35 नॆख'आ गुसन धर्मेसी कत्था अंड़सिया, आस आरिन ‘देंवता गुट्ठी’ बाचस। नेम्हा पुथी ता कत्था अयन्दहा मल मना ऊंगी।
मेर्ख़ा अरा ख़ॆख़ेल छपर'ओ कालो, लिकिन एंग्है कत्था इकला हूँ मल बदलार'ओ।
फिन आर आसिन क्रुस नू ठोकचकाचर ख़ने, आसी किचरिन चिठी टिड्डर ती तम्है नू ख़ट्टरर।
ऎन निमन मानिमन ब'अदन, मेर्ख़ा दरा ख़ॆख़ेल टाड़र'ओ क'ओ, लिकिन धर्मेसी नॆग नू एन्देर लिख्रकी र'ई अदही बिगर मंजका ओन्टा अक्छर महले ओन कड़ी हूँ मल मुंज्र'ओ।
लिकिन मेर्ख़ा दरा ख़ॆख़ेल ही टाड़रना काना धर्मसी पॆसका ही ओन्टा कड़ी ही बदलारना ती सेब्बा र'ई।
येसुस आरिन बाचस, “निम्है नॆग नू लिख्रकी र'ई, ‘ऎन बाचकन, नीम देंवता गुट्ठी हिकदर।’
एंग्है पत्त नू ईद का, एंगन बंगस चज्जियस ती एंगन ख़ॆख़ेल नू तइय्यस। होले ऎन धर्मेसी ख़द्दन हिकदन बाचका ती नीम एकासे एंगन ब'आ ओंग्दर का ऎन धर्मेसिन निंदा नन्दन?
इदही ख़ॊख़ा येसुस अक्खस का आस तंग्है उर्मी नलखन नंज ख़च्चियस। औंगे नेम्हा पुथी ता लिख्रका मना गे आस बाचस, “ऎन ओनक'आ र'अदन।”
“अना भईरो, नेम्हा पुथी ता लिख्रका मन्ना चाड़ रहचा, आद नेम्हा बॊलतस दाऊदसी बई ती येसुसिन हॆंरका आलर गे कड़हाब'ऊ रहचका यूदसी पत्त नू मुन्द बाचका रहचस।
उर्मी आलर अक्स'ऊ आलर ही तबे नू र'आ नेकअन। एन्देरगेका उर्मी आकुस धर्मेस तरती बर'ई। एका ओर्तर आकुस नू र'अनर आरिन धर्मेस दिम असन ओक्ताचका र'अदस।