यॊहनस 1:7 - पुना गच्छरना NT (BSI)

⁷ आस आ बिल्‍ली ही पत्त नू गोवाह चि'आ गे ओन्‍टा गोवाह लेक्‍खा बरचस, औंगे ओर्मर आस ती पत्त'आ ओंगोर नेकअन।

यॊहनस 1:7 ပူးပေါင်းရင်းမြစ်များ

यॊहनस 1:12

लिकिन जेतेक आलर आसिन इंझ्रर अरा आसी नू पत्ताचर, अबड़ा ओर्मर गे आस धर्मेसी ख़द्द मना गे अदिया चिच्‍चस।

यॊहनस 1:15

यॊहनस आसी पत्त नू गोवाह चिच्‍चस अरा चिच्चियारस ती बाचस, “नॆख'आ पत्त नू ऎन बाचकन, आस ईसिम हिकदस, आस एंग्‍है ख़ॊख़ा बरदस, लिकिन एंग्‍है ती कोहँस र'अदस, एन्‍देरगेका आस एंग्‍है ती मुन्‍द दिम रहचस।”

यॊहनस 1:19

येरुसलॆम ता यहूदीर नैगारिन अरा लेवी गोतोर ता आलारिन “नीन एका ओर्तय?” एन्ने मेना गे यॊहनस गुसन त‍इय्यर।

यॊहनस 1:36

अरा यॊहनस येसुसिन काना ईरियस ती बाचस, “ऎरा, ईस धर्मेसी भें‍डो ख़द्दो।”

यॊहनस 1:9

एकास मानी बिल्‍ली र'अदस, आस ओर्मर गे बिल्‍ली चि'अदस, आस अक्‍कु ख़ॆख़ेल नू बर'आ लगियस।

त‍इरकर 19:4

पौलुस बाचस, “आस तंग्‍है ती ख़ॊख़ा बर'ऊ येसुसिन पत्त'आ गे आलारिन बाचस ती जियन किर्त'आ गे नॊड़रत'आ लगियस।”

गलातिया 3:26

अरा नीम ओर्मर गा मसी येसुस म‍इय्याँ ता पत्त'अना ती धर्मेसी ख़द्दर मंजकादर।

इफेसुस 3:9

आ गम चिताबुतन ओर्मा आलर गे बुझुरत'आ गे ऎन चज्रकादन, एकदा उर्मिन गढ़'ऊ धर्मेस ती मुन्द ता परिया गुट्ठी नू नुड्डका उइय्का रहचा।

1 तीमोथियुस 2:4

आस उर्मी आलारिन नाड़ा गे अरा मानिम आबोन बॆस लगे बुझ्र'आ गे बेद्ददस।

तीतुस 2:11

एन्‍देरगेका धर्मेसी मया उर्मी अड्डा ता ओर्मा आलर गे नाड़रनन ओन्‍द्रा।

2 पतरस 3:9

जोक्क आलर बुझुरना लेक्खा उर्बस तंग्है गच्छरनन नना गे दिरी मल नन्दस। लिकिन आस निम्है नू कयास गने र'अदस। एन्देरगेका आसी मने ईद र'ई का, ओर्त हूँ अम्बोर नठार'आ, लिकिन ओर्मर जियन किर्त'ओर।