यॊहनस 11:4 - पुना गच्छरना NT (BSI)

⁴ येसुस इदन मेंजस ख़ने बाचस, “ई बेमार पिटा गे मला, लिकिन धर्मेसी महबा गे बरचकी र'ई। इत्रु ती धर्मेसी ख़द्दासी महबा मनो।”

यॊहनस 11:4 ပူးပေါင်းရင်းမြစ်များ

यॊहनस 10:38

लिकिन ऎन अदन नन्‍दन होले, नीम एंगन मल पत्त'अदर होले हूँ अजगुत नलखन पत्त'आ। ख़ने नीम अख़'ओर अरा बुझुर'ओर का बंगस एंग्‍है नू र'अस अरा ऎन बंगस नू र'अदन।”

यॊहनस 11:40

येसुस अदिन बाचस, “ऎन निंगन नीन पत्त'ओय होले धर्मेसी महबन ऎरोय एन्ने मल बाचका रहचकन का?”

यॊहनस 12:28

अना बंगायो, निंग्‍है नामे गे महबन ओन्‍द्र'आ।” ख़ने मेर्ख़ा ती ओन्‍टा सड़ा मेन्‍दरा, “ऎन गा एंग्‍है नामे गे महबन ओन्‍द्रका र'अदन अरा फेनिम अदगे महबन ओन्‍द्र'ओन।”

यॊहनस 17:1

इबड़ा कत्‍थन येसुस बाचस मुंजियस ती आस मेर्ख़ा तरा मॆन ईरिय‍स ती गोहरारस, “अना एंग्‍है बंगायो, बेड़ा अंड़सकी र'ई, निंग्‍दस एंग्‍है महबन नीन आलर गे दहदर नना, का ऎन आलर गे निंग्‍है महबन ऎद'आ ओंग्दन।

यॊहनस 17:10

अरा एंग्‍है र'ई आद उर्मी निंग्‍है हवे, अरा एन्द्रा निंग्‍है र'ई अबड़ा एंग्‍है हवे। अरा अत्रु तिम एंग्‍है महबा दहदर मंजकी र'ई।

यॊहनस 17:5

अरा अना एंग्‍है बंगायो, ख़ॆख़ेल ही मन्‍ना ती मुन्‍द निंग्‍है गने एंगा गे रहचका महबा ती अक्‍कु निंग्‍है मुन्दहारे एंगन महबा नना।

यॊहनस 2:11

ईद दिम येसुस नंजका पहिल अजगुत नलख ही चिन्‍हा हवे। इदन आस गलिलेया जिला ही काना पद्दा नू नंजस। ई लेक्‍खा आस तंग्‍है महबन ऎदस। अरा आसी चेलर आसी नू पत्ताचर।

यॊहनस 5:23

औंगे ओर्मा आलर एकासे धर्मे बंगासिन म‍ईन नन्‍नर‍, अन्नेम धर्मेसी ख़द्दस एंगन हूँ म‍ईन नना गे एन्ने नंजस। नॆ एंगन मईन मल नन्‍दस, आस एंगन त‍इय्‍का धर्मे बंगासिन हूँ म‍ईन मल नन्‍दस।

यॊहनस 8:54

येसुस आनाकिर्ताचस, “ऎन ऎनिम एंगन म‍ईन ननोन होले, एंग्‍है म‍ईन एन्‍देर हूँ मल्‍ली। लिकिन एंगन म‍ईन ननुस एम्‍बस हिकदस, अरा नीम ब'अदर आस निम्‍है धर्मेस।

यॊहनस 9:24

फेन आर अन्धहा रहचस आसिन दोसर खेप हूँ मीख़ियर ती बाचर, “धर्मेसी मुन्दहारे किरिया मॊख़ा का नीन मानिम ब'अदय। ऎम अख़दम का आस पपहा आलस।”

यॊहनस 9:3

येसुस आरिन बाचस, “ईद ईसी पाप महले ईसी अयंग-बंग ही पाप ही चड्डे मला, लिकिन धर्मेसी नलख गुट्ठी ईस नू दहदर मना गे ईद मंजा।

रोमी 11:11

औंगे ऎन मेन्‍दन, “एन्‍देर यहूदीर मूड़ना चड्डे सदौ गे नठार ख़च्चिकानर का?” कहियों मला! आर ही अक्‍का-बलका गुट्ठी ही चड्डे नन-यहूदीर गे नाड़रना ख़क्‍ख्रकी र'ई, एकत्रु यहूदीर नाड़रना ख़क्‍खा गे हराजीता मनोर।

फिलिप्‍पी 1:11

अरा येसु मसीस ती बरना उजगो ही ख़ंजपा ती नीदोर ती र'ओर, आद धर्मेस गे ओहमा अरा महबन ओन्द्र'ओ।

फिलिप्‍पी 1:20

एंगा कोड़हे पत्तारना अरा असरा ईद र'ई का, एंगा इन्द्रिइम नू हूँ लज्‍जे मॊख़्रना अम्‍बो मनो, लिकिन ऎन उज्‍जोन महले खे'ओन एंगा बड़ियर डिढ ती अक्कु अरा सगरो मसीस एंग्‍है मॆद ती महबा ख़क्‍खोस।

1 पतरस 1:21

आस ती दिम नीम अक्‍कु धर्मेसिन पत्त'अदर। धर्मेस दिम आसिन केचका ती उज्जताचस ती आस गे महबा चिच्चस। औंगे निम्‍है पत्त'अना अरा असरा धर्मेस मइय्याँ र'ई।

1 पतरस 4:11

ओर्तस गे कत्था मेन्त'अना ही इनाम र'ई होले, आस धर्मेस तान आसी ती ब'अना लेक्खा कत्था मेन्त'अना र'ई। ओर्तस गे सुसर नन्ना ही इनाम र'ई होले, आस धर्मेस चि'अना सवंग ती अदन नन्ना र'ई। ख़ने नीम नन्ना उर्मी कत्था गुट्ठी येसु मसीस संगरा ती धर्मेस गे महबा ओन्द्रना र'ई। आस गेम उर्मी महबा अरा सवंग उर्मी उल्ला मनन नेकअन। आमेन।

1 पतरस 4:14

नीम मसीसिन पत्त'ऊ र'अना चड्डे निम्है निंदा मनी होले, नीम धर्मेस ती आसिस ख़क्खुर दिम हिकदर। एन्देरगेका महबा ती निंद्रका धर्मेसी बॊलतस निम्है नू मड़दस।