यॊहनस 10:12 - पुना गच्छरना NT (BSI)

¹² बनियहार आलस गा भेंडो गुट्ठी ही उर्बस मलदस। अरा आस भुसुड़ बरनन एरदस ख़ने, आस भेंडो गुट्ठिन अम्‍बदस ती बोंगदस कादस। ख़ने भुसुड़ अबड़न बच्‍ची हुं'ई, अरा भिड़क'ई चि'ई।

यॊहनस 10:12 ပူးပေါင်းရင်းမြစ်များ

मत्तायोस 10:16

ऎरा! कला, ऎन निमन भेंडो लेक्‍खा भुसुड़ गुट्ठी ही मझी नू त‍इय्‍दन। औंगे नेर्रे गुट्ठी लेक्‍खा लूरगर अरा पेरवाँ गुट्ठी लेक्‍खा लुद‍ऊ मना।

मत्तायोस 7:15

ठकवा धर्मेसी कत्‍था तिंगुर ती चिहुंक र'आ। आर ऎरना नू लुद‍ऊ लेक्‍खा भेंडो ही बेसे निम्‍है गुसन बरनर। लिकिन आर मानिम नू चर्रना मॊख़ना हड़हा र‍'अनर।

यॊहनस 10:13

आस बनियहार आलस र'अना ती अरा भेंडो ही पत्त नू फिकिर मल र'अना ती बोंगदस कादस।

यॊहनस 10:2

लिकिन नॆ बली ती कोरदस आस भेंडो ही महरस हिकदस।

यॊहनस 10:3

आस गे बली ख़ापुस बलिन तिसगदस चि'अदस। अरा आसी भेंडो आसी सड़न मिनी। अरा आस तंग्‍है भेंडोन नामे पिंजदस ती मॆख़दस, अरा अबड़न बहरी कड़हाब'अदस।

त‍इरकर 20:29

ऎन अख़दन का एंग्‍है केरका ख़ॊख़ा खरिखन मल अम्‍बना चर्रू मूख़ू भुसुड़ गुट्ठी निम्है मझी नू बर'ओ।

1 तीमोथियुस 3:3

आस उंखुस अरा पस'ऊ कूड़ू अम्‍बोस र'आ। लिकिन आस लुद‍ऊ र'अना र'ई। आस नग्‍गानख्र‍'ऊ अरा ढिबा ही चिबाख़ार‍'ऊ अम्‍बोस र'आ।

1 तीमोथियुस 3:8

एन्नेम कलीसिया ही ईरू-ख़ूजुर हूँ म‍ईन ही जॊगे र'अना र'ई। अरा आर उंखुर अरा आलारिन ठगना ती अर्ज‍'उर अम्‍बोर र'आ।

2 तीमोथियुस 4:10

एन्‍देरगेका दॆमस ई ख़ॆख़ेल ता उज्‍जना नू मॊंहरस ती एंगन अम्‍बियस चिच्‍चस ती थेस्‍सलोनिकॆ नगरे नू किर्रिमबिच्‍चयस। क्रॆसकॆस गलातिया राजी गे अरा तीतुस दलमतिया राजी गे किर्रिमबिच्‍चयस।

तीतुस 1:7

कलीसिया ही ईरु-ख़ूजू मुद्धस गा ओक्‍कना इजना नू बिगर बदी ही अरा हुड्ड मला, अरा लॆम गोसा मनू मला, अरा उंखू मला अरा पस‍'ऊ कूड़ू मला अरा मलदौ ती अर्ज‍'ऊ मल र'अना र'ई।

1 पतरस 5:2

धर्मेसी निम्है ख़ेक्खा नू सोंपचका आसी खोंड़हन ख़ापा, एकदा निम्है मझी नू र'ई। अरा ईरू-ख़ूजुर लेक्खा सुसर नना। ढेवा ढेवा ती मला, लिकिन धर्मेस नीम नना गे बेद्दना लेक्खा सौंसे जीया ती अदन नना। मलदौ अर्ज'आ गे मला, लिकिन कोड़हे रिझ गने आ सुसर आबोन नना।

2 पतरस 2:3

अरा आर तम्है कोड़हे चिबाख़ारना ती ताम कमचका ख़ीरी गुट्ठिन तेंगरकी निम्है गुस्ते फफड़'ओर मॊख़ोर। अरा आर मइय्याँ बरना दंडे पॆसका नगदे उल्ला ही मुन्द तिम धर्मेस ती सपड़ारकी र'ई, अदही बरना ही दिरी मलकी, आर ही नठाब'अना चाड़हेम अंड़सो।