यॊहनस 1:49 - पुना गच्छरना NT (BSI)

⁴⁹ नतनऎलस आसिन आनाकिर्ताचस, “अना गुरु! नीन धर्मेसी ख़द्दय! नीन इस्राऎल ही बॆलय!”

यॊहनस 1:49 ပူးပေါင်းရင်းမြစ်များ

मत्तायोस 14:33

अदही ख़ॊख़ा डोंगा नू रहचर आर आसिन ओलगर बाचर, “मानिम नीन धर्मेसी ख़द्दय हिकदय।”

मत्तायोस 2:2

“यहूदीर ही बॆलस कुन्‍द्रकादस आस एक्‍सन र'अस? एन्‍देरगेका ऎम पुरुब तरा आसी बीनकोन ईरकम अरा आसिन ऒड़ लग्‍गा गे बरचका र'‍अदम।”

मत्तायोस 21:5

“येरुसलॆम ता आलारिन ब'आ, ‘ऎरा, निंग्‍है बॆलस निंग्‍है गुसन बर'आलदस। आस लुदऊ र'अस, अरा गदहा नू ओक्‍कदस ती, गदही ख़द्द नू ओक्‍कदस ती बरदस’।”

मत्तायोस 23:7

बजार गुट्ठी नू मोंजरा अरा आलर नू ‘गुरु’ बारना आर गे दौ लग्‍गी।

मत्तायोस 23:8

लिकिन नीम ‘गुरु’ अमके बार'आ, एन्‍देरगेका निम्‍है गा ओर्तलेका गुरु र'अस अरा नीम ओर्मर भइय्योर हिकदर।

मत्तायोस 27:11

अक्‍कु येसुस राजीख़ापू पिलातुसी मुन्‍दहारे इज्‍जकाचस, अरा पिलातुस आसिन मेंजस, “नीन यहूदीर ही बॆलय का?” येसुस किर्त'अर बाचस, “नीन ब'अदय अन्ने दिम हवे।”

मत्तायोस 27:42

“ईस नन्नारिन बछाबाचस अन्‍ति तंगन बछाब'आ पोलदस। ईस तंगन इस्राऎल ही बॆलस बाचस, अक्‍कु क्रुस म‍इय्‍याँ ती एत्तोस बर'ओस होले, ऎम आसिन पत्त'ओम।

मत्तायोस 4:3

आ बेड़ा नू नाद बिढ़'आ गे येसुसी गुसन बरचा ती बाचा, “नीन धर्मेसी ख़द्दय होले इब़डा पखनन ब'आ का इबड़ा ओन्ना-मॊख़ना मनो क'ओ।”

मरकुस 15:32

इस्राऎल ही बॆलस ई मसीस अक्‍कु क्रुस म‍इय्‍याँ ती एत्तोस बर'ओस होले, ऎम अदन ऎररकी पत्त'ओम।” अरा डाकू आलर नॆ आस गने क्रुस नू ठोकरकाचर आर हूँ येसुसिन भेंसड़ाचर।

लू‍कस 1:35

पैकस बाचस, “नेम्‍हा बॊलतस निंग्‍है म‍इय्‍याँ बर'ओस, अरा उर्मी ती कोहाँ धर्मेसी सवंग निंग्‍है म‍इय्‍याँ ऎख़ ननो। औंगे एका बॊलॊ ख़द्दस कुन्‍द्र'ओस आस नेम्‍हा मनोस, अरा आस धर्मेसी तंग्‍दस बातार'ओस।

लू‍कस 19:38

अरा बाचर, “आ बॆलासिन धर्मेस आसीस चि'ओस एकास उर्बासी नामे ती बरदस। अक्‍कु धर्मेस अरा आलर ही मझी नू सान्‍ति अरा उर्मी ती कोहाँ धर्मेस गे ओहमा मनन नेकअन।”

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

यॊहनस 1:34

इदन ऎन ईरकन, अरा गोवाह चि'अदन का ईस दिम धर्मेसी ख़द्दस।”

यॊहनस 1:38

येसुस किर्रिईरियस ती आरिन तंग्‍है गने चॊंख़्रनन ईरियस ती आरिन बाचस, “नीम एन्‍द्रन बेद्ददर?” आर आसिन बाचर, “अना रब्‍बी! नीन एसन र'अदय? (‘रब्‍बी’ ही मने ‘गुरु’।)”

यॊहनस 1:50

येसुस आसिन आनाकिर्ताचस, “ऎन निंगन बाचकन, ‘ऎन निंगन‍ अंजीर मन्न मूली नू ईरकन’ ख़ने नीन एंगन पत्त'अदय का? नीन इदिन ती हूँ कोहाँ कोहाँ नलखन ऎरोय।”

यॊहनस 18:37

ख़ने पिलातुस बाचस, “होले नीन बॆलय का?” येसुस आनाकिर्ताचस, “नीन ब'अदय का ऎन बॆलन। मानिमन आलर गे तेंगा गे ऎन कुन्‍द्रकन अरा ख़ॆख़ेल नू बरचकन, एका ओर्तस मानिम गे र'अदस, आस एंग्‍है मेन्‍दस।”

यॊहनस 4:31

इदही मझी नू चेलर आसिन मेनालियर, “गुरु, ओंदा कटइकेम मॊख़ा।”