यॊहनस 10:36 - पुना गच्छरना NT (BSI)

³⁶ एंग्‍है पत्त नू ईद का, एंगन बंगस चज्जियस ती एंगन ख़ॆख़ेल नू तइय्यस। होले ऎन धर्मेसी ख़द्दन हिकदन बाचका ती नीम एकासे एंगन ब'आ ओंग्‍दर का ऎन धर्मेसिन निंदा नन्‍दन?

यॊहनस 10:36 ပူးပေါင်းရင်းမြစ်များ

मत्तायोस 27:43

ईस तान धर्मेसी ख़द्दन बाचस ती धर्मेस मइय्याँ असरा नंजकादस। धर्मेस ईसिन पत्तारदस होले अक्‍कु आस ईसिन नाड़दस नेक‍अन।”

मत्तायोस 27:54

रोमी सैनर ही मुद्धस अरा आसी गने र'अरकी येसुसिन ख़ापा लगियर आर ख़ॆख़ेल नुक्रनन अरा अबड़ा मंजकन ईरियर ख़ने, आर नगदे इल्‍चियर अरा अनचकरर, अरा बाचर, “ईस मानिम नू धर्मेसी ख़द्दस रहचस।”

लू‍कस 1:35

पैकस बाचस, “नेम्‍हा बॊलतस निंग्‍है म‍इय्‍याँ बर'ओस, अरा उर्मी ती कोहाँ धर्मेसी सवंग निंग्‍है म‍इय्‍याँ ऎख़ ननो। औंगे एका बॊलॊ ख़द्दस कुन्‍द्र'ओस आस नेम्‍हा मनोस, अरा आस धर्मेसी तंग्‍दस बातार'ओस।

यॊहनस 10:35

नॆख'आ गुसन धर्मेसी कत्‍था अंड़सिया, आस आरिन ‘देंवता गुट्ठी’ बाचस। नेम्‍हा पुथी ता कत्‍था अयन्‍दहा मल मना ऊंगी।

यॊहनस 17:18

एकन्ने नीन एंगन ख़ॆख़ेल नू तइय्‍कय, अन्नेम ऎन आरिन ख़ॆख़ेल नू तइय्‍कादन।

यॊहनस 17:21

अना बंगायो, एकन्ने नीन एंग्‍है नू र'अदय, अरा ऎन निंग्‍है नू र'अदन, अन्नेम आर हूँ नम्‍है नू ओंटम मना गे गोहरारदन। होले नीन एंगन त‍इय्‍कय, एन्ने ख़ॆख़ेल पत्त'आ ओंगो।

यॊहनस 17:8

एन्‍देरगेका नीन एंगा चिच्का कत्‍था गुट्ठिन ऎन आर गे चिच्‍कन, अरा आर अबड़न इंझ्रर। अरा ऎन निंग्‍है गुस्‍ते बरचकादन, एन्ने मानिम ती अक्‍खर ती नीनिम एंगन तइय्‍कय, एन्ने पत्त'अनर।

यॊहनस 19:7

ख़ने यहूदीर आसिन आनाकिर्ताचर, “एमा गे नॆग र'ई, अरा आ नॆग ही लेक्‍खा ईस पिटना जॊगे र'अस, एन्‍देरगेका ईस तंगन धर्मेसी ख़द्दस ब'अदस।”

यॊहनस 20:28

ख़ने तॊमस आसिन बाचस, “अना एंग्‍है उर्बायो! अना एंग्‍है धर्मे!”

यॊहनस 20:31

लिकिन येसुस दिम मसीस, अरा धर्मेसी ख़द्दस एन्ने नीम पत्त'आ गे अरा पत्ताचका ती आसी नामे ती नीम उज्‍जनन ख़क्‍खा गे दिम इबड़ा लिख्रकी र'ई।

यॊहनस 3:17

धर्मेस तंग्‍दासिन ख़ॆख़ेल नू ख़ॆख़लन नेंव‍ई नना गे मल तइय्यस, लिकिन आस ती ख़ॆख़लन नाड़ा गे त‍इय्यस।

यॊहनस 3:34

नॆकन धर्मेस तइय्कादस, आस धर्मेसी कत्‍था गुट्ठिन ब'अदस, एन्‍देरगेका धर्मेस आस गे नेम्‍हा बॊलतासिन बिगर नपदस जोक्‍खदस ती चि'अदस।

यॊहनस 5:30

ऎन एंग्‍है मने लेक्‍खा एन्‍देर हूँ नना पोलदन। धर्मे बंगस ब'अना लेक्‍खम दिम ऎन नेंव‍ई नन्दन। अरा एंग्‍है नेंवई नन्‍ना उजगो र'ई, एन्‍देरगेका ऎन एंगा पत्तार'आ गे मला, एंगन त‍इय्‍का एम्‍बासिन पत्तार'आ गे बेद्ददन।

यॊहनस 6:27

नठारना ओन्ना-मॊख़ना गे अमा अर्ज'आ। लिकिन जनमजुग उज्‍जनन चि'ऊ ओन्ना-मॊख़ना गे अर्ज'आ। ई ओन्ना-मॊख़नन मनवा ख़द्दन ऎन चि'ओन, एन्‍देरगेका धर्मे बंगस एन्ने नन्‍ना ही अदियन एंगा चिच्कादस।”

यॊहनस 6:38

एन्‍देरगेका ऎन एंग्‍है मनेन नना गे मला, लिकिन एंगन तइय्‍का धर्मेसी मनेन नना गे मेर्ख़ा ती इत्तकादन।

यॊहनस 6:57

उज्‍जना चि'ऊ बंगस एंगन तइय्‍कादस, अरा बंगासी चड्डे दिम ऎन उज्‍जदन। अन्नेम नॆ एंगन मॊख़दस, आस गे एंग्‍है ती उज्‍जना ख़क्‍ख्र'ओ।

यॊहनस 6:69

ऎम पत्त'अदम अरा अख़दम का नीन धर्मेसी नेम्‍हा आलय।”

यॊहनस 8:42

ख़ने येसुस आरिन बाचस, “मानिम नू धर्मेस निम्‍है बंगस रहचस होले, नीम एंगन हूँ चोन्‍हा ननोर दने, एन्‍देरगेका ऎन धर्मेस ती बरचका र'अदन, अरा अक्‍कु इसन र'अदन। ऎन एंग्‍है मने ती मल बरचकादन, धर्मेस दिम एंगन तइय्‍कादस।

रोमी 1:4

आस नेम्‍हा बॊलतासी सवंग ती केचका ती उज्‍जा चो'अना ती धर्मेसी ख़द्दस नंज ऎदस। आसिम नम्‍है उर्बस येसु मसीस हवे।

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

रोमी 9:5

आर अब्राहमस, इसाक, याकॊबसी जंईपुंई हिकनर, अरा आर ही बनस ती दिम कया नू मसीस हूँ कुन्‍द्रस। ईस दिम उर्मी ती कोहाँ धर्मेस, ईसी दिम हुल्‍लो ती हुल्‍लो गूटी ओहमा मनन। आमेन।

गलातिया 4:4

लिकिन ठौका बेड़ा बरचा ख़ने, धर्मेस तंग्‍दासिन तइय्यस। आस ओन्‍टा आली ती कुन्‍द्रस ती यहूदीर ही उर्मी नॆग आबोन पॆस्रस।