंगस रहचस होले, नीम एंगन हूँ चोन्‍हा ननोर दने, एन्‍देरगेका ऎन धर्मेस ती बरचका र'अदन, अरा अक्‍कु इसन र'अदन। ऎन एंग्‍है मने ती मल बरचकादन, धर्मेस दिम एंगन तइय्‍कादस।

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

गलातिया 4:4

लिकिन ठौका बेड़ा बरचा ख़ने, धर्मेस तंग्‍दासिन तइय्यस। आस ओन्‍टा आली ती कुन्‍द्रस ती यहूदीर ही उर्मी नॆग आबोन पॆस्रस।

इब्रानी 5:7

येसुस ख़ॆख़ेल नू उज्‍जना बेड़ा, नॆ आसिन खे'अना ती बछाब'आ ओंग्दस आ धर्मेसिन चिच्चि‍यारनुम अरा चींख़नुम गोहरारस ती बिन्‍ती नंजस। आस धर्मेसिन कोहाँ म‍ईन नन्ना ती आसी गोहरारनन धर्मेस मेंजस।

इब्रानी 7:25

औंगे नॆ ईसी तरती धर्मेस गुसन बरनर आरिन आस ओर्मा उल्‍ला गे नाड़ा ख़च्‍चा ओंग्दस, एन्‍देरगेका आस आर गे गोहरार'आ गे जनमजुग गूटी उज्‍जा लगदस।

1 यॊहन 4:14

अरा ऎम इदन ईरका रहचकम अरा इदही पत्त नू गोवाह चि'अदम का धर्मे बंगस तंग्दासिन ख़ॆख़ेल ही नाड़ुस बेसे तइय्कादस।