30 ऎन दरा बंगस ओन्टे दिम हिकदम।”
एम्बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।
औंगे नीम कला अरा उर्मी राजी ता आलारिन चेला कम'आ अरा आर गे धर्मे बबस अरा ख़द्दस अरा नेम्हा बॊलतासी नामे ती नॊड़रत'आ,
एम्बस नॆ इबड़न एंगा चिच्चकादस, आस ओर्मर ती कोहाँ र'अस। अरा अबड़न नॆ हूँ एम्बासी ख़ेक्खा ती बच्चा पोलदस।
एंग्है पत्त नू ईद का, एंगन बंगस चज्जियस ती एंगन ख़ॆख़ेल नू तइय्यस। होले ऎन धर्मेसी ख़द्दन हिकदन बाचका ती नीम एकासे एंगन ब'आ ओंग्दर का ऎन धर्मेसिन निंदा नन्दन?
येसुस आसिन किर्त'अर बाचस, “नीकईम एंगन चोन्हा नन्दस होले, आस एंग्है सिखाब'अनन मनदस। अरा एम्बस आसिन चोन्हा ननोस, अरा ऎम आसी गुसन बर'ओम, अरा आस गने उज्जोम।
येसुस आसिन बाचस, “फिलिप्पोस, ऎन एन्ने उल्ला गूटी निम्है गने रहचकन, अन्नु हूँ अक्कु गूटी नीन एंगन बलकय का? नॆ एंगन ईरकादस, आस बंगासिन हूँ ईरकादस। होले नीन एन्देरगे ब'अदय, ‘बंगासिन एमन ऎद'आ’?
बंगासी उर्मी एंग्है दिम हवे। ख़नेम ऎन बाचकन का आस एंग्है ती ख़क्खदस ती अदिन निमन तेंगोस।
अरा एंग्है र'ई आद उर्मी निंग्है हवे, अरा एन्द्रा निंग्है र'ई अबड़ा एंग्है हवे। अरा अत्रु तिम एंग्है महबा दहदर मंजकी र'ई।
लिकिन येसुस आरिन बाचस, “एम्बस इन्ना गूटी बिगर ख़न्न ऎख़्रका ती नलख नना लगदस, अरा ऎन हूँ नलख नना लगदन।”
औंगे ओर्मा आलर एकासे धर्मे बंगासिन मईन नन्नर, अन्नेम धर्मेसी ख़द्दस एंगन हूँ मईन नना गे एन्ने नंजस। नॆ एंगन मईन मल नन्दस, आस एंगन तइय्का धर्मे बंगासिन हूँ मईन मल नन्दस।
येसुस बाचस, “ऎन निमन मानिम ब'अदन, अब्राहमस कुन्द्रस ती मुन्द तिम ऎन र'अदन।”
ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।
नाम ई कोहाँ असरा ती पाब ऎरदत का इकला नमन उबर ननू नम्है कोहाँ धर्मेस येसु मसीसी महबा ही बरना र'ई।
अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।
औंगे नमा गे इबड़ा तिनियों गोवाह चि'ई।
