यॊहनस 10:27 - पुना गच्छरना NT (BSI)

²⁷ एंग्‍है भेंडो एंग्‍है सड़न मिनी। ऎन अबड़न अख़दन, अरा अबड़ा एंग्‍है गने गुड़ियार'ई।

यॊहनस 10:27 ပူးပေါင်းရင်းမြစ်များ

मत्तायोस 16:24

फिन येसुस तंग्‍है चेलारिन बाचस, “नीक‍ईम एंग्‍है चेला मना बेद्ददर होले, आर गे ताम तम्‍है नना बेद्दना लेका अम्‍बोर नना, ऊजी नू तम्‍है क्रुस आबोन चेड़'अरकी एंग्‍है गने चॊंख़्रना र'ई।

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

मत्तायोस 25:12

लिकिन आस आनाकिर्ताचस, ‘ऎन निमन मानिम ब'अदन, ऎन निमन बलदन।’

मत्तायोस 7:23

होले ऎन आरिन फरीफरी तेंगोन ती आनोन, ‘ऎन निमन इकला हूँ बलकन, मलदौ ननू आलारो, एंग्‍है गुस्‍ते गुच्‍छर'आ।’

मरकुस 10:21

येसुस आसिन नगदे चोन्‍हा नंजस अरा आसिन ऎररकी बाचस, “नीन अक्‍कुन गूटी ओन्‍टा कत्‍थन मल नंजकादय, कला, नीन निंग्‍है उर्मी खुर्जिन बीसरकी कीड़र गे ख़ट्टा चि'आ। फिन बरा अरा एंग्‍है गने चॊंख़्र'आ। होले निंगा मेर्ख़ा नू इनाम ख़क्ख्र'ओ।”

मरकुस 8:34

फिन आस गोंहड़ा गने चेलारिन हेद्दे मीख़ियस अरा बाचस, “नीक‍ईम एंग्‍है चेला मना बेद्दोस होले, आस गे तान तंग्‍है नना बेद्दना लेका अम्‍बोर नना अरा तंग्‍है क्रुस आबोन चेड़'अरकी एंग्‍है गने चॊंख़्रना र'ई।

लू‍कस 13:27

लिकिन आस आना किर्त'ओस, ‘ऎन निमन ब'अदन, ऎन निमन बलदन नीम एसते बरचकर। मलदौ नलख ननू आलारो, नीम एंग्‍है गुसते बोंगा।’

लू‍कस 9:23

फिन आस ओर्मारिन बाचस, “नीकईम एंग्‍है ख़ॊख़ा चॊंख़्र'आ बेद्दोस होले, आस गे तान तंग्‍‍है नना बेद्दना लेका अम्‍बोर नना अरा उर्मी उल्‍ला तंग्‍है मने ती खिलपत सहना अरा क्रुस नू खे'अना ती एंग्‍है गने चॊंख़्रना र'ई।

यॊहनस 10:14

ऎन दिम बॆस महरा हिकदन। एकासे बंगस एंगन अख़दस‍ अरा ऎन बंगासिन अख़दन, अन्नेम ऎन एंग्‍है भेंडोन अख़दन अरा एंग्‍है भेंडो एंगन अख़'ई। ऎन भेंडो गुट्ठी गे एंग्‍है जियन चि'अदन।

यॊहनस 10:16

एंग्‍है अउर हूँ भेंडो र'ई, अबड़ा ई गुहड़ी ता मल्‍ली। अबड़न हूँ एंगा ओन्‍द्रना चाड़ र'ई। अबड़ा एंग्‍है सड़न मेनो। ख़ने ओन्‍टे गुहड़ी मनो अरा ओन्‍टे महरस मनोस।

यॊहनस 10:8

एंग्‍है ती मुन्‍द बरचकाचर, आर ओर्मर ख़लबर दरा बच्‍चुर र'अनर, लिकिन भेंडो आरहिन मल मेंजा।

यॊहनस 12:26

नॆ एंगन सुस्र'आ बेद्ददस आस एंग्‍है गने चॊंख़्रदस नेकअन, अरा एसन ऎन र'ओन असन एंग्‍है जॊंख़स हूँ र'ओस। नॆ एंगन सुस्र'अदस, आसिन एम्‍बस मईन ननोस।

यॊहनस 21:22

ख़ने येसुस आसिन बाचस, “ऎन आसिन एंग्‍है किर्रना गूटी आस उज्‍जा गे ऎन बेद्ददन होले, इत्रु निंगा एन्‍देर? नीन एंग्‍है ख़ॊख़ा गुड़ियार'आ।”

यॊहनस 5:25

ऎन निमन मानिम ब'अदन, बेड़ा बर'आ लगी, अरा आद अक्‍कुन बरचकी र'ई। आ बेड़ा नू बॊलता नू केचका आलर ऎन धर्मेसी ख़द्दन ही सड़न मेनोर। अरा अदन नॆ मेनोर आर उज्‍जोर।

यॊहनस 8:12

तहाँ येसुस अउरिम आलर गने कछनख्र'आ हेलरस, अरा बाचस, “ऎन ख़ॆख़ेल ही बिल्‍ली हिकदन। एकास एंग्‍है गने चॊंख़्रदस आस इकला हूँ ऊख़ा नू मल र'ओर, लिकिन आस उज्‍जना चि'ऊ बिल्‍लिन ख़क्‍खोस।”

यॊहनस 8:43

ऎन एन्‍देर ब'अदन अदिन नीम एन्‍देरगे बुझुर'आ पोलदर? ईद ई चड्डे का एंग्‍है सिखाब'अनन नीम मल इंझ्रदर।

त‍इरकर 3:23

एकास आ धर्मेसी कत्‍था तिंगुसी कत्‍थन मल मेनोस, आस आलर मझी ती नठार'ओस कालोस।’

1 कोरिन्‍थ 8:3

लिकिन ओर्तोस धर्मेसिन चोन्‍हा नन्‍दस होले, आस धर्मेस ती अख़तारदस।

गलातिया 4:9

लिकिन अक्‍कु नीम धर्मेसिन अक्‍ख ख़च्‍चिकर। मानिम नू धर्मेस ती नीम अक्कर। होले नीम एकन्ने पयहा अरा लंडी सिखाब'अना तरा किर्रदर? अउरिम अबड़ा ही जॊंख़ मना बेद्ददर।

2 तीमोथियुस 2:19

अन्नु हों धर्मेसिन मानी ती पत्त'ऊ आलर मसीसी पत्त'अना नू पोकता र'ओर। अरा धर्मेस बाचकादस, “तम्‍है आलारिन उर्बस अख़दस” अरा “नॆ ताम उर्बासी ख़ॊख़ा चॊंख़्रदम ब'अनर आर गे मलदौ नलखन मल नन्ना र'ई।”

इब्रानी 3:7

औंगे एकन्ने नेम्‍हा बॊलतस ब'अदस, “इन्ना नीम आसी कत्‍थन मेनोर होले,

दहदर मंजका कत्‍था 14:4

ईर मुक्कर ती तमन सोतरा मल मंजकर हिकनर, अरा डिंडर हिकनर। ईर भेंडो ख़द्द मसीस एसन एसन कालदस असन असन आसी गने गुड़ियार'ऊ हिकनर। ईर धर्मेस गे अरा भेंडो ख़द्द मसीस गे आलर ती नाड़रका पहिल ख़ंजपा लेक्खा र'अनर।

दहदर मंजका कत्‍था 3:20

ऎरा, ऎन बली मुन्दहारे इज्‍जकन ती ठोकठोका ब'अदन। नीकईम एंग्है सड़न मेन्दस ती बलिन तिसगदस होले, ऎन आसी गुसन बर'ओन ती आसी गने ओनोन मॊख़'ओन अरा आस एंग्‍है गने ओनोस मॊख़'ओस।