यॊहनस 1:45 - पुना गच्छरना NT (BSI)

⁴⁵ फिलिप्‍पोस नतन‍ऎलसिन ख़क्‍खियस ती बाचस, “नॆख'आ पत्त नू मूसस नॆग नू लिखचकादस अरा धर्मेसी कत्‍था तिंगुर हूँ लिखचकानर, आसिन ऎम ईरकम। आस यॊसॆफसी तंग्‍दस नासरेत पद्दा ता येसुस दिम हिकदस।”

यॊहनस 1:45 ပူးပေါင်းရင်းမြစ်များ

मत्तायोस 10:3

अरा फिलिप्‍पोस अरा बरतोलोमैस अरा मालगुजारी ऊज'ऊ मत्तायोस अरा तॊमस अरा हल‍फैसी तंग्‍दस याकॊब अरा तद्दैस

मत्तायोस 13:55

ईस गा बढ़ाईसी ख़द्दस मलदस का? अरा ईसी तंगियो मरियम अरा ईसी भ‍ईर याकॊब, यॊसॆफ, सिमॊन अरा यूदस मलनर का?

मत्तायोस 2:23

अरा नासरेत नामे पद्दा नू केरस ती ओक्रस। होले धर्मेसी कत्‍था तिंगुर ती बारकी रहचा, “आस नासरेत ता आलस बार'ओस” आ कत्‍था मनन नेक‍अन।

मत्तायोस 21:11

अरा आलर बाचर, “गलिलेया जिला ही नासरेत पद्दा ता धर्मेसी कत्‍था तिंगू येसुस।”

मरकुस 14:67

आद पतरसी चिच्‍ची अख़रनन ईरिया, अरा आसिन थिथवाँ ईरिया ती बाचा, “नीन हूँ गा नासरेत पद्दा ता आ येसुस गने रहचकय।”

मरकुस 6:3

ईस बढ़ाईस मलदस का?, नाम अख़दत का ईस गा मरियम ही तंग्‍दस, अरा ईसी तंग्ड़िबगर याकॊब अरा यॊसॆस अरा यूदस अरा सिमॊन हिकनर। अरा ईसी बहिनोर हूँ नम्‍है पद्दा नू र'अनर।” एन्ने बाचर ती आर आसिन एन्ने म‍ईन मल नंजर।

लू‍कस 18:37

अबड़र आसिन तिंगियर, “नासरेत ता येसुस कट्टालदस।”

लू‍कस 2:4

यॊसॆफस हों गलिलेया जिला ता नासरेत नगरे ती यूदेया जिला ता दाऊद बॆलासी ओक्‍करका नगरे बॆतलहेम केरस, एन्‍देरगेका आस दाऊदसी बनस ता रहचस।

लू‍कस 2:48

येसुसी तंगियो तम्‍बा आसिन ईरियर ती अकबकरर। अरा आसी तंग्यो आसिन बाचा, “अना ख़द्दायो, नीन एम्‍है गने एन्‍देरगे एन्ने नंजकय? ऎरा, निम्‍बस अरा ऎन हेन्‍दो मंजकम ती निंगन बेद्दा लिक्‍कम।”

लू‍कस 24:27

ख़ने आस मूसस अरा ओर्मा धर्मेसी कत्‍था तिंगुर तंग्‍है पत्त नू लिखचका ओर्मा कत्‍थन आर गे बुझाबाचस।

लू‍कस 24:44

तहाँ आस आरिन बाचस, “एका कत्‍थन ऎन निम्‍है गने र'अना बेड़ा निमन तिंकन, एन्‍देर एंग्‍है पत्त नू मूसासी पॆसका नू अरा धर्मेसी कत्‍था तिंगुर अरा अस्सना-पाड़ना डंडी पुथी नू लिख्रकी र'ई अबड़ा उर्मी कत्‍था मन्ना चाड़ र'ई।”

लू‍कस 3:23

येसुस तान दौ कत्‍था मेन्‍त'आ हेलरस ख़ने, आस तीस बछर ही केम रहचस। येसुस बुझ्र'आलियस का आस यॊसॆफसी तंग्‍दस। यॊसॆफस ऎलीसी तंग्‍दस।

लू‍कस 4:22

ओर्मर आसिन सहरारर, अरा एका मया ही कत्‍था गुट्ठी आसी ब‍ई ती उरखालिया, अत्रु ती अकबक मंजर। लिकिन फिन ब'आ हेलरर, “ईस यॊसॆफसी तंग्‍दस मलदस का?”

यॊहनस 1:44

फिलिप्‍पोस गा अन्‍द्रेयस अरा पतरसी नगरे बॆतसैदा ता रहचस।

यॊहनस 12:21

अबड़र गलिलेया ही बॆतसैदा ता फिलिप्‍पोस गुसन बरचर ती बाचर, “उर्बायो, ऎम येसुसिन भेंट मना बेद्ददम।”

यॊहनस 14:8

फिलिप्‍पोस आसिन बाचस, “उर्बायो, बंगासिन एमन ऎद'आ, ईदिम एमा जबर हवे।”

यॊहनस 18:5

आर आनाकिर्ताचर, “नासरेत ता येसुसिन बेद्ददम।” येसुस बाचस, “आस ऎनिम हिकदन।” (येसुसिन धरत'आ गे पपहर गे संगे चि'ऊ यूदस हूँ आर ही गने इज्‍जका रहचस।)

यॊहनस 18:7

ख़ने येसुस अउरिम आरिन मेंजस, “नीम नॆकन बेद्ददर?” आर बाचर, “नासरेत ता येसुसिन बेद्ददम।”

यॊहनस 19:19

अरा पिलातुस ओन्‍टा दोस चिठी लिखताचस ती क्रुस नू लगाबाताचस। अरा अइय्या एन्ने लिख्रकी रहचा का, “नासरेत ता येसुस यहूदीर ही बॆलस।”

यॊहनस 21:2

सिमॊन पतरस अरा दिदुमोस बारना तॊमस अरा गलिलेया जिला ही काना पद्दा ता नतन‍ऎलस अरा जेबदयुसी दुयो तंग्‍दा बगर अरा येसुसी अउर ऎंड़ चेलर अइय्या जुमुरका रहचर।

यॊहनस 6:42

अरा आर ब'आ लगियर, “ईस गा येसुस, यॊसॆफसी तंग्‍दस, ईसी तंग्‍यो तम्‍बन नाम अख़दत, होले अक्‍कु ईस एकासे ब'अदस, ‘ऎन मेर्ख़ा ती इत्तका हिकदन?’”

यॊहनस 6:5

येसुस मॆन ईरियस ती तंग्‍है गुसन जतरा लेक्‍खा आलारिन बरना ईरियस ती फिलिप्‍पोसिन बाचस, “ईरिन ओन्‍त'आ मॊख़त'आ गे एस्‍तेक असमा ख़ॆन्‍दा ओंगोत?”

यॊहनस 6:7

फिलिप्‍पोस आसिन आनाकिर्ताचस, “आठ महिना नलख ही भूती ती असमा ख़ॆन्‍दोम होले हूँ इवं‍दा आलर गे कटी कटी हूँ मल मनो।”

त‍इरकर 10:38

नासरेत ता येसुसिन धर्मेस नेम्‍हा बॊलतस ती अरा सवंग ती बड़ियर नंजस अरा धर्मेस आसी गने रहचस। ख़ने आस दौ नन्नुम अरा सैतान ती बझ्रका आलारिन कोड़े नन्नुम कुद्दा लगियस।

त‍इरकर 2:22

इस्राऎल आलारो, इबड़ा कत्‍थन मेनके। नीम अख़दर का धर्मेस नासरेत ता येसुस ती एका कोहाँ अजगुत नलख अरा अकबक नलख अरा चिन्‍हा गुट्ठी निम्‍है मझी नू नंजस। इत्रु ती धर्मेस आसिन निमन ऎदस का आस धर्मेस तरती त‍इरकाचस।

त‍इरकर 22:8

ख़ने ऎन आनाकिर्ताचकन, ‘उर्बायो, नीन एका ओर्तय?’ आस एंगन बाचस, ‘ऎन नासरेत ता येसु हिकदन, नॆकन नीन सताब'आलदय।’

त‍इरकर 26:9

ऎन हूँ गा नासरेस ता येसुसी नामे नू एंगा उर्मी तरती कोड़हे बिड़दो नन्ना र'ई एन्ने मुन्‍द सोच'आ लिक्‍कन।

त‍इरकर 3:6

लिकिन पतरस आसिन बाचस, “सोना अरा चाँदी गा एंग्‍‍है गुसन मल्‍ला, लिकिन एंग्‍‍है गुसन एन्‍द्रा र'ई, अदिन निंगा चि'अदन। नासरेत ता येसु मसीसी नामे ती चो'आ अरा कुद्दा नुंगा।”