1 येसुस बाचस, “ऎन निमन मानिम ब'अदन, नॆ भेंडो गुदड़ी नू बली तरती मल कोरदस, लिकिन नन्ना तरती कोरदस, आस ख़लबस मलता बच्चुस हिकदस।
ठकवा धर्मेसी कत्था तिंगुर ती चिहुंक र'आ। आर ऎरना नू लुदऊ लेक्खा भेंडो ही बेसे निम्है गुसन बरनर। लिकिन आर मानिम नू चर्रना मॊख़ना हड़हा र'अनर।
औंगे येसुस अउरिम बाचस, “ऎन निमन मानिमन ब'अदन, ऎन भेंडो गे बली हिकदन।
येसुस आसिन आनाकिर्ताचस, “ऎन निंगन मानिमन ब'अदन, नीकईम अउरिम मल कुन्द्रदस, आस धर्मेस तंग्है उज्जना नू राजी नन्नन अनुभव मल ननोस।”
अरा आस मल तइर'ओस होले आस एकासे तेंगा कुद्दू मनोस? नेम्हा पुथी नू लिख्रकी र'ई, “दौ कत्था तिंगू आलर ही ख़ेड्डे ऎ कोड़हे सुभ'ई।”
एन्देरगेका का एन्ने आलर नम्है उर्बस मसीसी मला तम्है कूल ब'ई ही तेतर-सुसर नन्नर। अरा एम्बा एम्बा अरा भुरिय'अना कत्था ती बोको जिया आलारिन बेड़ाब'अनर चि'अनर।
ईरिन एन्ने ब'आ गे अमा चि'आ। ईर तम्है मलदौ सिखाब'अना ती एड़पा एड़पन बगड़'अनर चि'अनर। ईर इदन ढिबा गे लेका एन्ने नन्नर।
नॆ हूँ ई मईन ही कोहाँ नैग नलख आबोन तान तंगानिम चाजा पुल्ली। आरॊनस बेसे आस हूँ धर्मेस ती मॆख़्रका र'अना र'ई।
एका मया निमा गे ख़क्ख्रना रहचा, अदही पत्त नू तिंका धर्मेसी कत्था तिंगुर ई नाड़रना ही पत्त नू दिम कोड़हे बेद्दना ख़ॊजना नू रहचर।
इस्राऎल आलर ही मझी नू ठकवा धर्मेसी कत्था तिंगुर रहचर। अन्नेम निम्है मझी नू हूँ ठकवा सिखाब'उर चो'ओर। आर नठारनन ओन्द्रना ठकवा सिखाब'अनन नूख़ुर नूख़ुर ओन्द्र'ओर। अरा आर तमन मूल्ली चि'अरकी ख़ीन्दका कोड़हे सवंगिय उर्बासिन हूँ बलदम ब'ओर। ई लेक्खम आर तमा गे चाँड़हेम नठारनन ओन्द्र'ओर।
अरा आर तम्है कोड़हे चिबाख़ारना ती ताम कमचका ख़ीरी गुट्ठिन तेंगरकी निम्है गुस्ते फफड़'ओर मॊख़ोर। अरा आर मइय्याँ बरना दंडे पॆसका नगदे उल्ला ही मुन्द तिम धर्मेस ती सपड़ारकी र'ई, अदही बरना ही दिरी मलकी, आर ही नठाब'अना चाड़हेम अंड़सो।
अना दुलारो, ई सौंसार नू नगदे बग्गे ठकवा धर्मेसी कत्था तिंगुर चॊचका र'अनर। औंगे नेम्हा बॊलतस ती ब'अदन ब'ऊ उर्मी आलारिन अमा पत्त'आ। लिकिन बिढ़'आ ती ऎरा का अबड़ा बॊलता गुट्ठी धर्मेस ती बरचका का मल्ली।