यॊहनस 11:32 - पुना गच्छरना NT (BSI)

³² लिकिन मरियम येसुस रहचस असन अंड़सिया अरा आसिन ईरिया ख़ने, आद आसी ख़ेडमूली खत्तरा ती बाचा, “उर्बायो, नीन इसन रहचका होले, एंग्‍है भ‍ईस मल खे'ओस दने।”

यॊहनस 11:32 ပူးပေါင်းရင်းမြစ်များ

लू‍कस 17:16

अरा येसुसी ख़ेडमूली खत्तरस ती आसिन धन्‍यवाद नंजस। आस समारिया ता आलस रहचस।

लू‍कस 5:8

सिमॊन पतरस इदिन ईरयस ती येसुसी ख़ेडमूली खत्तरस ती बाचस, “अना उर्बायो, एंग्‍है गुसले कला, एन्‍देरगेका ऎन पपहा आलन हिकदन, अरा निंग्‍है जॊगे मलकन।”

लू‍कस 8:41

ई बेड़ा नू याईर नामे ओन्‍टा गोड़हा एड़पा ता ओन्‍टा मुद्धस असन बरचस ती येसुसी ख़ेडमूली खत्रस ती गोहरार'आ हेलरस का, “एंग्‍है एड़पा गुचा।”

यॊहनस 11:21

मारथा येसुसिन बाचा, “उर्बायो, नीन इसन रहचका होले, एंग्‍है भ‍ईस मल खे'ओस दने।

यॊहनस 11:37

लिकिन अबड़र ती जोक्‍कोर बाचर, “ईस अन्धहा आलासिन कोड़े नंजस। ईस लाजरसिन खे'अना ती बछाब'अरकी उइय्या गे पोल्‍लस का?”

यॊहनस 4:49

ख़ने आ बॆलासी मुध आलस येसुसिन बाचस, “उर्बायो, एंग्‍दासी खे'अना ती मुन्‍द बरा।”

दहदर मंजका कत्‍था 22:8

ऎन यॊहन हिकदन, नॆ इबड़ा कत्‍था गुट्ठिन ईरकन अरा मेंजकन। एकाबारी ऎन ईरकन अरा मेंजकन ख़ने, एका मेर्ख़ा पैकस एंगन इबड़ा कत्‍था गुट्ठिन ऎद'आ लगियस आसिन ऒड़ लग्गा गे आसी ख़ेडमूली खत्रकन।

दहदर मंजका कत्‍था 5:14

अरा अबड़ा चरियो उज्‍जना आलॊ बाचा, “आमेन।” अरा अबड़ा सेयान आलर ख़ेडमूली खत्रर ती ऒड़ लग्गियर।

दहदर मंजका कत्‍था 5:8

अरा आस आ पुथिन होच्‍च ख़च्‍चियस ख़ने, अबड़ा चरियो उज्‍जना आलॊ अरा चौबीस सेयान आलर आसी मुन्दहारे ख़ेडमूली खत्रर। अरा इबड़ा ओर्मर ही ख़ेक्खा नू तम्मुर्रा अरा नेम्‍हा आलर ही गोहरारना गुट्ठी ही धूप ती निंदका सोना ही मौनी रहचा।