यॊहनस 10:16 - पुना गच्छरना NT (BSI)

¹⁶ एंग्‍है अउर हूँ भेंडो र'ई, अबड़ा ई गुहड़ी ता मल्‍ली। अबड़न हूँ एंगा ओन्‍द्रना चाड़ र'ई। अबड़ा एंग्‍है सड़न मेनो। ख़ने ओन्‍टे गुहड़ी मनो अरा ओन्‍टे महरस मनोस।

यॊहनस 10:16 ပူးပေါင်းရင်းမြစ်များ

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

लू‍कस 15:8

ओन्‍टा मुक्‍का गुसन दस गोटंग चान्‍दी ही ढिबा र'ई। अरा आद ओन्‍टन एबस'ई चि'ई होले, आद बिल्‍ली दग'ई ती एड़पन इर्री उथरी अरा अदन अरगी ख़क्खना गूटी चिहुंक ती बिद्दी।

यॊहनस 10:11

ऎन दिम बॆस महरा हिकदन। बॆस महरस तंग्‍है भेंडो गे तंग्‍है जियन चि'अदस।

यॊहनस 10:2

लिकिन नॆ बली ती कोरदस आस भेंडो ही महरस हिकदस।

यॊहनस 10:27

एंग्‍है भेंडो एंग्‍है सड़न मिनी। ऎन अबड़न अख़दन, अरा अबड़ा एंग्‍है गने गुड़ियार'ई।

यॊहनस 10:3

आस गे बली ख़ापुस बलिन तिसगदस चि'अदस। अरा आसी भेंडो आसी सड़न मिनी। अरा आस तंग्‍है भेंडोन नामे पिंजदस ती मॆख़दस, अरा अबड़न बहरी कड़हाब'अदस।

यॊहनस 10:4

आस तंग्‍है उर्मी भेंडोन बहरी ओन्‍द्रदस ख़ने, आस अबड़ा ही मुन्‍द मुन्‍द ऎकदस, अरा अबड़ा आसी ख़ॊख़ा गुड़ियार'ई, एन्‍देरगेका अबड़ा आसी सड़न ओर्ख'ई।

यॊहनस 10:5

लिकिन अबड़ा नन्‍नस गने इकला हूँ मल गुड़ियार'ओ। आस ती गेच्‍छा बोंगो, ईगेका अबड़ा नन्‍नासी सड़न बल्‍ली।”

यॊहनस 11:52

अरा आ राजी गे लेका मला, छितिर बितिर मंजका धर्मेसी आलारिन हूँ ख़ॊंड़'अरकी ओन्‍टम मना गे हूँ खे'आ कादस।

यॊहनस 17:20

ऎन इबड़ा चेलर गे लेका मल गोहरारदन, लिकिन ईर तेंगना कत्‍था ती नॆ एंगन पत्त'ओर, आर गे हूँ गोहरारदन।

यॊहनस 6:37

बंगस नॆकन एंगा चि'अदस, अबड़र ओर्मर एंग्‍है गुसन बर'ओर, अरा नॆ एंग्‍है गुसन बरदस आसिन इकला हूँ ऎन मल दुस'ओन।

त‍इरकर 15:14

सिमॊनस नमन तिंगियस का धर्मेस नन-यहूदीर ती जोक्क आलारिन तंगा गे चज्जियस ती पहिल खेप एकासे सोग्‍गे ईरियस।

त‍इरकर 18:10

ऎन निंग्‍है गने र'अदन। नॆ हूँ निंगन ल'ओर ती निंगन नठाब'आ पोल्‍लोर, एन्‍देरगेका ई नगरे नू नगदे आलर एंग्‍है र'अनर।”

त‍इरकर 22:14

फेन आस बाचस, ‘नम्‍है पूरखर ही धर्मेस निंगन इदगे ओकताचकादस का, नीन आसी मने आबोन अख़'ओय, अरा एकास धर्मेसी उजगो र'अस आसिन ऎरोय अरा आसी ब‍ई ती आसी कत्‍था मेनोय।

रोमी 11:25

अना भ‍ईरो! ऎन निमन ई भेद ही मनेन बुझुरत'आ गे बेद्ददन, होले नीम निमन कोड़हे लूरगर अम्‍बोर बुझ्र'ओर। इस्राऎल ता कुदहा आलर अक्‍कुन बेड़हा मंजका र'अनर। लिकिन गोट्टा नन-यहूदीर हूँ आसिन पत्त'अना गूटी लेका आर एन्ने र'ओर।

2 थेस्‍सलोनिकॆयर 2:13

अना उर्बासी चोन्‍हा भईरो, एमा निम्‍है पत्त नू सगरो धर्मेसी धन्‍यवाद चि'अना र'ई। एन्‍देरगेका निमन नाड़र'आ गे हुल्‍लो ती धर्मेस चज्‍जिकादस। नीम निमन नेम्‍हा ननू बॊलता ती अरा मानिमन पत्त'अदर ती नाड़रदर।

इब्रानी 13:20

मसीसी ख़ॆंस ती जनमजुग ही गच्‍छरनन कमचका ती भेंडो ही कोहाँ महरस नम्‍है उर्बा येसुसिन केचका ती उज्‍जताचका कोड़े ही धर्मेस,

1 पतरस 2:10

मुन्द नीम धर्मेसी आल एन्ने मल अखतारकर, लिकिन अक्‍कु गा नीम धर्मेसी आलर हिकदर। मुन्द नीम धर्मेसी सोग्‍गेन मल ख़क्खकर, लिकिन अक्‍कु गा आसी सोग्गेन ख़क्खकर।

1 पतरस 2:25

मानिम नू मुन्द नीम बेहड़ारका भेंडो लेक्‍खा रहचकर, लिकिन अक्‍कु निम्‍‍है जिया गुट्ठी ही ख़ापुस अरा ईरु-ख़ूजुस मसीस गुसन किर्रका बरचका र'अदर।

1 पतरस 5:4

नीम एन्ने ननोर होले, इकला मुध महरस दहदर मनोस, आ बारी नीम तंग्है बिल्चनन मल अम्बना महबा अरा मईन ही मुकुटन ख़क्खोर।

दहदर मंजका कत्‍था 3:20

ऎरा, ऎन बली मुन्दहारे इज्‍जकन ती ठोकठोका ब'अदन। नीकईम एंग्है सड़न मेन्दस ती बलिन तिसगदस होले, ऎन आसी गुसन बर'ओन ती आसी गने ओनोन मॊख़'ओन अरा आस एंग्‍है गने ओनोस मॊख़'ओस।