यॊहनस 1:42 - पुना गच्छरना NT (BSI)

⁴² अरा आस सिमॊनसिन येसुस गुसन होच्‍चस। येसुस आसिन ईरियस ती बाचस, “नीन यॊहनसी तंग्‍दय सिमॊन हिकदय। नीन ‘कॆफास’ बार'ओय।” (कॆफासिन ‘पतरस’ एन्ने हूँ ब'अनर।)

यॊहनस 1:42 ပူးပေါင်းရင်းမြစ်များ

मत्तायोस 10:2

बारो तइरकर ही नामे एन्ने र'ई: मुन्‍द ता सिमॊन, नॆ पतरस बारदस अरा आसी भइय्योस अन्‍द्रेयस अरा जेबदयुसी तंग्‍दस याकॊब अरा आसी भइय्योस यॊहन

मरकुस 3:16

आसी चज्जिका बारा गोटंग आलर ईर हिकनर, सिमॊन नॆखय आस पतरस नामे पिंजियस,

लू‍कस 5:8

सिमॊन पतरस इदिन ईरयस ती येसुसी ख़ेडमूली खत्तरस ती बाचस, “अना उर्बायो, एंग्‍है गुसले कला, एन्‍देरगेका ऎन पपहा आलन हिकदन, अरा निंग्‍है जॊगे मलकन।”

लू‍कस 6:14

आर ईर हिकनर, सिमॊन आसी नामे येसुस पतरस पिंजियस अरा आसी भइय्योस अन्‍द्रेयस अरा याकॊब अरा आसी भइय्योस यॊहन अरा फिलिप्‍पोस अरा बरतोलोमैस

यॊहनस 13:18

ऎन नीम ओर्मर ही पत्त नू मल ब'अदन। ऎन अख़दन का ऎन नॆकन नॆकन चज्जिकादन। लिकिन ईद इदगे मनी का नेम्‍हा पुथी नू लिख्रका कत्‍था मन्ना र'ई, ‘एकास एंग्हा गने मोक्‍खस आस दिम एंग्‍है बिड़दो मंजकादस।’

यॊहनस 21:2

सिमॊन पतरस अरा दिदुमोस बारना तॊमस अरा गलिलेया जिला ही काना पद्दा ता नतन‍ऎलस अरा जेबदयुसी दुयो तंग्‍दा बगर अरा येसुसी अउर ऎंड़ चेलर अइय्या जुमुरका रहचर।

यॊहनस 4:16

येसुस अदिन बाचस, “कलय, निंग्‍आलासिन इसन मॆख़य ओन्‍द्र'अय।”

1 कोरिन्‍थ 1:12

एंग्‍है ब'अना ईद र'ई का, निम्‍है ती जोक्‍कोर ब'अनर, “ऎन पौलुसी चोख़र'ऊ हिकदन” नन्नर ब'अनर, “ऎन अप्‍पोल्लॊसी चोख़र'ऊ हिकदन” नन्‍नर ब'अनर, “ऎन पतरसी चोख़र'ऊ हिकदन” अरा नन्नर ब'अनर, “ऎन मसीसी चोख़र'ऊ हिकदन।”

1 कोरिन्‍थ 15:5

अरा आस पतरस गे अरा ख़ॊख़ा बारो चेलर गे ऎथ्रस।

1 कोरिन्‍थ 3:22

एकासे का, ऎन पौलुस महले अप्‍पोल्लॊस महले पतरस ऎम ओर्मम निम्‍है दौ गे दिम हिकदम। ई सौंसार महले उज्‍जना महले खे'अना महले ई उल्‍ला महले बरना उल्‍ला अबड़ा उर्मी निम्‍है दौ गे दिम हवे।

1 कोरिन्‍थ 9:5

नन्‍ना तइरकर अरा उर्बासी तंग्ड़िबगर अरा पतरस नन्ना लेक्‍खा एम्‍है गने पत्त'ऊ आलिन बेंज्रका ती हो'अना काना गे एमा गे अदिया मल्‍ला का?

गलातिया 1:18

अरा ऎन तीन बछर ख़ॊख़ा पतरस गने भेंट मना गे येरुसलॆम केरकन अरा आसी गने पन्‍द्रा उल्‍ला रहचकन।

गलातिया 2:11

पतरस अन्‍तियोख़ेया बरचस ख़ने ऎन आसी छम्‍हा छम्‍हें आस गने आनानख्रकन। एन्‍देरगेका आस नू गुन्‍हा रहचा।

गलातिया 2:9

आलर याकॊब अरा पतरस अरा यॊहनसिन कलीसिया ही कोहाँ मुद्धर लेक्‍खा सोचर। आर धर्मेस ती एंगा ख़क्‍ख्रका मया आबोन अक्‍खर। आर एंगन अरा बरनबासिन संगे नलख ननू लेक्‍खा इंझ्रर अरा रिझाबाचर का ऎम नन-यहूदीर गुसन क'ओम, अरा ताम यहूदीर गुसन क'ओर।