यॊहनस 10:32 - पुना गच्छरना NT (BSI)

³² लिकिन येसुस आरिन बाचस, “ऎन एम्‍बस तरती कैनो गोटंग कोड़हे अजगुत नलख गुट्ठिन निमा गे ऎदकन। अबड़ा ती एका नलख गे नीम एंगन लोड़ग'आ बेद्ददर?”

यॊहनस 10:32 ပူးပေါင်းရင်းမြစ်များ

मत्तायोस 11:5

अन्‍धहर ऎरनर अरा लेंगड़र ऎकनर अरा खसरा रोगियर सफा नन्तारनर अरा भइरा आलर मेनालनर अरा केचका आलर उज्‍जतारनर अरा कीड़र गे दौ कत्‍था तेंगतार'आ लगी।

यॊहनस 10:25

ख़ने येसुस आरिन बाचस, “ऎन निमन तिंकन, लिकिन नीम मल पत्त'अदर। एका नलखन ऎन एम्‍बस ही नामे ती नन्‍दन, आदिम एंग्‍है पत्त नू गोवाह चि'ई।

यॊहनस 10:31

फेनिम यहूदीर येसुसिन लोड़ग'आ पिटा गे पखना पेत्तर।

यॊहनस 10:33

ख़ने यहूदीर आसिन बाचर, “ऎम निंगन निंग्‍है इन्द्रिइम अजगुत नलख गे लोड़ग'आ पिटा मल बेद्ददम। नीन धर्मेसी निंदा नन्‍दय, नीन गा आलय हिकदय, अन्‍नु हूँ निंगन धर्मे ब'अदय, अदगे ऎम निंगन लोड़ग'आ पिटा बेद्ददम।”

यॊहनस 10:37

एम्‍बस नन्‍दस आ नलखन ऎन मल नन्‍दन होले, एंगन अमा पत्त'आ।

यॊहनस 5:36

एंगा यॊहनसी गोवाह ती कोहाँ गोवाह एंग्‍है सिखाब'अना अरा एंग्‍है हैकट नलख हवे। धर्मे बंगस इबड़ा नलखन नन्ना ती मुंजा गे एंगा चिच्‍चस, अरा अबड़ा पुरुब नन्‍ती का आस एंगन त‍इय्कादस।

त‍इरकर 10:38

नासरेत ता येसुसिन धर्मेस नेम्‍हा बॊलतस ती अरा सवंग ती बड़ियर नंजस अरा धर्मेस आसी गने रहचस। ख़ने आस दौ नन्नुम अरा सैतान ती बझ्रका आलारिन कोड़े नन्नुम कुद्दा लगियस।

त‍इरकर 2:22

इस्राऎल आलारो, इबड़ा कत्‍थन मेनके। नीम अख़दर का धर्मेस नासरेत ता येसुस ती एका कोहाँ अजगुत नलख अरा अकबक नलख अरा चिन्‍हा गुट्ठी निम्‍है मझी नू नंजस। इत्रु ती धर्मेस आसिन निमन ऎदस का आस धर्मेस तरती त‍इरकाचस।

1 यॊहन 3:12

कैनस लेक्खा नाम अम्बोत मना। आस मलदौ आबोन नन्त'उस सैतान ही रहचस, अरा तंग्ड़िस हाबेलसिन पिटियस। अरा आस आसिन एन्देर चड्डे पिटियस? एन्देरगेका आसी नलख गुट्ठी मलदौ रहचा अरा तंग्ड़िसी नलख गुट्ठी गा धर्मेसी ऎरना नू उजगो रहचा।