यॊहनस 1:27 - पुना गच्छरना NT (BSI)

²⁷ आस एंग्‍है ख़ॊख़ा बर'ऊ र'अदस, लिकिन ऎन आसी खरपन इँचना ही हूँ जॊगे मलदन।”

यॊहनस 1:27 ပူးပေါင်းရင်းမြစ်များ

मत्तायोस 3:11

ऎन गा जियन किर्त'आ गे अम्म ती नॊड़रत'अदन, लिकिन एकास एंग्‍है ख़ॊख़ा बर‍'ऊ र'अदस, आस एंग्‍है ती कोड़हे सवंगिय र'अदस। ऎन गा आसी खरपन चॊदना जॊगे मलकन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍च ती नॊड़त'ओस।

मरकुस 1:7

आस एन्ने मेन्त'आलियस, “ओर्तोस लॆम बर'ऊ र'अदस आस एंग्‍है ती कोड़हे सवंगिय र'अदस। ऎन ख़ोलख़र'अरकी आसी खरपन इँचना ही हूँ जॊगे मलकन।

लू‍कस 3:16

यॊहनस ओर्मारिन बाचस, “ऎन गा निमन अम्मु ती नॊड़रत'अदन, लिकिन एकास बर‍'ऊ र'अदस आस एंग्‍है ती कोड़हे सवंगिय र'अदस। ऎन ई जॊगे हूँ मलकन का आसी जूता गुट्ठी ही ऎपन हूँ कोल्‍ला ओंगोन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍ची ती नॊड़'ओस।

यॊहनस 1:15

यॊहनस आसी पत्त नू गोवाह चिच्‍चस अरा चिच्चियारस ती बाचस, “नॆख'आ पत्त नू ऎन बाचकन, आस ईसिम हिकदस, आस एंग्‍है ख़ॊख़ा बरदस, लिकिन एंग्‍है ती कोहँस र'अदस, एन्‍देरगेका आस एंग्‍है ती मुन्‍द दिम रहचस।”

यॊहनस 1:30

ईस आसिम हिकदस, ईसी पत्त नुम ऎन निमन बाचका रहचकन का, ‘आस एंग्‍है ख़ॊख़ा बरदस, लिकिन एंग्‍है ती कोहँस र'अदस, एन्‍देरगेका आस एंग्‍है ती मुन्‍द तिम रहचस।’

यॊहनस 10:41

अरा बग्‍गे आलर आसी गुसन बरचर अरा ताम तम्है नू ब'आलियर, “यॊहनस इन्द्रिइम हूँ अजगुत नलख मल नंजस, अन्नु हूँ यॊहनस ईसी पत्त नू एन्‍देर बाचस अबड़ा उर्मी मानिम हवे।”

त‍इरकर 13:25

यॊहनस तंग्‍है नलखन नंजस मुंजियस ती बाचस, ‘नीम एंगन नॆ तंग्‍है सोचदर? ऎन मसी मलदन। आस एंग्‍है ख़ॊख़ा बर'ऊ र'अदस। आसी ख़ेड्डे ता जूता गुट्ठिन ईचना ही जॊगे हूँ ऎन मलदन।’

त‍इरकर 19:4

पौलुस बाचस, “आस तंग्‍है ती ख़ॊख़ा बर'ऊ येसुसिन पत्त'आ गे आलारिन बाचस ती जियन किर्त'आ गे नॊड़रत'आ लगियस।”