यॊहनस 1:9 - पुना गच्छरना NT (BSI)

⁹ एकास मानी बिल्‍ली र'अदस, आस ओर्मर गे बिल्‍ली चि'अदस, आस अक्‍कु ख़ॆख़ेल नू बर'आ लगियस।

यॊहनस 1:9 ပူးပေါင်းရင်းမြစ်များ

मत्तायोस 6:23

लिकिन निंग्‍है ख़न्न बगड़ारकी र'ई होले निंग्‍है सौंसे मॆद ऊख़ा र'ओ। अरा निंग्‍है भितरी ता बिल्‍ली दिम मल रफ'ओ होले नीन मानिम नू कोड़हे ऊख़ा नू र'अदय।

लू‍कस 11:36

निम्‍है गोट्टा मॆद बिल्‍ली मनो होले एकन्ने का एक‍अम अंग हूँ ऊख़ा मल र'ओ, आद गोट्टा बिल्‍ली मनो। एकासे का बिल्‍ली तंग्‍है बिलचना ती निमन लौकारना मन्‍त'ई चि'ई।”

यॊहनस 1:4

अरा गढ़्रका ओर्मा तंग्‍है उज्‍जनन आसी ती ख़क्‍खिया, अरा आसी उज्‍जना ओर्मर गे बिल्‍ली चिच्‍चा।

यॊहनस 1:7

आस आ बिल्‍ली ही पत्त नू गोवाह चि'आ गे ओन्‍टा गोवाह लेक्‍खा बरचस, औंगे ओर्मर आस ती पत्त'आ ओंगोर नेकअन।

यॊहनस 12:46

ऎन ख़ॆख़ेल नू बिल्‍ली लेक्‍खा बरचका र'अदन। औंगे नॆ एंगन पत्त'ओस आस ऊख़ा नू मल र'ओस।

यॊहनस 14:6

येसुस आसिन बाचस, “डहरे अरा मानिम अरा उज्‍जना ऎनिम हिकदन। एंग्‍है त्रु बिगर नॆ हूँ बंगस गुसन काला पोलनर।

यॊहनस 15:1

येसुस तंग्है चेलारिन बाचस, “ऎन मानिम अंगुर ख़ोप्‍पा हिकदन, अरा एम्‍बस बटकी उर्बस।

यॊहनस 6:32

ख़ने येसुस आरिन बाचस, “ऎन निमन मानिम ब'अदन, मूसस निमा मेर्ख़ा ती असमा मल चिच्काचस। एम्‍बस दिम निमा मेर्ख़ा ती मानिम असमन चि'अदस।

यॊहनस 7:12

अरा गोंहड़ा नू आलर ढ़ॆर कत्‍था आसी पत्त नू तम्‍है नू कले कले कछनख्र'आ लगियर। जोक्‍क आलर ब'आ लगियर, “आस दौ आलस”, लिकिन नन्नर ब'आ लगियर “मला, आस आलारिन भेंवाब'अदस।”

1 यॊहन 1:8

नम्है नू पाप मलकी ब'अदत होले, नाम नमानिम ठकदत, अरा नाम मानी लगे मल उज्जालदत।

1 यॊहन 2:8

अन्नु हूँ एका पॆसकन ऎन अक्कुन लिखदन, आद पुना हवे। ई पॆसका ही मानिम मसीस नू अरा निम्है नू हूँ ईथ्र'ई, एन्देरगेका ऊख़ा तरकूटी मनाली अरा मानी बिल्ली अक्कु बिल्चाली।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।