यॊहनस 10:4 - पुना गच्छरना NT (BSI)

⁴ आस तंग्‍है उर्मी भेंडोन बहरी ओन्‍द्रदस ख़ने, आस अबड़ा ही मुन्‍द मुन्‍द ऎकदस, अरा अबड़ा आसी ख़ॊख़ा गुड़ियार'ई, एन्‍देरगेका अबड़ा आसी सड़न ओर्ख'ई।

यॊहनस 10:4 ပူးပေါင်းရင်းမြစ်များ

मत्तायोस 16:24

फिन येसुस तंग्‍है चेलारिन बाचस, “नीक‍ईम एंग्‍है चेला मना बेद्ददर होले, आर गे ताम तम्‍है नना बेद्दना लेका अम्‍बोर नना, ऊजी नू तम्‍है क्रुस आबोन चेड़'अरकी एंग्‍है गने चॊंख़्रना र'ई।

यॊहनस 10:16

एंग्‍है अउर हूँ भेंडो र'ई, अबड़ा ई गुहड़ी ता मल्‍ली। अबड़न हूँ एंगा ओन्‍द्रना चाड़ र'ई। अबड़ा एंग्‍है सड़न मेनो। ख़ने ओन्‍टे गुहड़ी मनो अरा ओन्‍टे महरस मनोस।

यॊहनस 10:27

एंग्‍है भेंडो एंग्‍है सड़न मिनी। ऎन अबड़न अख़दन, अरा अबड़ा एंग्‍है गने गुड़ियार'ई।

यॊहनस 10:3

आस गे बली ख़ापुस बलिन तिसगदस चि'अदस। अरा आसी भेंडो आसी सड़न मिनी। अरा आस तंग्‍है भेंडोन नामे पिंजदस ती मॆख़दस, अरा अबड़न बहरी कड़हाब'अदस।

यॊहनस 10:5

लिकिन अबड़ा नन्‍नस गने इकला हूँ मल गुड़ियार'ओ। आस ती गेच्‍छा बोंगो, ईगेका अबड़ा नन्‍नासी सड़न बल्‍ली।”

यॊहनस 10:8

एंग्‍है ती मुन्‍द बरचकाचर, आर ओर्मर ख़लबर दरा बच्‍चुर र'अनर, लिकिन भेंडो आरहिन मल मेंजा।

यॊहनस 12:26

नॆ एंगन सुस्र'आ बेद्ददस आस एंग्‍है गने चॊंख़्रदस नेकअन, अरा एसन ऎन र'ओन असन एंग्‍है जॊंख़स हूँ र'ओस। नॆ एंगन सुस्र'अदस, आसिन एम्‍बस मईन ननोस।

यॊहनस 13:15

एन्‍देरगेका ऎन निमा नमुना ऎदकन। एकासे ऎन निम्‍है गने नंजकन, अन्नेम नीम हूँ ननके।

यॊहनस 18:37

ख़ने पिलातुस बाचस, “होले नीन बॆलय का?” येसुस आनाकिर्ताचस, “नीन ब'अदय का ऎन बॆलन। मानिमन आलर गे तेंगा गे ऎन कुन्‍द्रकन अरा ख़ॆख़ेल नू बरचकन, एका ओर्तस मानिम गे र'अदस, आस एंग्‍है मेन्‍दस।”

यॊहनस 3:29

बेंजा पेल्‍लो बेंजा जॊंख़सी दिम हवे। लिकिन बेंजा जॊंख़ासी संगेस गा आसी हेद्दे इज्‍जदस ती आसी कत्‍थन मेन्‍दस। आस बेंजा जॊंख़ासी कत्‍थन मेन्‍दस ती नगदे रिझ्रदस। एंग्‍है रिझ एन्ने दिम हवे। आद अक्‍कु पुरचा।

1 कोरिन्‍थ 11:1

नीम एंग्‍है ऎकना लेक्‍खा ऎका, एकासे ऎन मसीस लेक्‍खा ऎकदन।

इफेसुस 5:1

नीम धर्मेसी चोन्हा ख़द्दर र'अना ती आसी लेक्‍खा नना अरा ऎका।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।

इब्रानी 6:20

एन्‍देरगेका असन येसु मसीस नम्‍है ती मुन्‍द नमा गे केरका र'अदस। आस मेलख़िसेदेक लेक्‍खा उर्मी उल्‍ला गे नम्‍है कोहाँ नैग मंजका र'अदस।

1 पतरस 2:21

इदगेम नीम मॆंख्रका हूँ र'अदर। एन्‍देरगेका मसीस हूँ निमा गे सस्‍ती सारचस ती नीम आसी उज्जना ओक्कना लेक्‍खा उज्जा ऎका गे निमा गे ओन्टा चिन्हा आबोन अम्बका केरकादस।

1 पतरस 4:1

औंगे मसीस नम्है पाप गुट्ठी गे तंग्है कया नू दुक्खे चॊदना ती नीम हूँ ई लेक्खम तम्है कया नू दुक्खे चॊद्दर एन्ने ई सोच आबोन कमहड़ लेक्खा अत्तका ती र'आ। एन्देरगेका एकास कया ती दुक्खे सारस आस पाप ही सवंग ती बच्छरका र'अदस।

1 पतरस 5:3

अरा निम्है ख़ेक्खा नू ऎरा ख़ॊजा गे चीतारका आलर ही मइय्याँ नीम आकुस ननू लेक्खा अमा र'आ, लिकिन बॆस नमुना मनरकी आरिन कड़हाब'आ।