यॊहनस 1:44 - पुना गच्छरना NT (BSI)

⁴⁴ फिलिप्‍पोस गा अन्‍द्रेयस अरा पतरसी नगरे बॆतसैदा ता रहचस।

यॊहनस 1:44 ပူးပေါင်းရင်းမြစ်များ

मत्तायोस 10:3

अरा फिलिप्‍पोस अरा बरतोलोमैस अरा मालगुजारी ऊज'ऊ मत्तायोस अरा तॊमस अरा हल‍फैसी तंग्‍दस याकॊब अरा तद्दैस

मत्तायोस 11:21

“ओहरे ख़ोराजिन नगरे ता आलारो, ओहरे बॆतसैदा नगरे ता आलारो! एका सवंग ही नलख निम्‍है नू मंजकी र'ई, अबड़ा तुरोस दरा सीदॊन नगरे नू मंजकी रहचा होले, आ उल्‍लम अइय्या ता आलर तमन सन्नी ऎद'आ गे बोरन झपर'अरकी अरा चिन्‍द नू ओक्‍करकी जियन किर्ताचका र'ओर दने।

मरकुस 3:18

अरा अन्‍द्रेयस अरा फिलिप्‍पोस अरा बरतोलोमैस अरा मत्तायोस अरा तॊमस अरा हल‍फैसी तंग्‍दस याकॊब अरा तद्दैस अरा यहूदीर ही छछिन्‍द सैना ता सिमॊन

मरकुस 6:45

लॆम येसुस चेलारिन डोंगा नू अरग'अरकी तंग्‍है ती मुन्‍द बॆतसै‍दा नगरे काला गे आनियस। येसुस गोंहड़न उडर'अना गूटी असन रहचस।

मरकुस 8:22

तहाँ येसुस अरा आसी चेलर बॆतसै‍दा पद्दा नू बरचर, ख़ने जोक्‍क आलर ओन्‍टा अन्‍धासिन येसुस गुसन ओन्‍द्रर। अरा आर येसुसिन आ आलासिन कोड़े नना गे ऎसड़'आ गे गोहरारर।

लू‍कस 10:13

ओहरे निमा ख़ोराजिन नगरे ता आलारो, ओहरे निमा बॆतसैदा नगरे ता आलारो। एका सवंग ही नलख निम्‍है नू मंजकी र'ई, अबड़ा तुरोस दरा सीदॊन नगरे नू मंजकी रहचा होले, आ उल्‍लम अइय्या ता आलर तमन सन्नी ऎद'आ गे बोरन झपर'अरकी अरा चिन्‍द नू ओक्‍करकी जियन किर्ताचका र'ओर दने।

लू‍कस 6:14

आर ईर हिकनर, सिमॊन आसी नामे येसुस पतरस पिंजियस अरा आसी भइय्योस अन्‍द्रेयस अरा याकॊब अरा आसी भइय्योस यॊहन अरा फिलिप्‍पोस अरा बरतोलोमैस

लू‍कस 9:10

फिन बारा तइरकर किर्रियर ती ताम एन्‍देर एन्‍देर नंजकाचर अदिन येसुसिन तिंगियर। अरा येसुस आरिन बॆतसैदा नामे नगरे नू तंग्‍है गने होच्‍चस केरस असन आर तामलेका र'आ ओंगोर।

यॊहनस 1:43

दोसर उल्‍ला येसुस गलिलेया जिला काला गे बिद्दियस। अरा आस फिलिप्‍पोसिन ख़क्‍खियस ती आसिन बाचस, “एंग्‍है गने चॊंख़्र'आ।”

यॊहनस 1:45

फिलिप्‍पोस नतन‍ऎलसिन ख़क्‍खियस ती बाचस, “नॆख'आ पत्त नू मूसस नॆग नू लिखचकादस अरा धर्मेसी कत्‍था तिंगुर हूँ लिखचकानर, आसिन ऎम ईरकम। आस यॊसॆफसी तंग्‍दस नासरेत पद्दा ता येसुस दिम हिकदस।”

यॊहनस 1:46

लिकिन नतनऎलस फिलिप्‍पोसिन बाचस, “नासरेत हिके का! नासरेत ती एकअम बॆस बर'आ ऊंगी का?” फिलिप्‍पोस बाचस, “बरा ती ऎरा।”

यॊहनस 1:48

नतनऎलस येसुसिन बाचस, “नीन एंगन एकासे अख़दय?” येसुस आनाकिर्ताचस, “फिलिप्‍पोस निंगन मॆख़ना ती मुन्‍द अंजीर मन्‍न मूली नू रहचकय ख़ने, निंगन ईरकाचकन।”

यॊहनस 12:21

अबड़र गलिलेया ही बॆतसैदा ता फिलिप्‍पोस गुसन बरचर ती बाचर, “उर्बायो, ऎम येसुसिन भेंट मना बेद्ददम।”

यॊहनस 12:22

फिलिप्‍पोस बरचस ती अन्‍द्रेयसिन तिंगियस। अरा अन्‍द्रेयस अरा फिलिप्‍पोस केरर ती येसुसिन तिंगियर।

यॊहनस 6:5

येसुस मॆन ईरियस ती तंग्‍है गुसन जतरा लेक्‍खा आलारिन बरना ईरियस ती फिलिप्‍पोसिन बाचस, “ईरिन ओन्‍त'आ मॊख़त'आ गे एस्‍तेक असमा ख़ॆन्‍दा ओंगोत?”

यॊहनस 6:7

फिलिप्‍पोस आसिन आनाकिर्ताचस, “आठ महिना नलख ही भूती ती असमा ख़ॆन्‍दोम होले हूँ इवं‍दा आलर गे कटी कटी हूँ मल मनो।”

त‍इरकर 1:13

अरा असन आर अंड़सियर ख़ने, ओन्टा पाटन कुठला नू केरर। अइय्यम पतरस अरा यॊहन अरा याकॊब अरा अन्‍द्रेयस अरा फिलिप्‍पोस अरा तॊमस अरा बरतोलोमैस अरा मत्तायोस अरा हलफैसी तंग्‍दस याकॊब अरा यहूदीर ही छछिन्‍द सैना ता सिमॊन अरा याकॊबसी तंग्‍दस यूदस र'आलियर।