यॊहनस 10:6 - पुना गच्छरना NT (BSI)

⁶ येसुस आलारिन ई ख़ीरिन तिंगियस, लिकिन आर मल बुझ्रर का आस आर गने एन्‍देर कत्‍थन कछनख्रस।

यॊहनस 10:6 ပူးပေါင်းရင်းမြစ်များ

मत्तायोस 13:34

इबड़ा उर्मी कत्‍थन येसुस गोंहड़ा गे जोक्‍खा ख़ीरी गुट्ठी ती तिंगियस अरा बिगर जोक्‍खा ख़ीरी ही आस एन्‍देर हूँ मल ब'आ लगियस।

मत्तायोस 13:51

येसुस तंग्‍है चेलारिन बाचस, “एन्‍देर नीम इबड़ा उर्मी कत्‍थन बुझ्रकर का?” आर आनाकिर्ताचर, “हाँ, ऎम बुझ्रकम।”

मरकुस 4:34

अरा बिगर जोक्‍खा ख़ीरी बाचका आस आरिन एन्‍द्रा हूँ मल तिंगियस। लिकिन आस तंग्‍है चेलर गने तामलेका र'ओ बारी आरिन उर्मी जोक्‍खा ख़ीरिन बुझाबाचस।

यॊहनस 16:25

ऎन निमन इबड़ा कत्‍थन ख़ीरी गुट्ठी ती कछनख्रकादन। लिकिन बेड़ा बर'आ लगी, आ बारी ऎन ख़ीरी गुट्ठी ती मल कछनख्र'ओन। लिकिन ऎन निमन बंगासी पत्त नू फरीफरी तेंगोन।

यॊहनस 16:29

तहाँ येसुसी चेलर आसिन बाचर, “अक्‍कुन गा नीन फरीफरी कछनख्रदय, ख़ीरी गुट्ठी ती मल कछनख्रदय।

यॊहनस 6:52

तहाँ यहूदीर ताम तामिम अरबानख्र'आ हेलरर, “ई आलस तंग्‍है अहड़न एकासे नमा मॊख़ा गे चि'आ ओंग्‍दस।”

यॊहनस 6:60

इदन मेंजर ती आसी बग्‍गे चेलर बाचर, “ई सिखाब'अना बुझुर'आ गे नगदे मसकिल र'ई, एकासे ओर्तस इदन इंझ्र'आ ओंग्‍दस?”

यॊहनस 7:36

‘नीम एंगन बेद्दोर, लिकिन मल ख़क्‍खोर, अरा ऎन एसन र'अदन असन नीम बर'आ पोल्‍लोर’ एन्ने ईस गा ब'अदस। इदही माने एन्‍देर?”

यॊहनस 8:27

तम्‍है बंगासी पत्त नू दिम आस तेंगा लगदस, एन्ने आर मल बुझ्रर।

यॊहनस 8:43

ऎन एन्‍देर ब'अदन अदिन नीम एन्‍देरगे बुझुर'आ पोलदर? ईद ई चड्डे का एंग्‍है सिखाब'अनन नीम मल इंझ्रदर।

1 कोरिन्‍थ 2:14

नेम्‍हा बॊलतासिन मल ख़क्‍खका आलस धर्मेसी बॊलतस ती बरना मानिम कत्‍था गुट्ठिन मल इंझ्र'ओस, एन्‍देरगेका अबड़ा आसी ऎरना नू बयला कत्‍था हवे। अरा आस अबड़न मल बुझ्रदस, एन्‍देरगेका नेम्‍हा बॊलतस लेका आलर गे धर्मेसी कत्‍था गुट्ठिन बुझ्र'आ गे संगरा नना ओंग्दस।

2 पतरस 2:22

ई ब'अना गुट्ठी ईर गे ठौका उक्की का “अल्ला तंग्है पुतुरका तरम पछली किर्री,” अरा “एमताचका किस्सी अउरिम चॊतोर नुम लोटोर'आ किर्रिम ब'ई।”

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।