यॊहनस 1:39 - पुना गच्छरना NT (BSI)

³⁹ येसुस आरिन बाचस, “बरा, ख़ने नीम ऎरोर।” ई बेड़ा मलागूटी पुतबारी चार बजे रहचा। आस एसन र'अदस अदिन आर केरर ती ईरियर, अरा अउला आर आसी गने रहचर।

यॊहनस 1:39 ပူးပေါင်းရင်းမြစ်များ

लू‍कस 24:29

लिकिन आर आसिन गोहरारर, “एम्‍है गने र'आ, एन्‍देरगेका बीड़ी पुत्तया ने, अरा उल्‍ला केरा।” ख़ने आस आर गने र'आ केरस।

यॊहनस 1:38

येसुस किर्रिईरियस ती आरिन तंग्‍है गने चॊंख़्रनन ईरियस ती आरिन बाचस, “नीम एन्‍द्रन बेद्ददर?” आर आसिन बाचर, “अना रब्‍बी! नीन एसन र'अदय? (‘रब्‍बी’ ही मने ‘गुरु’।)”

यॊहनस 1:40

यॊहनसी कत्‍थन मेंजर ती येसुस गने चॊंख़्रका आर ती ओर्तोस सिमॊन पतरसी भ‍इय्योस अन्‍द्रेयस रहचस।

यॊहनस 1:46

लिकिन नतनऎलस फिलिप्‍पोसिन बाचस, “नासरेत हिके का! नासरेत ती एकअम बॆस बर'आ ऊंगी का?” फिलिप्‍पोस बाचस, “बरा ती ऎरा।”

यॊहनस 4:40

समारिया ता आलर आसी गुसन बरचर ख़ने, आर आसिन तम्‍है गुसन र'आ गे गोहरारर। ख़ने आस असन ऎंड़ उल्‍ला रहचस।

यॊहनस 6:37

बंगस नॆकन एंगा चि'अदस, अबड़र ओर्मर एंग्‍है गुसन बर'ओर, अरा नॆ एंग्‍है गुसन बरदस आसिन इकला हूँ ऎन मल दुस'ओन।

दहदर मंजका कत्‍था 3:20

ऎरा, ऎन बली मुन्दहारे इज्‍जकन ती ठोकठोका ब'अदन। नीकईम एंग्है सड़न मेन्दस ती बलिन तिसगदस होले, ऎन आसी गुसन बर'ओन ती आसी गने ओनोन मॊख़'ओन अरा आस एंग्‍है गने ओनोस मॊख़'ओस।