यॊहनस 10:25 - पुना गच्छरना NT (BSI)

²⁵ ख़ने येसुस आरिन बाचस, “ऎन निमन तिंकन, लिकिन नीम मल पत्त'अदर। एका नलखन ऎन एम्‍बस ही नामे ती नन्‍दन, आदिम एंग्‍है पत्त नू गोवाह चि'ई।

यॊहनस 10:25 ပူးပေါင်းရင်းမြစ်များ

यॊहनस 10:32

लिकिन येसुस आरिन बाचस, “ऎन एम्‍बस तरती कैनो गोटंग कोड़हे अजगुत नलख गुट्ठिन निमा गे ऎदकन। अबड़ा ती एका नलख गे नीम एंगन लोड़ग'आ बेद्ददर?”

यॊहनस 10:37

एम्‍बस नन्‍दस आ नलखन ऎन मल नन्‍दन होले, एंगन अमा पत्त'आ।

यॊहनस 10:38

लिकिन ऎन अदन नन्‍दन होले, नीम एंगन मल पत्त'अदर होले हूँ अजगुत नलखन पत्त'आ। ख़ने नीम अख़'ओर अरा बुझुर'ओर का बंगस एंग्‍है नू र'अस अरा ऎन बंगस नू र'अदन।”

यॊहनस 11:47

ख़ने मुध नैगर अरा फरिसीर यहूदीर ही कोहाँ सभा आबोन मीख़ियर ती बाचर, “नाम एन्‍देर ननोत? ई आलस गा कोड़हे अजगुत नलख ही चिन्‍हन ऎद्ददस।

यॊहनस 12:37

येसुस आलर ही मुन्‍दहारे कोड़हे बग्‍गे अजगुत नलख ही चिन्‍हा नंजका ती हूँ आर आसिन मल पत्ताचर।

यॊहनस 14:11

ऎन बंगस नू र'अदन, अरा बंगस एंग्‍है नू र'अदस, एन्ने ऎन ब'अदन ख़ने, नीम अदिन पत्त'आ, मला होले ऎन नंजका अजगुत नलख चड्डे अदिन पत्त'आ।

यॊहनस 20:30

येसुस तंग्‍है चेलर ही मुन्‍दहारे अउरिम नगदे अजगुत नलख नंजस, अबड़ा ई पुथी नू मल लिख्रकी र'ई।

यॊहनस 3:2

आस उन्‍दुल माख़ा येसुस गुसन बरचस ती बाचस, “अना गुरु, ऎम अख़दम का नीन धर्मेस तरती बरचका ओन्‍टा गुरु हिकदय। एन्‍देरगेका नीन नन्‍दय आ अजगुत नलख ही चिन्‍हा गुट्ठिन नॆ हूँ नना पोल्‍लोस, एका गूटी धर्मेस आस गने मल र'अदस।”

यॊहनस 7:31

लिकिन ख़ॊंड़रका आलर ती बग्‍गेर आसिन पत्ताचर। अरा अबड़र बाचर, “मसीस बरदस ख़ने, आस ई आलस नंजका ती कोड़हे अजगुत नलख ननोस का?”

यॊहनस 8:12

तहाँ येसुस अउरिम आलर गने कछनख्र'आ हेलरस, अरा बाचस, “ऎन ख़ॆख़ेल ही बिल्‍ली हिकदन। एकास एंग्‍है गने चॊंख़्रदस आस इकला हूँ ऊख़ा नू मल र'ओर, लिकिन आस उज्‍जना चि'ऊ बिल्‍लिन ख़क्‍खोस।”

यॊहनस 8:24

औंगे नीम निम्‍है पाप गुट्ठी नू खे'ओर एन्ने ऎन बाचकन। नॆ बर'ऊ र'अस आस ऎनिम हिकदन एन्ने नीम मल पत्त'ओर होले, नीम निम्‍है पाप गुट्ठी नू खे'ओर।”

यॊहनस 8:56

निम्‍है बंगस अब्राहमस एंग्‍है उल्‍लन ऎरा ओंगोन ब'अरकी नगदे खुसमारस, अरा आस अदन ईरियस ती रिझ्रस।”

यॊहनस 8:58

येसुस बाचस, “ऎन निमन मानिम ब'अदन, अब्राहमस कुन्‍द्रस ती मुन्‍द तिम ऎन र'अदन।”

त‍इरकर 10:38

नासरेत ता येसुसिन धर्मेस नेम्‍हा बॊलतस ती अरा सवंग ती बड़ियर नंजस अरा धर्मेस आसी गने रहचस। ख़ने आस दौ नन्नुम अरा सैतान ती बझ्रका आलारिन कोड़े नन्नुम कुद्दा लगियस।

त‍इरकर 2:22

इस्राऎल आलारो, इबड़ा कत्‍थन मेनके। नीम अख़दर का धर्मेस नासरेत ता येसुस ती एका कोहाँ अजगुत नलख अरा अकबक नलख अरा चिन्‍हा गुट्ठी निम्‍है मझी नू नंजस। इत्रु ती धर्मेस आसिन निमन ऎदस का आस धर्मेस तरती त‍इरकाचस।

इब्रानी 2:3

औंगे नाम ई कोड़हे कोहाँ नाड़रनन हींड़'ओत होले, नाम एकासे दंडे ती बछर'ओत? ई नाड़रना गा मुन्‍द उर्बस ती तेंगतारा अरा नॆ नॆ इदन मेंजर आर ती ईद नमा गे मानिम अख़तारा।