यॊहनस 11:37 - पुना गच्छरना NT (BSI)

³⁷ लिकिन अबड़र ती जोक्‍कोर बाचर, “ईस अन्धहा आलासिन कोड़े नंजस। ईस लाजरसिन खे'अना ती बछाब'अरकी उइय्या गे पोल्‍लस का?”

यॊहनस 11:37 ပူးပေါင်းရင်းမြစ်များ

मरकुस 15:32

इस्राऎल ही बॆलस ई मसीस अक्‍कु क्रुस म‍इय्‍याँ ती एत्तोस बर'ओस होले, ऎम अदन ऎररकी पत्त'ओम।” अरा डाकू आलर नॆ आस गने क्रुस नू ठोकरकाचर आर हूँ येसुसिन भेंसड़ाचर।

लू‍कस 23:35

आलर इज्‍जर ती ऎरना बारी रहचर। अरा यहूदी मुद्धर येसुसिन लज्‍जे मॊख़ताचर ती बाचर, “ईस गा नन्नारिन नाड़ियस, ईस धर्मेसी चज्जिका आल मसीस हिकदस होले तंगन नाड़दस नेक‍अन।”

लू‍कस 23:39

क्रुस नू ठोकचका मलदौ आलर ती ओर्तोस येसुसिन निंदा नंजस दरा बाचस, “नीन मसी मलदय का? अन्ने होले निंगन अरा एमन हूँ नाड़ा।”

यॊहनस 11:21

मारथा येसुसिन बाचा, “उर्बायो, नीन इसन रहचका होले, एंग्‍है भ‍ईस मल खे'ओस दने।

यॊहनस 11:32

लिकिन मरियम येसुस रहचस असन अंड़सिया अरा आसिन ईरिया ख़ने, आद आसी ख़ेडमूली खत्तरा ती बाचा, “उर्बायो, नीन इसन रहचका होले, एंग्‍है भ‍ईस मल खे'ओस दने।”