यॊहनस 11:36 - पुना गच्छरना NT (BSI)

³⁶ ख़ने यहूदीर बाचर, “ऎरा, आस आसिन ऎ कोड़हे चोन्‍हा नंजस।”

यॊहनस 11:36 ပူးပေါင်းရင်းမြစ်များ

यॊहनस 11:19

भईसी खे'अना ही जिया सालत'आ गे बग्‍गे यहूदीर मारथा अरा मरियम गुसन बरचका रहचर।

यॊहनस 11:3

औंगे अबड़ा दुयो बहिनर येसुसिन कत्था तइय्यर, “उर्बायो, नीन नॆकन चोन्‍हा नन्‍दय आस बेमार र'अस।”

इफेसुस 5:2

एकासे मसीस तंगन धर्मेस गे पत्तारना महकारना दान अरा दाँड़े बेसे नम्है चड्डे चिच्चस ती नम्‍है गने चोन्‍हा नंजस, अन्नेम नीम हूँ चोन्हा ही उज्जना उज्जा।

इफेसुस 5:25

अना मॆतारो, एकासे मसीस कलीसियन चोन्‍हा नंजस ती तंग्है जियन अदगे चिच्चस, अन्नेम नीम हूँ तम्है तम्है मुक्‍कन चोन्‍हा नना।

1 यॊहन 3:1

ऎरा, नाम धर्मेसी ख़द्दर एन्ने बारना ती, धर्मे बंगस नम्है मइय्याँ नंजका चोन्हा एका कोहाँ र'ई एन्ने सोच'आ। मानिम नू नाम आसी ख़द्दत हिकदत। सौंसार धर्मेसिन बलना ती नमन हूँ धर्मेसी ख़द्दर एन्ने आद बल्ली।

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।