यॊहनस 11:40 - पुना गच्छरना NT (BSI)

⁴⁰ येसुस अदिन बाचस, “ऎन निंगन नीन पत्त'ओय होले धर्मेसी महबन ऎरोय एन्ने मल बाचका रहचकन का?”

यॊहनस 11:40 ပူးပေါင်းရင်းမြစ်များ

मत्तायोस 17:20

आस आरिन बाचस, “निम्‍है पत्त'अना ही खंग्रना चड्‍डे, ऎन निमन मानिम ब'अदन का निम्‍है पत्त'अना मनी बिहनी लेक्‍खा हूँ र'ओ होले, ई परतन ब'आ ओंगोर का इसलेक कगरार'अय ती असन किर्रिमबि'अय, होले आद किर्रिमबि'ओ। अरा इन्द्रिइम कत्‍था निमा गे नना पोलना मल र'ओ। [

मरकुस 9:23

ख़ने येसुस आसिन बाचस, “‘नीन नना ओंग्दय होले’ एन्ने अमा ब'आ, एन्‍देरगेका एंगन पत्त'ऊ आलर गे ऎन इन्द्रिइम नना ओंग्दन।”

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

यॊहनस 11:4

येसुस इदन मेंजस ख़ने बाचस, “ई बेमार पिटा गे मला, लिकिन धर्मेसी महबा गे बरचकी र'ई। इत्रु ती धर्मेसी ख़द्दासी महबा मनो।”

यॊहनस 12:41

यसायास येसुसी महबन ईरका चड्डे आसी पत्त नू तिंगियस ख़ने, इबड़ा कत्‍थन बाचस।

यॊहनस 9:3

येसुस आरिन बाचस, “ईद ईसी पाप महले ईसी अयंग-बंग ही पाप ही चड्डे मला, लिकिन धर्मेसी नलख गुट्ठी ईस नू दहदर मना गे ईद मंजा।

रोमी 6:4

इकला नाम नॊड़रकत नाम मसीस गने माड़रकत अरा आसी खे'अना नू मेसरकत। होले एकासे मसीस बंगासी महबा ती निन्‍द्रका कोड़हे सवंग ती केचका ती उज्‍जा चॊचस, अन्नेम नाम हूँ ओन्टा पुना उज्‍जना उज्‍जा ओंग्‍दत।

2 कोरिन्‍थ 3:18

अरा नाम ओर्मत बिगर कुलकुटरका मुही तिम अयना लेक्‍खा उर्बासी महबन बिल्चदत। एन्नेम नाम महबा नू अउर महबा मनरकी आसी ऎथ्रना लेक्खा बदलतारदम। ईद उर्बस तिम बर'ई। आसिम बॊलतस हिकदस।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।