यॊहनस 10:5 - पुना गच्छरना NT (BSI)

⁵ लिकिन अबड़ा नन्‍नस गने इकला हूँ मल गुड़ियार'ओ। आस ती गेच्‍छा बोंगो, ईगेका अबड़ा नन्‍नासी सड़न बल्‍ली।”

यॊहनस 10:5 ပူးပေါင်းရင်းမြစ်များ

मरकुस 4:24

फिन आस आरिन बाचस, “नीम एंग्‍है ती एन्‍देर मेन्‍दर अदही पत्त नू चिहुंक लगय सोच'आ। एन्‍देरगेका नीम एका बग्‍गे चिहुंक लगय सोचदर, आ बग्‍गे बुझुर'आ गे धर्मेस निमन संगरा ननोस, अरा इदिन ती बग्‍गे हूँ बुझुर'आ गे आस निमा गे संगरा ननोस।

लू‍कस 8:18

औंगे चिहुंक र'आ का नीम धर्मेसी कत्‍थन एकन्ने मेन्‍दर, नॆ एंग्‍है सिखाब'अना ही पत्त नू चिहुंक लगे सोचनर, आर गे बग्‍गे बुझुर'आ गे धर्मेस मद‍इत ननोस, लिकिन नॆ एंग्‍है सिखाब'अना ही पत्त नू चिहुंक लगे मल सोचनर, आर ही बुझुरका जोक्‍क कत्‍था गुट्ठिन हूँ धर्मेस मॊधरत'ओस चि'ओस।”

यॊहनस 10:16

एंग्‍है अउर हूँ भेंडो र'ई, अबड़ा ई गुहड़ी ता मल्‍ली। अबड़न हूँ एंगा ओन्‍द्रना चाड़ र'ई। अबड़ा एंग्‍है सड़न मेनो। ख़ने ओन्‍टे गुहड़ी मनो अरा ओन्‍टे महरस मनोस।

यॊहनस 10:4

आस तंग्‍है उर्मी भेंडोन बहरी ओन्‍द्रदस ख़ने, आस अबड़ा ही मुन्‍द मुन्‍द ऎकदस, अरा अबड़ा आसी ख़ॊख़ा गुड़ियार'ई, एन्‍देरगेका अबड़ा आसी सड़न ओर्ख'ई।

2 तीमोथियुस 4:3

एन्‍देरगेका एन्ने बेड़ा बर'ओ का आलर सुपट सिखाब'अनन मेना गे मने मल ननोर। अरा तम्‍है मने लेक्‍खा तम्‍है ख़ेबदा गुट्ठी गे दौ लगना कत्‍था मेनत'ऊ कैनो गोटंग बिड़दो सिखाब'उरिन ख़ोजोर।

1 यॊहन 2:19

आर नम्है कलीसिया गुट्ठी तिम उरखर, लिकिन मानी नू आर नम्है खोंड़हा ता मल रहचर। आर नम्है मधे ता आलर होले, नम्है गने बन्चका र'ओर दनेस। लिकिन आर नम्है ती उरखर केरर, इत्रु ती ईद फरी ईथर'ई का अबड़ा ओर्मर ती नॆ हूँ नम्है मधे ता मलनर।

1 यॊहन 2:21

नीम मानी आबोन बलना ती मला, नीम मानी आबोन अख़ना ती, अरा एकअम ठकना मानी तरती मल बर'ई इदन नीम अख़ना ती दिम ऎन इदन निमा गे लिखदन।

दहदर मंजका कत्‍था 2:2

ऎन निंग्‍है नलख गुट्ठिन अरा कोड़हे अरज'अनन अरा खतिर नन्नन अख़दन। ऎन अख़दन का नीन मलदौ आलारिन मल सहदय, अरा तइरका मलका ती हूँ तमन तइरकर ब'उरिन नीन बिढ़'अरकी आर ठकवा तइरकर एन्ने अक्कय।