यॊहनस 1:33 - पुना गच्छरना NT (BSI)

³³ ऎन हूँ आसिन बल्‍ला लिक्‍कन। लिकिन एंग‍न नॆ अम्मु ती नॊड़रत'आ गे तइय्यस, आसिम एंगन बाचस ‘नीन नॆख'आ मइय्याँ नेम्‍हा बॊलतन एत्तना अरा ओक्‍कनन ऎरोय, आसिम नेम्हा बॊलतस ती नॊड़रत'ओस।’

यॊहनस 1:33 ပူးပေါင်းရင်းမြစ်များ

मत्तायोस 3:11

ऎन गा जियन किर्त'आ गे अम्म ती नॊड़रत'अदन, लिकिन एकास एंग्‍है ख़ॊख़ा बर‍'ऊ र'अदस, आस एंग्‍है ती कोड़हे सवंगिय र'अदस। ऎन गा आसी खरपन चॊदना जॊगे मलकन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍च ती नॊड़त'ओस।

लू‍कस 3:16

यॊहनस ओर्मारिन बाचस, “ऎन गा निमन अम्मु ती नॊड़रत'अदन, लिकिन एकास बर‍'ऊ र'अदस आस एंग्‍है ती कोड़हे सवंगिय र'अदस। ऎन ई जॊगे हूँ मलकन का आसी जूता गुट्ठी ही ऎपन हूँ कोल्‍ला ओंगोन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍ची ती नॊड़'ओस।

यॊहनस 1:31

ऎन आसिन बल्‍ला लिक्‍कन, लिकिन आस इस्राऎल आलर गे दहदर मना गे दिम ऎन अम्मु ती नॊड़रत'आ गे बरचकन।”

यॊहनस 14:26

लिकिन सालत'उस, नेम्‍हा बॊलतस नॆकन बंगस एंग्‍है नामे ती तइय्योस, आस निमन उर्मी कत्‍थन सिखाब'ओस अरा एंग्‍है आनका उर्मी कत्‍थन निमन सुरता नन्‍त'ओस।

यॊहनस 3:34

नॆकन धर्मेस तइय्कादस, आस धर्मेसी कत्‍था गुट्ठिन ब'अदस, एन्‍देरगेका धर्मेस आस गे नेम्‍हा बॊलतासिन बिगर नपदस जोक्‍खदस ती चि'अदस।

यॊहनस 3:5

येसुस आनाकिर्ताचस, “ऎन निंगन मानिमन ब'अदन, नीक‍ईम अम्मु अरा बॊलतस ती मल कुन्‍द्रदस, आस धर्मेस तंग्‍है उज्‍जना नू राजी नन्नन अनुभव मल ननोस।

यॊहनस 7:39

तंग्‍है म‍इय्याँ पत्त'ऊ आलर ख़ॊख़ा ख़क्‍खना नेम्‍हा बॊलतासी पत्त नू गा येसुस एन्ने बाचस। अक्‍कु गूटी नेम्‍हा बॊलतस मल चीरकी रहचस, ईगेका येसुस अक्‍कु गूटी तंग्‍है महबा नू मल चॊदकाचस।

त‍इरकर 1:5

यॊहनस गा अम्मु ती नॊड़रताचस, लिकिन जोक्‍क उल्‍ला ख़ॊख़ा नीम नेम्‍हा बॊलतस ती नॊड़तार'ओर।”

त‍इरकर 2:4

अरा अबड़ा ओर्मर नेम्‍हा बॊलतस नू निन्‍दियर केरर, अरा बॊलतस एकासे कछनख्र'आ गे सवंग चिच्‍चस अबड़ा ओर्मर नन्ना नन्ना भखा कछनख्र'आ हेलरर।

1 कोरिन्‍थ 12:13

एन्‍देरगेका नाम यहूदीर मलता नन-यहूदीर मलता बिट्ठी ननू जॊंख़ मलता छछिन्‍द र'अदत। अन्नु हूँ नाम ओर्मत ओन्‍टे नेम्हा बॊलतस ती ओन्‍टे मॆद नू नॊड़रकत। अरा नाम ओर्मत ओन्‍टे नेम्हा बॊलतासिन ख़क्‍खकत।